తెలంగాణలోని మునుగోడు నియోజకవర్గానికి ఉప ఎన్నిక ఎప్పుడో ఖాయమైపోయింది. ఇప్పుడు ఉప ఎన్నిక నగారా కూడా మోగేసింది. నవంబర్ మొదటి వారంలో ఫలితం కూడా తేలిపోతుంది. కాంగ్రెస్, బీజేపీ తరఫున అభ్యర్థులు ఖరారైపోయారు. తెలంగాణ రాష్ట్ర సమితి నుంచి అభ్యర్థి ఖరారవ్వాల్సి వుంది. ఇంతకీ, పోటీ చేసేది తెలంగాణ రాష్ట్ర సమితేనా.? ఆ స్థానంలో కొత్తగా పుట్టుకురానున్న జాతీయ పార్టీ పోటీ చేస్తుందా.? ఈ విషయమై ఈ నెల 5న తెలంగాణ ముఖ్యమంత్రి కేసీయార్ స్పష్టతనిస్తారు.
ప్రస్తుతానికైతే రెండు జాతీయ పార్టీలు (కాంగ్రెస్, బీజేపీ) బరిలోకి దిగాయి. మూడో పార్టీ.. అది ప్రాంతీయ పార్టీ టీఆర్ఎస్ అవుతుందా.? ఆ టీఆర్ఎస్ జాతీయ పార్టీగా మారి బీఆర్ఎస్ (భారత రాష్ట్రీయ సమితి) పోటీలోకి దిగుతుందా.? అన్నది తేలాల్సి వుంది.
ఇదిలా వుంటే, అందరికన్నా ముందు అభ్యర్థిని ప్రకటించింది తామేననీ, నియోజకవర్గంలో ఉధృతంగా ప్రచారం చేస్తున్నామనీ, తమ సీటుని తాము గెలుచుకుంటామనీ కాంగ్రెస్ పార్టీ చెబుతోంది. ఈ విషయమై తెలంగాణ పీసీసీ అధ్యక్షుడు రేవంత్ రెడ్డి చాలా చాలా కాన్పిడెంట్గా కనిపిస్తున్నారు. పైకి ఎంత ధైర్యం, నమ్మకం చూపిస్తున్నా, లోలోపల కాంగ్రెస్ ఖేల్ ఖతం అయ్యిందన్న విషయం రేవంత్ రెడ్డికి కూడా తెలుసు.
బీజేపీ విషయానికొస్తే, దుబ్బాక అలాగే హుజూరాబాద్ నియోజకవర్గాల్లో అమలు చేసిన వ్యూహాన్నే మునుగోడులోనూ అమలు చేసి విజయం సాధించాలన్నది కమలనాథుల వ్యూహం. అందుకు తగ్గట్టుగానే ప్లాన్ చేసుకుంది బీజేపీ. నియోజకవర్గంలో బీజేపీ హంగామా ఓ రేంజ్లో కనిపిస్తోంది. ఉప ఎన్నిక నగారా మోగిసింది కాబట్టి, బీజేపీ జాతీయ నాయకులు ఒకరొకరుగా, మరింత ఉధృతంగా మునుగోడులో తిరగబోతున్నారట.
మరి, తెలంగాణ రాష్ట్ర సమితి సంగతేంటి.? ఎలాగైనా గెలిచేస్తాం.. అనే ధీమా నుంచి, తేడా వస్తే ఏంటి పరిస్థితి.? అనే ఆందోళన వరకు.. చిత్ర విచిత్రమైన పరిస్థితిని ఎదుర్కొంటోంది.. అధికార టీఆర్ఎస్. మధ్యలో జాతీయ పార్టీ అన్న హంగామా ఒకటి మొదలయ్యేసరికి, అదేమో కొత్త గందరగోళానికి తెరతీసింది.
‘ముందైతే మునుగోడు మీద ఫోకస్ పెడదాం, ఆ తర్వాత జాతీయ పార్టీ గురించి ఆలోచిద్దాం..’ అన్న అభిప్రాయమే టీఆర్ఎస్లో బలంగా వినిపిస్తోంది. అభ్యర్థిని ప్రకటించడంలో చేస్తున్న జాప్యం కొంప ముంచేస్తోందన్న అభిప్రాయం సర్వత్రా వినిపిస్తోంది టీఆర్ఎస్లో. పైగా, స్థానికంగా నాయకుల మధ్య సఖ్యత లేకపోవడం టీఆర్ఎస్కి ఇబ్బందికరంగా మారింది.
948662 862825I believe this web site has got extremely excellent indited articles content material . 739827
929096 11678Only a smiling visitant here to share the really like (:, btw wonderful style and style . 169678
479202 449991Hey i just visited your website for the very first time and i genuinely liked it, i bookmarked it and will probably be back 10159