నేషనల్ అవార్డ్ సాధించిన రైటర్ సందీప్ రాజ్ అందించిన కథతో రూపొందించిన చిత్రం ముఖచిత్రం. వికాస్ వశిష్ఠ, ప్రియా వడ్లమాని లీడ్ రోల్ లో నటించిన చిత్రం ముఖచిత్రం. మరి ఈ చిత్రం ఎలా ఉందో చూద్దామా.
కథ:
ప్లాస్టిక్ సర్జన్ అయిన రాజ్ కుమార్ (వికాస్ వశిష్ఠ) చనిపోయిన తన భార్య మహతి (ప్రియా వడ్లమాని) మొహాన్ని తీసుకొచ్చి యాక్సిడెంట్ అయిన తన ఫ్రెండ్ మాయ (అయేషా ఖాన్)కు ఇస్తాడు. అసలు మాయ ఎవరు? మహతి ఎలా చనిపోతుంది? ఈ ప్లాస్టిక్ సర్జరీ చేయడం వెనకాల రాజ్ కుమార్ ఉద్దేశం ఏంటి? చివరికి ఏమవుతుంది అన్నది చిత్ర కథ.
నటీనటులు:
డాక్టర్ అయిన రాజ్ కుమార్ పాత్రలో వికాస్ వశిష్ఠ పెర్ఫార్మన్స్ బాగుంది. ముఖ్యంగా తన డైలాగ్ డెలివరీ మెప్పిస్తుంది. గృహిణి పాత్రలో ప్రియా వడ్లమాని పాత్ర కూడా బాగుంది. తను క్యూట్ గా చేసింది. అయేషా ఖాన్ కీలకమైన పాత్రలో మెప్పిస్తుంది. ఇక చైతన్య రావు ఫ్రెండ్ పాత్రలో పర్వాలేదనిపిస్తాడు.
ఇక క్యామియో పాత్రలో విశ్వక్ సేన్ మెప్పిస్తాడు. ఇక మిగిలినవాళ్ళందరూ మాములే.
సాంకేతిక వర్గం:
కథతో మిళితమయ్యే పాటలు ఇచ్చాడు కాల భైరవ. తన బ్యాక్ గ్రౌండ్ మ్యూజిక్ మెప్పిస్తుంది. ఎడిటింగ్ ఓకే. సినిమాటోగ్రఫీ కూడా బాగానే అనిపిస్తుంది. నిర్మాణ విలువలు ఆల్ రైట్.
ఇక సందీప్ చిన్న చిన్న ట్విస్ట్ లతో ఆసక్తికర కథనే అందించాడు. అలాగే దర్శకుడు గంగాధర్ కూడా ఇంప్రెసివ్ వే లోనే కథను ముందుకు తీసుకెళ్లాడు. అయితే ఇద్దరూ కలిసి స్టోరీని ఈజీగా గెస్ చేసేలా ఉంచకుండా జాగ్రత్త పడాల్సింది.
ప్లస్ పాయింట్స్:
- పెర్ఫార్మన్సెస్
- బ్యాక్ గ్రౌండ్ మ్యూజిక్
మైనస్ పాయింట్స్:
- ఊహించే స్టోరీలైన్
- స్క్రీన్ ప్లే
విశ్లేషణ:
ముఖచిత్రం పర్వాలేదనిపించే డ్రామా. అయితే స్ట్రాంగ్ ప్రెజంటేషన్ లేకపోవడం కచ్చితంగా డ్రాబ్యాక్ గా మారింది. మొత్తంగా ఒకసారి ఈ చిత్రాన్ని ఎటువంటి అంచనాలు లేకుండా ట్రై చేయవచ్చు.
తెలుగుబులెటిన్. కామ్ రేటింగ్: 2.5/5
228297 199188As I web web site possessor I believe the content material matter here is rattling fantastic , appreciate it for your efforts. You need to keep it up forever! Great Luck. 767943