శ్రీవారి బ్రహ్మోత్సవాలు జరుగుతున్నాయంటే తిరుమల కొండ కిక్కిరిసిపోతుంది. దేశవ్యాప్తంగా భక్తులు కొండపైకి క్యూ కడతారు. లక్షలాదిగా తరలివచ్చే భక్తులకు తగిన ఏర్పాట్లు చేయడానికి తిరుమల తిరుపతి దేవస్థానం పడరాని పాట్లు పడుతుంది. అలాంటిది ఈ ఏడాది శ్రీవారి బ్రహ్మోత్సవాలు ఎలా జరుగుతాయో అనే ఆందోళన సర్వత్రా వ్యక్తమవుతోంది. అధిక మాసం కారణంగా ఈ ఏడాది రెండు సార్లు బ్రహ్మోత్సవాలు జరగనున్నాయి. సెప్టెంబర్ 19 నుంచి ఓసారి బ్రహ్మోత్సవాలు జరగనుండగా.. అక్టోబర్ 16న నవరాత్రి బ్రహ్మోత్సవాలు ప్రారంభం కానున్నాయి.
అయితే, వీటి నిర్వహణ ఎలా అనే మీమాంస అందరినీ వేధిస్తోంది. ఇప్పటికే తిరుమల కొండపై కరోనా కలకలం సృష్టిస్తోంది. ఇప్పటికే 743 మంది కరోనా బారిన పడగా.. ఓ అర్చకుడు సహా ముగ్గురు ప్రాణాలు కోల్పోయారు. ఇప్పటివరకు 402 మంది కోలుకోగా.. మిగిలినవారు చెన్నై సహా పలు ఆస్పత్రులోల చికిత్స పొందుతున్నారు. టీటీడీలో దాదాపు 15వేల మంది ఉద్యోగులు ఉండగా.. వారిలో 743 మందికి కరోనా సోకిందంటే చాలా తీవ్రమైన విషయంగానే భావించాలి. లాక్ డౌన్ కొనసాగినంత కాలం తిరుమల ఆలయాన్ని కూడా మూసివేశారు. ఆ సమయంలో అర్చకులు, ఇతర సిబ్బంది మినహా ఆలయంలో ఎవరూ లేరు.
కానీ పరిమిత స్థాయిలోనే అని దర్శనాలు ప్రారంభించిన తర్వాత నెమ్మదిగా కరోనా కేసులు కూడా పెరగడం ప్రారంభించాయి. తిరుమల శ్రీవారి దర్శనం కోసం దేశవ్యాప్తంగా వివిధ రాష్ట్రాల నుంచి భక్తులు వస్తుంటారు. వారిలో ఎవరికి కరోనా ఉందో, ఎవరికి లేదో గుర్తించడం సవాలే. ప్రస్తుతం కరోనా పాజిటివ్ ఉన్న వ్యక్తులకు కూడా ఎలాంటి లక్షణాలు లేకపోవడమే ఇందుకు కారణం. ఈ నేపథ్యంలో అలా వచ్చే భక్తుల్లో ఎవరికైనా పాజిటివ్ ఉంటే వారి ద్వారా ఇతరులకు వ్యాపించే అవకాశం సులభంగా ఉంది. దర్శనానికి వచ్చే భక్తుల విషయంలో తాము అన్ని జాగ్రత్తలు తీసుకుంటున్నామని టీటీడీ చెబుతున్నా.. ఇంత పెద్ద సంఖ్యలో ఉద్యోగులు, సిబ్బంది కరోనా బారిన పడటానికి కారణం లక్షణాలు లేకుండా పాజిటివ్ ఉన్న వ్యక్తులే అని చెబుతున్నారు.
ఇదే ఒరవడి కొనసాగి మరింతమంది టీటీడీ సిబ్బంది కరోనా బారిన పడితే బ్రహ్మోత్సవాల నిర్వహణ టీటీడీకి మరింత జఠిలంగా మారుతుంది. వాస్తవానికి గతంలో మాదిరిగా ప్రస్తుతం తిరుమలకు భక్తులు అంతగా రావడంలేదు. రోజుకు గరిష్టంగా 8వేల మంది మాత్రమే స్వామివారిని దర్శించుకుంటున్నారు. ఈ నేపథ్యంలో బ్రహ్మోత్సవాలకు కూడా పరిమితంగానే భక్తులను అనుమతించే అవకాశం ఉంది. అయినప్పటికీ అన్ని జాగ్రత్తలతో వీటిని నిర్వహించడం కత్తి మీద సామే.
194407 48221Thank you for every other informative site. Where else could I get that type of info written in such a perfect means? Ive a mission that Im just now operating on, and Ive been at the look out for such info. 128580