సినిమాలో హీరో ఫైట్లు, డ్యాన్సులు, నటన.. నేర్చుకుని చేయొచ్చేమో కానీ.. కామెడీ చేయడం చాలా కష్టమైన విషయమనే చెప్పాలి. స్టార్ హీరో మాస్, క్లాస్ ఆడియన్స్ ను కామెడీతో మెప్పించాలంటే టైమింగ్ తెలియాలి.. తనలో హాస్యం, చతురత ఉండాలి. ఇవి పుష్కలంగా ఉన్న హీరో మెగాస్టార్ చిరంజీవి. ఆయనకు ఫైట్లు, డ్యాన్సుల్లో ఎంత పేరుందో కామెడీ చేయడంలో అంత పేరుంది. తన కామెడీ టైమింగ్ తో నవ్వులు పువ్వులు పూయించిన సినిమాలు ఉన్నాయి. చిరంజీవిలోని మాస్ కామెడీ, ఎక్స్ ప్రెషన్స్, టైమింగ్ ను ఆవిష్కృతం చేసిన సినిమా ‘చంటబ్బాయి’. కామెడీ జోనర్ సినిమాలో హీరోనే కామెడీ చేసి నవ్వు తెప్పిస్తే, ప్రేక్షకులను మెప్పిస్తే ఆ కిక్కే వేరు. ప్రేక్షకులకు ఆ కిక్కు ‘చంటబ్బాయి’తో ఇచ్చారు చిరంజీవి.
తొలిసారి చిరంజీవి కామెడీ..
అప్పటివరకూ చిరంజీవి మాస్ యాంగిల్, స్పీడ్ ఫైట్లు, మెరుపు డ్యాన్సులే చూసిన ప్రేక్షకులకు తొలిసారి చిరంజీవిలోని కామెడీ యాంగిల్ తెలిసింది. ప్రైవేట్ డిటెక్టివ్ పాండురంగా రావు (పాండ్)గా ఆయన చేసిన కామెడీకి ప్రేక్షకులు ఫిదా అయ్యారు. ‘కాల్ మీ పాండ్.. జేమ్స్ పాండ్’ అనే డైలాగ్ తో తన పాత్ర స్వభావాన్ని, కామెడీని చూపిస్తారు. హీరోయిన్ సుహాసిని, ఇన్ స్పెక్టర్ సౌమిత్రి, అసిస్టెంట్ సుత్తివేలు కాంబినేషన్లో ఆయన సన్నివేశాలు అద్భుతం. సుహాసిని వచ్చే ముందు కోటు వేసుకుని రిహార్సల్ చేసే సీన్ లో ఆయన హావభావాలు ఎవర్ గ్రీన్. కుర్చీలో నుంచి కింద పడ్డా దానిని కప్పిపుచ్చుకునేందుకు ఆయన పడే పాట్లు ఇవన్నీ కడుపుబ్బా నవ్విస్తాయి.
చార్లీచాప్లీన్ లా..
చిరంజీవి తనముందు చేస్తున్న కామెడీకి అమాయకురాలిగా ఉంటూ.. నవ్వు ఆపుకోకుండా హీరోయిన్ సుహాసిని ఎలా ఉన్నారా అనిపిస్తుంది. జేమ్స్ బాండ్ తరహాపాత్ర కావడంతో చిరంజీవి మేకోవర్ కూడా ప్రత్యేకంగా ఉండేలా డిజైన్ చేశారు. ఓ పాటలో ప్రముఖ హాస్యనటుడు చార్లీ చాప్లీన్ గెటప్ లో మెప్పించారు. తొలిసారి అమ్మాయి వేషధారణలో కూడా కనిపిస్తారు. అల్లు అరవింద్ సినిమాలో ఓ పాత్రలో నటించారు. చిరంజీవి ఇంత కామెడీ చేసిన ఇదే సినిమాలో సెంటిమెంట్ కూడా పండించారు. తప్పిపోయిన చంటబ్బాయిని వెదికే క్రమంలో తానే చంటబ్బాయి అని తెలిసినప్పుడు భావోద్వేగాలు చూపిస్తారు. చక్రవర్తి తన సంగీతంతో మరోసారి మ్యాజిక్కే చేశారు. పాటలన్నీ ప్రేక్షకాదరణ పొందాయి.
ఎన్నో మ్యాజిక్కులు..
జ్యోతి ఆర్ట్ పిక్చర్స్ బ్యానర్ పై నిర్మాత భీమవరపు బుచ్చిరెడ్డి ఈ సినిమా నిర్మించారు. మల్లాది వెంకట కృష్ణమూర్తి నవల ఆధారంగా ప్రముఖ దర్శకుడు జంధ్యాల ఈ సినిమాకు దర్శకత్వం వహించారు. చిరంజీవిలోని పూర్తిస్థాయి కామెడీని వెలికితీసిన ఘనత ఆయనకే దక్కుతుంది. సినిమా టైటిల్స్ వేయడంలోనే తన మార్కు చూపిస్తారు. సినిమాకు అసోసియేట్ డైరక్టర్ గా పని చేసిన ఈవీవీ సత్యనారాయణ ఆయన దర్శకుడయ్యాక ఎన్నో సినిమాల్లో ఇదే వెరైటీ చూపారు. 1986 ఆగష్టు 22న చిరంజీవి పుట్టినరోజు సందర్భంగా సినిమా విడుదలైంది. సినిమా యావరేజ్ అయినా.. చిరంజీవి కెరీర్లో ‘చంటబ్బాయి’ ప్రత్యేకంగా నిలిచిపోయింది. ఇప్పటికీ చిరంజీవి అభిమానులకు, ప్రేక్షకులకు ఈ సినిమా ఓ వినోదాల విందు.
244989 796440Ive read several good stuff here. Undoubtedly value bookmarking for revisiting. I surprise how significantly effort you put to create one of these exceptional informative internet site. 623583
467642 70265Hoping to go into business venture world-wide-web Indicates revealing your products or services furthermore companies not only to ladies locally, but nevertheless , to a lot of prospective clients in which are online in most cases. e-wallet 597446
817981 913620Oh my goodness! a amazing post dude. Thanks Even so My business is experiencing issue with ur rss . Do not know why Struggling to join it. Is there anybody finding identical rss issue? Anyone who knows kindly respond. Thnkx 444206