నటీనటులు : సందీప్ కిషన్, అన్యా సింగ్, పోసాని, మురళి శర్మ, వెన్నెల కిషోర్ తదితరులు ..
రేటింగ్ : 2. 75 / 5
కెమెరా : ప్రమోద్ వర్మ
ఎడిటింగ్ : ప్రవీణ్
దర్శకత్వం : కార్తీక్ రాజు
నిర్మాతలు : దయా పన్నేం , సందీప్ కిషన్ , విజి సుబ్రహ్మణ్యన్
దాదాపుగా రెండేళ్లకు పైగా తాను చేసిన సినిమాలు ఏ ఒక్కటి సరైన విజయాన్ని అందివ్వలేదు సందీప్ కిషన్ కు. దాంతో కెరీర్ పరంగా వెనకబడ్డ సందీప్ ఎలాగైనా సరే మంచి హిట్ కొట్టాలన్న కసితో అటు నిర్మాతగా మారుతూ తన స్నేహితులతో కలిసి చేసిన ప్రయోగమే నిను వీడని నీడను నేనే. కార్తీక్ రాజు దర్శకత్వంలో తెరకెక్కిన ఈ సినిమా సందీప్ కు ఎలాంటి హిట్ అందించింది అన్నది తెలియాలంటే కథలోకి వెళ్లాల్సిందే ..
కథ:
2035 లో కథ మొదలవుతుంది. ఓ సైకలాజికల్ కేసు విషయమై ఇద్దరు స్కాలర్స్ మానసిక వైద్యుడైన మురళి శర్మను కలవడానికి వస్తారు. ఆ కేసు విషయంలో తాను డీల్ చేసిన ఓ కొత్త తరహా కేసు గురించి చెబుతాడు. అప్పుడే కథ మొదలవుతుంది. రిషి ( సందీప్ కిషన్ ), దియా ( అన్య సింగ్ ) కొత్తగా పెళ్ళైన జంట. ఇద్దరూ సపరేట్ గా ఉంటూ ఆనందమయమైన జీవితం గడుపుతున్నారు. అలాంటి వారి జీవితంలో దియా పుట్టినరోజు సందర్బంగా ఓ రిసార్ట్ కు వెళ్లి తిరుగు ప్రయాణం అవుతారు .. ఆ దారిలో నగర శివారుల్లో వీరి కారు యాక్సిడెంట్ అవుతుంది. ఆ ప్రమాదం జరిగిన తరువాత ఇద్దరు మరో కార్ లో ఇంటికి చేరుకుంటారు. అక్కడ ఫ్రెష్ అప్ అవుతున్న సమయంలో అనుకోకుండా అద్దంలో రిషి కి బదులు మరో వ్యక్తి కనిపిస్తాడు ? అలాగే దియాకు కూడా అచ్చంగా ఇలాంటి సంఘటన జరుగుతుంది. ఆమె అద్దంలో చూసుకున్నప్పుడు మరో అమ్మాయి కనిపిస్తుంది. దాంతో షాక్ అయిన రిషి, దియా ఇద్దరూ మానసిక డాక్టర్ మురళి శర్మను కలుస్తారు. అసలు వారి జీవితాల్లో జరిగిన అసలు సంఘటనలు ఏమిటి ? నిజానికి అద్దంలో కనిపిస్తున్న ఆ ఇద్దరు ఎవరు? అన్న కోణంలో డాక్టర్ కేస్ డీల్ చేస్తుంటాడు. ఈ కేసులో సి ఐ పోసాని ( పోసాని ) హెల్ప్ తీసుకుంటాడు. వారిద్దరికీ రిషి, దియాలకు ఉన్న సంబంధం ఏమిటి ? అసలు సందీప్ కిషన్ లో వెన్నెల కిషోర్ ఆత్మ ఎందుకుంది అన్నది అసలు కథ.
నటీనటుల ప్రతిభ :
చనిపోయిన ఒక మనిషి ఆత్మ బతికి ఉన్న వ్యక్తి లో ప్రవేశించడం అనే పాయింట్ తో ఇప్పటికే చాలా సినిమాలు వచ్చాయి. అయితే ఇందులో కొత్తగా బతికి ఉన్న మనిషి అద్దంలో చూసుకుంటే మరో మనిషిలా కనిపించడం ఏమిటి అన్నది కొత్త పాయింట్. ఈ సినిమాలో హీరో సందీప్ కిషన్ చక్కగా చేసాడు. అతని పాత్ర లో అన్ని రకాల ఎమోషన్స్ పలికించాడు. ముఖ్యంగా కొన్ని ఎమోషనల్ సీన్స్ లో మెప్పించాడు. హీరోయిన్ అన్యా సింగ్ నటన విషయంలో పెద్దగా ఆకట్టుకోదు. గ్లామర్, రొమాంటిక్ విషయాల్లో బాగానే చేసింది. ఇక మురళి శర్మ, పోసానిల నటన ఆకట్టుకుంది. ముఖ్యంగా పోసాని చేసే కామెడీ బాగా పండింది. ఆత్మగా వెన్నెల కిషోర్ ఆకట్టుకునే ప్రయత్నం చేసినప్పటికీ అతని నుండి ఊహించిన కామెడీ మాత్రం ఇవ్వలేదు. మిగతా పాత్రల్లో వారు వారు బాగానే చేసారు.
