తెలుగు రాష్ట్రాల్లో ఐటీ సోదాలు సంచలనం రేపుతున్నాయి. ఎక్కడో ప్రారంభమైన ఈ సోదాలు.. అందులో దొరుకుతున్న ఆధారాలను బట్టి ఎక్కడెక్కడికో సాగుతున్నాయి. అయితే, ఈ మొత్తం వ్యవహారం కాంగ్రెస్ లక్ష్యంగా సాగుతోందా లేక టీడీపీ అధినేత చంద్రబాబును ఇరకాటంలో పడేసేలా వెళుతోందా అనేది సందిగ్ధంగా మారింది.
వాస్తవానికి కాంగ్రెస్ ముక్త భారత్ అనే నినాదంతో బీజేపీ ముందుకెళ్తోంది. కానీ ఇటీవల జరిగిన పలు రాష్ట్రాల ఎన్నికల్లో కమలనాథులు బొక్కబోర్లా పడ్డారు. ఇక కాంగ్రెస్ పరిస్థితి సైతం దేశవ్యాప్తంగా నానాటికీ తీసికట్టుగానే ఉంది. ఈ నేపథ్యంలో ప్రాంతీయ పార్టీలతో ఓ కూటమి ఏర్పాటుకు ప్రయత్నాలు సాగుతున్నాయి. అయితే, ఎన్ని ప్రాంతీయ పార్టీలు కలిసినా.. జాతీయ స్థాయిలో కూటమి ఏర్పడి అధికారంలోకి రావాలంటే జాతీయ పార్టీ సహకారం ఉండాల్సిందే.
అంటే బీజేపీ వ్యతిరేక పార్టీలన్నీ ఒకే గూటికి చేరినా.. కాంగ్రెస్ అండ వారికి అవసరమవుతుంది. అందువల్ల కాంగ్రెస్ ఆర్థిక మూలాలను పెకిలించి, ఆ పార్టీని సమూలంగా భూ స్థాపితం చేసే లక్ష్యంలోనే ప్రధాని మోదీ, కేంద్ర హోంమంత్రి అమిత్ షా సాగుతున్నట్టు చెబుతున్నారు. ఇందులో భాగంగానే ఇటీవల జరిగిన ఎన్నికల్లో కాంగ్రెస్ కు ఎక్కడి నుంచి సొమ్ములు వచ్చాయనే విషయాన్ని కూపీ తీస్తున్నారు. ఈ క్రమంలో టీడీపీ అధినేత చంద్రబాబు తదితరుల పేర్లు బయటకొచ్చాయి.
ముఖ్యంగా బాబు మాజీ పీఎస్ శ్రీనివాస్ ఇంట్లో పలు కీలక డాక్యుమెంట్లు దొరకడం టీడీపీ నేతలకు ముచ్చెమటలు పట్టిస్తోంది. ఇదంతా చంద్రబాబును బుక్ చేసేందుకేనంటూ ప్రచారం జరుగుతున్నా.. మోదీ అసలు లక్ష్యం కాంగ్రెస్సేనని అంటున్నారు. ఇందులో భాగంగానే కాంగ్రెస్ సీనియర్ నేతల అహ్మద్ పటేల్ కు నోటీసులు ఇచ్చినట్టు తెలుస్తోంది.
రూ.400 కోట్ల హవాలా లావాదేవీలపై విచారించేందుకు రావాలంటూ ఆయనకు సమన్లు జారీచేశారు. అయితే, తనకు అనారోగ్యం కారణంగా ఆస్పత్రిలో చేరానంటూ అహ్మద్ పటేల్ తప్పించుకోవడానికి ప్రయత్నాలు చేస్తున్నారు. మొత్తానికి కాంగ్రెస్ ను ఒత్తే క్రమంలో బాబు తదితరుల పేర్లు బయటకు వచ్చినట్టుగా తెలుస్తోంది. మరి దీనిపై కేంద్రం ఎలా ముందుకెళ్తుందో చూడాలి.
75870 30334This will be a terrific weblog, would you be interested in performing an interview about just how you developed it? If so e-mail me! 592899
597024 339392This really is such an excellent resource that you are offering and you give out at no cost. I appreciate seeing sites that realize the worth of offering a perfect useful resource entirely totally free. I genuinely loved reading your submit. 155835