మెగాస్టార్ బర్త్ డే స్పెషల్స్: కౌబాయ్ పాత్రలో చిరంజీవి స్టయిలిష్ మూవీ ‘కొదమసింహం’

కెరీర్లో రెగ్యులర్ మాస్, కమర్షియల్ సినిమాలకు భిన్నంగా సినిమాలు చేశారు చిరంజీవి. దర్శకుడు బాపు మాటల్లో.. ‘చిరంజీవి మాస్ సినిమాలకు ఎడిక్ట్ అయిపోయాడు. అది ఆయన తప్పు కాదు. చిరంజీవి సాధించిన ఇమేజ్ వల్ల’ అని ఓ ఇంటర్వ్యూలో అన్నారు. అందుకే పలు జోనర్ సినిమాలు చేశారు చిరంజీవి. వీటిలో ఆయన కెరీర్లోనే ప్రత్యేకంగా చెప్పుకునే సినిమా ‘కొదమసింహం’. డిఫరెంట్ జోనర్ కు చెందిన ఈ సినిమా ప్రపంచవ్యాప్తంగా గుర్తింపు ఉన్న కౌబాయ్ పాత్ర. మంచి కథ ఉన్న ఈ సినిమాకు మాస్ ఎలిమెంట్స్, తన స్టైల్, డ్యాన్స్, ఫైట్స్.. యాడ్ చేశారు చిరంజీవి. ముఖ్యంగా కౌబాయ్ గా మేకోవర్, డ్రెస్సింగ్.. స్టయిల్ సిగార్ కాల్చే చిరంజీవి స్టయిల్ సినిమాకే హైలైట్. సినిమాలో ఫైట్స్, ట్రెజర్ హంట్, హార్స్ రైడింగ్ సినిమాకు ప్రత్యేక ఆకర్షణగా నిలిపాయి.

ట్రెజర్ హంట్+మదర్ సెంటిమెంట్..

ప్రపంచవ్యాప్తంగా కౌబాయ్ సినిమాలకు ప్రత్యేక ఆదరణ ఉంటుంది. తెలుగులో కూడా తెరకెక్కిన పలు కౌబాయ్ సినిమాలు హిట్ అయ్యాయి. 90వ దశకంలో చిరంజీవి కౌబాయ్ సినిమా చేశారు. రెగ్యులర్ గా కౌబాయ్ కంటెంట్ ట్రెజర్ హంట్ ఆధారంగానే ఉంటుంది. కొదమసింహంలోనూ ఇదే ఫార్ములాతో వెళ్లినా తల్లి సెంటిమెంట్ ప్రధానంగా తీసుకున్నారు. దీంతో తెలుగు నేటివిటీకి బాగా ప్లస్ అయింది. తన తండ్రిని మోసం చేసిన దుండగులు ఆ నిందను తల్లిపై మోపి జైలు శిక్ష పడేలా చేస్తారు. తల్లిని నిర్ధోషిగా నిరూపించి విడిపించడమే సినిమా కథ. ఈక్రమంలోనే తండ్రిని కలుసుకుంటాడు. చిరంజీవి మాస్, యాక్షన్, ఆయనలోని హార్స్ రైడింగ్ స్కిల్స్ సినిమాకు ప్లస్. రాజ్-కోటి అందించిన సంగీతం మేజర్ ప్లస్ పాయింట్. పాటలన్నీ చార్ట్ బస్టర్స్. ‘స్టార్.. స్టార్ మెగాస్టార్’ అనే పాట సినిమాకే హైలైట్.

ఇంగ్లీష్ వెర్షన్ డబ్బింగ్..

రమా ఫిలింస్ పతాకంపై నటుడు కైకాల సత్యనారాయణ సమర్పణలో కె.మురళీమోహన్ రావు దర్శకత్వంలో కైకాల నాగేశ్వరరావు ఈ సినిమా నిర్మించారు. చిరంజీవికి హీరోయిన్ గా రాధకు ఇదే చివరి సినిమా. సోనమ్ మరో హీరోయిన్.. ప్రత్యేక పాత్రలో వాణి విశ్వనాధ్ కనిపిస్తారు.

1990 ఆగష్టు 9న నేటికి సరిగ్గా 32 ఏళ్ల క్రితం విడుదలైన ఈ సినిమా సూపర్ హిట్ అయింది. 21 కేంద్రాల్లో 100 రోజులు ఆడింది. రజినీకాంత్ అతిధిగా సినిమా శతదినోత్సవ వేడుకలు నిర్వహించారు. Hunters of the Indian Treasure గా సినిమాను ఇంగ్లీష్ లో డబ్ చేశారు.