కరోనా టెస్టుల విషయంలో ఆంధ్రప్రదేశ్ ప్రభుత్వం ఎప్పటికప్పుడు సరికొత్త రికార్డులు సృష్టిస్తోందంటూ వైఎస్సార్సీపీ మద్దతుదారులైన నెటిజన్లు ఎప్పటికప్పుడు పలు రకాల హ్యాష్ ట్యాగ్లను ట్రెండింగ్లో వుంచుతున్నారు. వీటిల్లో ‘ఏపీ ఇన్ సేఫ్ హ్యాండ్స్’, ‘వైఎస్ జగన్ కేర్స్’ వంటివి వున్నాయి. నిజమే, కరోనా టెస్టుల విషయంలో వైఎస్ జగన్ ప్రభుత్వం చాలా వేగంగా దూసుకెళ్తోంది. కానీ, ప్రకాశం జిల్లాలో ఏకంగా 27 వేల టెస్టులకు సంబంధించి శాంపిల్స్ పనికిరాకుండా పోయాయన్న వార్త ఎప్పుడైతే అధికారికంగా బయటకొచ్చిందో అంతా షాక్కి గురయ్యారు.
ఒక్క జిల్లాలోనే పరిస్థితి ఇలా వుంటే, మొత్తంగా 13 జిల్లాల్లో పరిస్థితి ఏంటి.? అన్న అనుమానం తలెత్తకుండా వుంటుందా.? గడచిన కొద్ది రోజులుగా కరోనా టెస్టుల సంఖ్య తగ్గుతోంది.. అదే సమయంలో పాజిటివ్ కేసుల సంఖ్య పెరిగిపోతోంది. పాజిటివిటీ రేటు గత నాలుగైదు రోజులుగా పది శాతాన్ని టచ్ చేస్తుండడం గమనార్హం. సరిగ్గా ఈ టైవ్ులోనే సేకరించిన శాంపిల్స్ పరీక్షలకు పనికిరాకుండా పోవడం కొత్త అనుమానాలకు తావివ్వకుండా వుంటుందా.?
కొందరి నిర్లక్ష్యం కారణంగా దాదాపు 27 వేల శాంపిల్స్ పనికిరాకుండా పోయాయని ప్రకాశం జిల్లా అధికార యంత్రాంగమే స్పష్టం చేసింది. ఇప్పుడు ఏకంగా 2 లక్షలకు పైగా శాంపిల్స్ పనికిరాకుండా పోయాయన్నది ఓ పత్రికా కథనం తాలూకు సారాంశం టీడీపీ అనుకూల మీడియాకి చెందిన ఆ పత్రికలో ఇలాంటి కథనం రావడంతో చాలామంది లైట్ తీసుకుంటున్నారు. కానీ, అక్కడ.. ప్రకాశం జిల్లాలో జరిగిన ఉదంతాన్ని చూస్తే, ఈ 2 లక్షల శాంపిల్స్ వృధాని అంత తేలిగ్గా కొట్టి పారేయలేం.
పెద్దయెత్తున శాంపిల్స్ సేకరించడంతోపాటు, వాటిని పద్దతి ప్రకారం పరీక్షలకు పంపి.. ఫలితాల్ని క్రోడీకరించి.. బాధితులకు వైద్యం అందించడం చేయాలి. తాము అసలు శాంపిల్స్ ఇవ్వకుండానే టెస్టుల ఫలితాల వివరాలు తమ మొబైల్కి వస్తున్నాయంటూ కొందరు వాపోయిన విషయాన్ని వీడియోలతో సహా నెటిజన్లు సోషల్ మీడియాలో పెడుతున్న విషయం విదితమే. మొత్తమ్మీద, ఆంధ్రప్రదేశ్లో కరోనా వైరస్కి సంబంధించి రోజురోజుకీ అనుమానాలు పెరిగిపోతున్నాయి.. ప్రజల్లో ఆందోళన కూడా పెరిగిపోతోంది. ఈ పరిస్థితుల్లో ప్రభుత్వం, ప్రజలకు భరోసా ఇచ్చేలా వ్యవహరించాలి. వస్తున్న ఆరోపణలపై ప్రభుత్వ పెద్దలు స్పందించాల్సిందే.
541094 359955I want to start a weblog written by a fictitious character commenting on politics, current events, news etc..How?. 478064
482437 369501That being said by use it all, planet is really restored just a little more. This situation in addition will this specific Skin tightening and starting to be moved and into the mood of these producing activities. everyday deal livingsocial discount baltimore washington 466213