ఈ సందర్భంగా బీసీ సంక్షేమ సంఘం ప్రతినిధులు మంత్రి నారా లోకేష్ను కలిసి బీసీలకు జనాభా దామాషా ప్రకారం విద్య, ఉపాధి, రాజకీయ రిజర్వేషన్లు కల్పించాలని కోరారు. అలాగే కులగణన పూర్తి చేసి స్థానిక సంస్థల ఎన్నికలు నిర్వహించాలని విజ్ఞప్తి చేశారు.
రాయలసీమ థర్మల్ పవర్ ప్రాజెక్ట్ భూ నిర్వాసిత రైతుల హక్కుల పరిరక్షణ ఐక్యవేదిక ప్రతినిధులు కూడా మంత్రి లోకేష్ను కలిసి తమ సమస్యలను వివరించారు. భూనిర్వాసిత కోటాలో నియమితులైన జేపీఏ ఉద్యోగుల సీనియారిటీని వన్టైమ్ బేసిస్పై భూ నిర్వాసితుల ప్రాధాన్యత కోటా కింద కొనసాగించాలని వారు కోరారు.
పుంగనూరు పట్టణానికి చెందిన హేమాద్రి అనే వ్యక్తి ప్రమీలా నగర్లో రోడ్డు ఆక్రమణకు గురైందని, సర్వే నిర్వహించి ప్రజలకు దారి కల్పించాలని మంత్రి దృష్టికి తీసుకువచ్చారు. దీనిపై స్పందించిన లోకేష్ సంబంధిత అధికారులతో మాట్లాడి సమస్య పరిష్కారానికి చర్యలు తీసుకుంటామని హామీ ఇచ్చారు.
కడప జిల్లా బలిజ సంక్షేమ సంఘం ప్రతినిధులు కూడా మంత్రి నారా లోకేష్ను కలిసి బలిజ భవన నిర్మాణానికి 50 సెంట్ల స్థలం కేటాయించాలని కోరారు. అదేవిధంగా బలిజ కాపులకు ఈడబ్ల్యూఎస్ కింద 5 శాతం రిజర్వేషన్ కల్పించాలని విజ్ఞప్తి చేశారు.
ప్రజల నుంచి వచ్చిన ప్రతి వినతిని మంత్రి నారా లోకేష్ స్వయంగా పరిశీలించి సంబంధిత సమస్యల పరిష్కారానికి కృషి చేస్తామని భరోసా ఇచ్చారు. ప్రజాదర్బార్ ద్వారా ప్రజలకు నేరుగా అందుబాటులో ఉంటూ సమస్యలు తెలుసుకోవడం మంచి పరిణామమని కార్యక్రమానికి వచ్చిన పలువురు అభిప్రాయపడ్డారు.