దుల్కర్ సల్మాన్ ‘కనులు కనులను దోచాయంటే’ మూవీ రివ్యూ

తెలుగుబుల్లెటిన్ రేటింగ్: 2.5/5

నటీనటులు: దుల్కర్ సల్మాన్, రీతూ వర్మ, రక్షణ్, నిరంజని, గౌతమ్ మీనన్, అనీష్ కురువిల్ల…
నిర్మాతలు: వయాకామ్18 పిక్చర్స్, ఆంటో జోసెఫ్‌ ఫిల్మ్‌ ఫ్యాక్టరీ
దర్శకత్వం: దేసింగ్‌ పెరియసామి
సినిమాటోగ్రఫీ: కె.ఎం. భాస్కరన్
మ్యూజిక్: మసాలా కాఫీ
బ్యాగ్రౌండ్ స్కోర్: హర్షవర్ధన్ రామేశ్వర్
ఎడిటర్‌: ప్రవీణ్ ఆంటోనీ
రన్ టైమ్: 2 గంటల 42 నిముషాలు
విడుదల తేదీ: ఫిబ్రవరి 28, 2020

దుల్కర్ సల్మాన్ కి టాలీవుడ్ లో ఫ్యాన్స్ ఉన్నారు. ‘ఓకే బంగారం’, ‘మహానటి’ సినిమాలు టాలీవుడ్ ఆడియన్స్ కి అతడిని దగ్గర చేశాయి. అదర్ లాంగ్వేజెస్ లో దుల్కర్ సల్మాన్ యాక్ట్ చేసే సినిమాలను చూసే ఆడియన్స్ కూడా ఉన్నారు. అందువల్ల, దుల్కర్ యాక్ట్ చేసిన తమిళ్ ఫిలిం తెలుగులో రిలీజ్ అవ్వడంతో ఫ్యాన్స్ హ్యాపీ. సినిమా వాళ్ళను హ్యాపీగా ఉంచేలా ఉందొ లేదో చూద్దాం.

కథ: సిద్ (దుల్కర్ సల్మాన్) యాప్, గేమింగ్ డిజైనర్. ఫ్రెండ్ కాలిస్ (రక్షణ్)తో గేటెడ్ కమ్యూనిటీలో హౌస్ రెంట్ కి తీసుకుని ఉంటాడు. లగ్జరీ లైఫ్ స్టయిల్ కోసం అలవాటు పడిన ఇద్దరు మోసాలు చేస్తుంటారు. ఫర్ ఎగ్జాంపుల్…. ఆన్ లైన్ లో ల్యాప్‌టాప్స్ ఎక్సట్రా ఎక్సట్రా బుక్ చేసి, అందులో కొత్త పార్ట్స్ తీసి పాతవి పెట్టి ఏదో సాకు చెప్పి రీప్లేస్ అడుగుతారు. మళ్లీ కొత్తగా వచ్చినవి ఓఎల్ఎక్స్‌లో, పార్ట్స్ బ్లాక్‌లోఅమ్మి జల్సాలు చేస్తుంటారు. అటువంటి సిద్, మీరా (రీతూ వర్మ)ను లవ్ చేస్తాడు. మీరా ఫ్రెండ్ శ్రేయ (నిరంజని)ను కాలిస్ లవ్ చేస్తాడు. నలుగురు కలిసి హ్యాపీగా ఉంటున్న సమయంలో రెస్టారెంట్ పెట్టాలని అనుకుంటారు. అందుకు ఎక్కువ మనీ కావాలి కాబట్టి సిద్, కాలిస్ కొత్త మోసాలకు పాల్పడతాడు. ఒకసారి పోలీసుల ట్రాప్ లో పడి జస్ట్ మిస్ అవుతారు. దాంతో అన్నిటికి చెక్ పెట్టి అమ్మాయిలతో కలిసి గోవా వెళతారు. పోలీస్ ప్రతాప్ సింహ (గౌతమ్ మీనన్) వీళ్ల ఆచూకీ కనిపెట్టి గోవా వెళ్తాడు. సిద్, కాలిస్ దొరుకుతారు. కాని అక్కడ మీరా, శ్రేయ ఉండరు. వాళ్లు ఏమయ్యారు? అమ్మాయిల కోసం కూడా ప్రతాప్ సింహ ఎందుకు వెతుకుతున్నాడు? వాళ్ల మిస్సింగ్ వెనుక స్టోరీ ఏంటి? చివరకు ఏమైంది? అనేది మిగతా సినిమా

తెర మీద స్టార్స్..

