తెలంగాణలో వచ్చే విద్యా సంవత్సరం నుంచి ఇంగ్లీష్ మీడియం: మంత్రి సబిత

తెలంగాణలో వచ్చే విద్యా సంవత్సరం నుంచి 8వ తరగతి వరకూ ఇంగ్లీష్ మీడియంలో బోధన ప్రారంభమవుతుందని.. ఇప్పటికే ఉపాధ్యాయులకు శిక్షణ ఇస్తున్నట్టు విద్యాశాఖ మంత్రి ఇంద్రారెడ్డి తెలిపారు. మన ఊరు-మన బడి అమలు, పురోగతిపై మంత్రుల బృందంతో కలిసి నిర్వహించిన సమావేశంలో ఆమె పలు అంశాలపై చర్చించారు.

‘జూన్ 2న పాఠశాలలు పునఃప్రారంభం కారణంగా జూన్ 1 నుంచి 12 వరకూ బడిబాట కార్యక్రమం నిర్వహించాలి. అన్ని శాఖలు సమన్వయంతో పని చేయాలి. మొదటి దశలో 50 శాతం పాఠశాలల పనులు పూర్తయ్యేలా కలెక్టర్లు చర్యలు తీసుకోవాలి. ఇంగ్లీషు మీడియం ప్రారంభిస్తున్న అంశంపై ప్రజలకు అధికారులే అవగాహన పెంచాలి’.

గ్రామాల్లో పాఠశాలలు బాగు చేసుకునేందుకు సర్పంచులు చొరవ తీసుకోవాలి. పూర్వ విద్యార్ధులు సైతం ముందుకు రావాలి. ఆట స్థలాలు ఉన్న పాఠశాలలకు ఆట వస్తువులు ఇస్తాం. ఐటీ, డిజిటల్ అంశాలపై మంత్రి కేటీఆర్ ఇచ్చిన సూచనలు అమలు చేస్తాం. వచ్చే ఏడాది నుంచి తల్లిదండ్రులు, ఉపాధ్యాయుల సమావేశం నిర్వహిస్తాం’ అని అన్నారు.