మెగాస్టార్ చిరంజీవి రీసెంట్ గా హౌస్ ఆఫ్ కామన్స్ యూకే పార్లమెంట్ లో జరిగిన కార్యక్రమంలో పాల్గొన్నారన్న విషయం తెలిసిందే. యూకే పార్లమెంట్ లో చిరంజీవికి ఘన సత్కారం జరిగింది. చిరంజీవికి లైఫ్ టైం అచీవ్మెంట్ అవార్డుని ప్రదానం చేశారు. ఈ లండన్ టూర్ లో ఎంతోమంది మెగా అభిమానులను కలిశారు చిరంజీవి.
ఐతే చిరంజీవి లండన్ వస్తున్నారని తెలిసి కొందరు ఫ్యాన్ మీట్ పేరుతో డబ్బులు వసూలు చేసే ప్రయత్నం చేశారని తెలుస్తుంది. ఈ విషయం కాస్త మెగాస్టార్ చిరంజీవి దృష్టికి వెళ్లగా చిరు దీనిపై ఆగ్రహం వ్యక్తం చేశారు. ఈ క్రమంలో చిరంజీవి సోషల్ మీడియాలో ఒక ప్రత్యేక పోస్ట్ ని పెట్టారు.
డియర్ ఫ్యాన్స్, యూకేలో నన్ను కలిసేందుకు మీరు చూపించిన ప్రేమ అభిమానం నా హృదయాన్ని తాకింది. ఐతే ఈ ఫ్యాన్ మీటింగ్ పేరుతో కొందరు డబ్బులు వసూలు చేసిన విషయం నా దృష్టికి వచ్చింది. ఇలాంటి ప్రవర్తనను అసలు నేను ఒప్పుకోను. దీన్ని ఖండిస్తున్నా.. ఫ్యాన్ మీట్ పేరుతో ఎవరైనా డబ్బులు వసూలు చేసినట్లైతే వెంటనే తిరిగి ఇచ్చేయండి. ఇలాంటి విషయాల్లో అప్రమత్తంగా ఉండండి అని రాసుకొచ్చారు. నేను ఎక్కడ, ఎప్పుడు ఇలాంటి వాటిని ప్రోత్సహించను. మన మధ్య ఉన్న ప్రేమ వెలకట్టలేనిది. నేను ఇలాంటి వాటిని అసలు ఒప్పుకోను అని ప్రత్యేక మెసేజ్ రాసుకొచ్చారు. ప్రస్తుతం మెగాస్టార్ చేసిన ఈ ట్వీట్ సోషల్ మీడియాలో వైరల్ అవుతుంది.
My Dear Fans , I am deeply touched by all your love and affection in wanting to meet me in UK. However, I’ve been informed that some individuals are attempting to charge a fee for the fan meetings. I strongly condemned this behaviour. Any fee collected by any one will be refunded…
— Chiranjeevi Konidela (@KChiruTweets) March 20, 2025