రియల్ లైఫ్ ఏజ్ క్యారెక్టర్ కాబట్టి దుల్కర్ సల్మాన్ ఈజీగా యాక్ట్ చేశాడు. సింపుల్, స్టయిలిష్ గా కనిపించాడు. యాక్టింగ్ కి స్కోప్ ఉన్న క్యారెక్టర్ లో రీతూ వర్మ అదరగొట్టింది. హీరోయిన్ క్యారెక్టర్ లో ట్విస్ట్స్ కి రీతూ వర్మ ఫేస్ లో ఇన్నోసెన్స్ ఒక రేంజ్ లో హెల్ప్ అయింది. ఇంటర్వెల్ ట్విస్ట్ రివీల్ అయిన తర్వాత, అంతకు ముందు యాక్టింగ్ బాగా చేసింది. దుల్కర్, రీతూ వర్మ కెమిస్ట్రీ బావుంది. కాని లవ్ ట్రాక్ అంతగా ఆకట్టుకోదు. హీరోతో హీరోయిన్ ఎలా లవ్ లో పడింది అనేదానికి లాజిక్ లేదు. హీరో హీరోయిన్స్ ఫ్రెండ్స్ గా రక్షక్, నిరంజని జస్ట్ ఓకే. యాక్టర్స్ లో మోస్ట్ ఇంపార్టెంట్ పర్సన్ గౌతమ్ మీనన్. కాప్ రోల్ లో స్టయిలిష్ గా సూపర్ యాక్టింగ్ చేశారు. రిచ్ బిజినెస్ మాన్ రోల్ లో అనీష్ కురువిల్ల సూట్ అయ్యారు.

తెర వెనుక టాలెంట్..

‘కనులు కనులను దోచాయంటే’కి టెక్నికల్ పరంగా బెస్ట్ అవుట్ పుట్ ఇచ్చినది సినిమాటోగ్రాఫర్ భాస్కరన్, బ్యాగ్రౌండ్ స్కోర్ చేసిన హర్షవర్ధన్ రామేశ్వర్. స్క్రీన్ మీద ఈచ్ ఫ్రేమ్ బ్యూటిఫుల్ గా ఉంది. హర్షవర్ధన్ ఫెంటాస్టిక్ రీ రికార్డింగ్ చేశారు. మసాలా కాఫీ సాంగ్స్ వినడానికంటే విజువల్ గా బాగున్నాయి. ప్రొడక్షన్ వేల్యూస్ రిచ్ గా ఉన్నాయి. ఎడిటర్ ఫస్టాఫ్ లో అనవసరమైన సీన్స్ కట్ చేయాల్సింది.

ఇక కెప్టెన్ ఆఫ్ ది షిప్ అయిన దేసింగ్ పెరియసామి విషయానికి వస్తే… స్టోరీ కంటే స్క్రీన్ ప్లే బాగా రాసుకున్నాడు. ఫస్టాఫ్ లో ఫస్ట్ 15 మినిట్స్ చాలా బోర్ కొట్టించాడు. తర్వాత కూడా రొటీన్ స్టోరీతో ఇంటర్వెల్ వరకు బండి లాగించాడు. అమ్మాయిని చూసి అబ్బాయి లవ్ చేయడం, అబ్బాయిలు మోసాలు చేయడం, పోలీస్ నుండి తప్పించుకోవడంతో సరిపెట్టాడు. ఫస్ట్ హాఫ్ లో పెద్దగా కంటెంట్ లేకపోవడం వల్ల సోసోగా అనిపిస్తుంది. ఇంటర్వెల్ ట్విస్ట్ దగ్గర సినిమాపై ఇంట్రెస్ట్ క్రియేట్ చేశాడు. సెకండ్ హాఫ్ లో సినిమా ట్రాక్ ఎక్కింది. ఇంట్రెస్టింగ్ గా బండి ముందుకు వెళ్ళింది. ట్విస్ట్స్ కూడా బాగున్నాయి. అలాగని ఇది కంప్లీట్ న్యూ స్టోరీ కాదు. కోర్ థీమ్ పాయింట్ మీద తాప్సి యాక్ట్ చేసిన ‘నీవెవరో’ వచ్చింది. అదే పాయింట్ ని డైరెక్టర్ డిఫరెంట్ గా డీల్ చేశాడు. ఆడియన్స్ కి థ్రిల్స్ ఇవ్వడంలో సక్సెస్ అయ్యాడు.

