తెలుగు సినిమాల్లో చిరంజీవి స్టార్ హీరోగా ఎదిగేందుకు ఆయన పడిన కష్టం, కృషి, పట్టుదల గురించి ఎంత చెప్పినా.. ఎన్నిసార్లు చెప్పినా తక్కువే. అందుకే.. ఈ జనరేషన్ లో ఎందరో ‘మాకు చిరంజీవి గారే ఇన్ స్పిరేషన్’ అంటూంటారు. అంతలా ఆయన ఆదరణ పొందడానికి ఆయన చేసిన డ్యాన్సులు, డూప్ లేని ఫైట్లు, కామెడీ ముఖ్య కారణం. డైనమిక్ హీరోగా చిరంజీవి చేసే ఫైట్లకు ఉన్న ఆదరణ సామాన్యమైనది కాదు. తెలుగు సినిమాల్లో ఒరిజినల్ స్టంట్స్ చేయడంలో దిట్ట. మెలికలు తిరిగిపోతూ లయబద్దంగా డ్యాన్సు చేయడంలో నేర్పరి. ఈ రెండింటి కలయికతో చిరంజీవి సూపర్ హిట్ కొట్టిన సినిమాల్లో ఒకటి ‘దొంగ’. భారీ అంచనాలతో విడుదలై సంచలన విజయం సాధించిందీ సినిమా.
రిస్కీ ఫైట్స్..
డ్యాన్స్, ఫైట్లలో చిరంజీవి వేసిన దారిలో తెలుగు సినిమా నడుస్తున్న దశ. చిరంజీవి నుంచి కూడా ప్రేక్షకులు ఆశిస్తున్న కొత్తదనాన్ని దొంగ సినిమాలో మరోసారి చూపి.. ప్రేక్షకులతో చప్పట్టు కొట్టించారు. క్లైమాక్స్ ఫైట్ లో ఎత్తైన భవనం గోడ మీద ఎటువంటి సపోర్ట్ లేకుండా పిల్లిమొగ్గ వేసే షాట్ ఊపిరి బిగపట్టేలా చేస్తుంది. నటుడు రాజీవ్ కనకాల కూడా తాను చిన్నతనంలో చిరంజీవి చేసిన ఈ రిస్క్ షాట్ ను దగ్గర నుంచి చూశానని ఓ సందర్భంలో చెప్పారు. సినిమా కథగా రివెంజ్ డ్రామానే అయినా.. చిరంజీవి పాత్ర దొంగగా.. తండ్రిని చంపిన వారిపై పగ తీర్చుకునే పాత్ర. దీంతో సినిమాలో యాక్షన్ పార్టు ఎక్కువ. ఫైట్ మాస్టర్ రాజు ఆధ్వర్యంలో రిస్కీ ఫైట్లను కూడా ఇష్టంగా చేసి మెప్పించారు చిరంజీవి.
జాంబీ డ్యాన్సులు..
‘దొంగ’ మూవీ మ్యూజికల్ హిట్ కూడా. చక్రవర్తి సంగీతంలోని అన్ని పాటలు సూపర్ హిట్టే. పాటల్లో చిరంజీవి కొత్త ప్రయోగం చేసారని చెప్పాలి. మైఖేల్ జాక్సన్ ‘థ్రిల్లర్’ ఆల్బమ్ లా ‘గోలీమార్’ అనే పాట చేశారు. ఇందులో చిరంజీవి చేసిన డ్యాన్సులకు ధియేటర్లు మోగిపోయాయి. దొంగ దొంగ, సరి సరి.. వంటి పాటలు హుషారెత్తించాయి. ముఖ్యంగా రెడ్ లెదర్ జాకెట్ తో జాంబీ స్టైల్ మేకప్ వేసుకుని జాంబీ డ్యాన్సర్లతో చేసిన గోలీమార్ పాట ధియేటర్లను ఊపేసింది. దాదాపు 30ఏళ్ల తర్వాత 2014లో.. చైనాలో ఓ డ్యాన్స్ షోలో ఇదే ‘గోలీమార్’ పాటను చైనీయులు చేయడం విశేషం. ఇంటర్నెట్ లో ఈ పాట హోరెత్తింది.
లక్కీ బ్యానర్..
హీరోయిన్ రాధతో చిరంజీవి కెమిస్ట్రీకి ఎంతో పేరు. వీరిద్దరి జంట సినిమాలో చూడముచ్చటా ఉండటమే కాకుండా పాటల్లో వీరి కాంబో ప్రేక్షకులకు కనులవిందే అయింది. చిరంజీవికి కలిసొచ్చిన ఎ.కోదండరామిరెడ్డి ఈ సినిమాకూ దర్శకుడు. వారిద్దరి కాంబినేషన్లో దొంగ మరో సూపర్ హిట్టుగా నిలిచింది. ఎన్నో విజయవంతమైన చిత్రాలు నిర్మించిన టి.త్రివిక్రమరావు తమ విజయలక్ష్మీ ఆర్ట్ పిక్చర్స్ బ్యానర్ పై ఈ సినిమా నిర్మించారు. 1985 మార్చి 14న విడుదలైన ఈ సినిమా శతదినోత్సవ చిత్రంగా నిలిచింది. చిరంజీవితో గూఢచారి నెం.1 సినిమా తీసి హిట్ కొట్టిన త్రివిక్రమరావు ఈ సినిమాతో చిరంజీవికి లక్కీ ప్రొడ్యూసర్ గా మారారు.
899741 500148Outstanding post, I conceive blog owners need to acquire a great deal from this blog its extremely user pleasant. 360786