టెక్నీకల్ హైలెట్స్ :
దర్శకుడు ఓ కొత్త కథను ఎంచుకున్నప్పటికీ దాన్ని నడిపించే విషయంలో కాస్త తడబడ్డాడు. ప్రతిబింబానికి, నీడకు ఉన్న వ్యత్యాసాన్ని చూపించే ప్రయత్నం చేయలేదు. అయితే మొదటి భాగాన్ని బాగానే బాగా డీల్ చేసిన దర్శకుడు రెండో భాగం విషయంలో టెన్షన్ పడ్డాడనిపిస్తుంది. అందుకే చాలా సన్నివేశాలు సాగదీసినట్టుగా ఉంటాయి. ఇక థమన్ అందించిన ఆర్ ఆర్,బాగుంది . అలాగే ఓ సాంగ్ కూడా పరవాలేదనిపిస్తుంది. చివర్లో వచ్చిన ఎమోషనల్ సాంగ్ సూపర్. ఇక పీకే వర్మ కెమెరా వర్క్ బాగుంది. చాలా సన్నివేశాల్లో ఫోటోగ్రఫి తో ఆకట్టుకునే ప్రయత్నం చేసాడు. ఎడిటింగ్ విషయంలో ప్రవీణ్ ఇంకాస్త కేర్ తీసుకుంటే బాగుండేది. చాలా భాగాలు కాస్త బోర్ కొట్టేలా సాగుతాయి. ప్రొడక్షన్ విలువలు ఫరవాలేదు. అయితే దర్శకుడు ఎంచుకున్న కథను అంతే బిగువుగా నడిపించలేకపోయాడు. సెకండాఫ్ చాలా నీరసంగా సాగుతుంది. సినిమాలో అసలు ట్విస్ట్ ని ఎలాంటి క్యూరియాసిటీ లేకుండా రివీల్ చేయడం కూడా బాగాలేదు.
విశ్లేషణ :
ఆసక్తికరమైన కథను ఎంచుకున్న దర్శకుడు కథనాన్ని మాత్రం అంత ఆసక్తి లేకుండా నడిపించాడు. ఓ కొత్త పాయింటు ను తీసుకున్నప్పటికీ. అలాంటి అరుదైన సంఘటన ఇద్దరికీ జరగడం ఏమిటి ? అన్న సందేహాలు కలిగేలా చేసాడు. ఏదో గతంలో జరిగిన సంఘటనను ఇన్స్పైర్ అయినా ఈ కథలో ఆ ఇంటెన్షన్ అనేది కనపడదు. మొదటి భాగంలో ఉన్న స్పీడ్ రెండో భాగం వచ్చే సరికి తగ్గిపోయి బోర్ కొట్టేలా చేసింది. ఫ్లాష్ బ్యాక్ ఎపిసోడ్స్ కూడా విసిగిస్తాయి. మొత్తానికి హర్రర్ థ్రిల్లర్ నేపథ్యంలో అనుకోని మలుపులు, సంఘటనలతో ఆకట్టుకునే విధంగా సాగె కథనాన్ని దర్శకుడు అనవసర కొనసాగింపులతో బోర్ కొట్టేలా చేసారు. అద్దంలో నీ బదులు మరో వ్యక్తి కనపడితే అంటూ ఆసక్తి రేపిన ఈ సినిమా ఆ రేంజ్ ఎగ్జయిట్మెంట్ అన్నది లేకపోవడం విచిత్రంగా అనిపిస్తుంది. మొత్తానికి కొత్త దర్శకుడు చేసిన ప్రయత్నం బాగున్నా కొన్ని ఆకట్టుకోని సన్నివేశాలు, కథనాన్ని నెమ్మదిగా సాగేలా చేసాయి. సందీప్ కిషన్ నటన, బ్యాక్ గ్రౌండ్ మ్యూజిక్ ఆకట్టుకునే అంశాలు.
ట్యాగ్ లైన్ : అద్దంలో .. శూన్యం !!
Blackjack nicht enthalten topsyturvy Grundsätze,
lediglich sicher schon entscheiden schlagen so, wenn bis
haben.
695894 366369Some truly fantastic articles on this internet site , appreciate it for contribution. 625660