విజిల్ మోమెంట్స్:

– సెకండ్ హాఫ్
– స్క్రీన్ ప్లే, ట్విస్ట్స్ & టర్న్స్
– దుల్కర్ సల్మాన్, రీతూ వర్మల జోడీ, పెర్ఫార్మన్స్
– ప్రీ క్లైమాక్స్, క్లైమాక్స్

బోరింగ్ మోమెంట్స్:

– స్పీడ్ బ్రేకర్స్ లాంటి సాంగ్స్
– నో ఎంటర్టైన్మెంట్
– రొటీన్ ఫస్ట్ హాఫ్
– లవ్ ట్రాక్

విశ్లేషణ: టాలీవుడ్ ఆడియన్స్ చూసిన దుల్కర్ సల్మాన్ సినిమాలతో కంపేర్ చేస్తే, ఇది డిఫరెంట్ ఫిలిం. ఇప్పటివరకు టాలీవుడ్ లో వచ్చిన రొమాంటిక్ ఎంటర్టైనర్స్ కమ్ థ్రిల్లర్స్ తో కంపేర్ చేసినా డిఫరెంట్ ఎక్స్ పీరియన్స్ ఇస్తుంది. అయితే 100% థ్రిల్ ఇవ్వడంతో సినిమా ఫెయిల్ అయింది. 50% థ్రిల్ ఇచ్చింది. సెకండ్ హాఫ్ సినిమాకు స్ట్రెంత్. ఫస్ట్ హాఫ్ లో ఫస్ట్ 15, 20 మినిట్స్ ల్యాగ్ చేయకుండా డైరెక్ట్ స్టోరీలోకి వెళ్లి సినిమాను రన్ చేసి ఉంటే బాగుండేది. సెకండ్ హాఫ్ లో ట్విస్ట్స్ బాగోవడం, స్క్రీన్ ప్లే రేసీగా ఉండడంతో బాగుంది అనే ఫీలింగ్ తో ఆడియన్స్ బయటకు వస్తారు. సినిమా డిజప్పాయింట్ అయితే చేయదు.

ఇంటర్వల్ మోమెంట్: హీరో, అతని ఫ్రెండ్ కోసం పోలీసులు వచ్చారని అనుకుంటే అలా జరిగింది ఏంటి?అర్జెంట్ గా సెకండాఫ్ లో ట్విస్ట్ ఏంటో తెలుసుకోవాలి.

ఎండ్ మోమెంట్: బొమ్మ పర్లేదు. డీసెంట్ ట్విస్ట్స్, టర్న్స్. క్లైమాక్స్ అయ్యాక వచ్చే లాస్ట్ సీన్ మిస్ అవ్వొద్దు. గౌతమ్ మీనన్ కోసం చూడండి.

చూడాలా? వద్దా?: దుల్కర్ ఫాన్స్, ట్విస్టులు కల రొమాంటిక్ ఎంటర్టైనర్స్ ఇష్టపడేవాళ్లు సినిమాను హ్యాపీగా చూడొచ్చు.

బాక్స్ ఆఫీస్ రేంజ్: దుల్కర్ సల్మాన్ ఫ్యాన్స్ వల్ల మెట్రో సిటీస్ లో డీసెంట్ ఓపెనింగ్స్ రావొచ్చు. ఈ శుక్రవారం మరో రెండు సినిమాలు రిలీజ్ అవుతున్నాయి కాబట్టి మౌత్ టాక్ మీద కలెక్షన్స్ డిపెండ్ అవుతాయి.

గమనిక: మా బాక్స్ ఆఫీస్ రేంజ్ అనేది సినిమా రేటింగ్ మీదే పూర్తిగా డిపెండ్ అవ్వకుండా హీరో స్టార్డం, భారీ రిలీజ్ మరియు రిలీజ్ అయిన సీజన్ ని కూడా కలుపుకొని చెబుతాం.

తెలుగుబుల్లెటిన్ రేటింగ్: 2.5/5