చిరంజీవి 44 ఏళ్ల లాంగ్ సినీ కెరీర్లో 152 సినిమాల అనుభవం ఉంది. ఇన్నేళ్లలో ఆయన దాదాపు ప్రతి జోనర్లో సినిమాలు చేశారు. చిరంజీవి ప్రస్థానం మొదలయ్యేసరికి పౌరాణిక, జానపద సినిమాల ట్రెండ్ అయిపోయింది. దీంతో ఆయనే కొత్త ట్రెండ్ కు శ్రీకారం చుట్టారు. డ్యాన్స్, ఫైట్లలో కొత్త ఒరవడి తీసుకొచ్చి అప్పటి తెలుగు సినీ పరిశ్రమ దిగ్గజాల మధ్య కొత్త దారి వేసుకుని ట్రెండ్ సెట్టర్ గా నిలిచారు చిరంజీవి. ఈక్రమంలో రొటీన్ కథలైనా తన మార్క్ చూపించి ప్రత్యేకత చాటుకున్నారు. కొత్త కథలతో తెలుగు సినిమాను పరుగులెత్తించారు. దీంతో అప్పటి సినీ అభిమానులు చిరంజీవి ఆదరిస్తే.. చిరంజీవి డ్యాన్సులు, ఫైట్లు చూసి చిన్నారులు సంబరపడిపోయేవారు. అలా.. ఆయన్ను 80, 90 దశకాల్లో అభిమానించిన చిన్నారులే ఇప్పుడు పెద్దవారై మెగా ఫ్యాన్స్ లో భాగమయ్యారు.
చిన్నారులంటే అభిమానం..
నిజ జీవితంలో చిరంజీవికి చిన్న పిల్లలంటే చాలా ఇష్టం. తన కుటుంబంలోని చిన్నారులతో కలిసి ప్రతి ఆదివారం తన ఇంట్లో, షూటింగ్ విరామ సమయంలో కూడా ఆటలు ఆడుతూ వారిలో హుషారు నింపేవారు. చంటబ్బాయి సినిమాలో చిరంజీవి చిన్నపిల్లాడిలా చేసిన కామెడీకి చిన్నారులు ఫిదా అయిపోయారు. చిరంజీవి చేసిన పసివాడి ప్రాణం సినిమా చిన్నారులను అప్పట్లోనే వీరాభిమానులను చేసింది.
చిరంజీవిని తమ ఇంట్లో వ్యక్తిగా తమ గుండెల్లో పెట్టుకున్నారు. ప్రతి సినిమాలో డ్యాన్స్, ఫైట్స్, కామెడీతో చిన్నారులను ఆకట్టుకుని వారి మనసుల్లో సుస్ధిర స్థానం సంపాదించారు. ముఠామేస్త్రిలోని ఓ పాటలో బ్యాట్ మ్యాన్, రాబిన్ హుడ్.. పాత్రలతో చిన్నారులను ఆకట్టుకున్నారు. చిన్నారులను సంతోషపెట్టేందుకు హనుమాన్ మూవీలో ఆంజనేయుడి పాత్రకు వాయిస్ ఓవర్ ఇచ్చారు. హ్యాండ్సప్ మూవీ క్లైమాక్స్ ఫైట్లో టాకిండ్ డాల్ వెంట్రిలాక్విజమ్ తో ఆకట్టుకున్నారు.
చిన్నారుల చుట్టూ కథలు..
చిరంజీవిని చిన్నారులకు మరింత దగ్గర చేసిన సినిమాగా జగదేకవీరుడు అతిలోకసుందరి నిలిచింది. కథ మానవ శక్తి, దైవశక్తికి మధ్య ఉన్నా.. చిన్నారుల చుట్టూ కథ ఉంటుంది. నలుగురు చిన్నారులు సినిమాలో ముఖ్యపాత్ర పోషించడంతో ఆ సినిమా చిన్న పిల్లలను బాగా ఆకట్టుకుంది. బేబి షామిలి వైద్యం కోసం హిమాలయాలకు వెళ్లిన చిరంజీవి క్షేమంగా ఉండాలని పాడే ‘జై చిరంజీవా..’ పాట నిజంగా చిరంజీవి కోసమే అన్నట్టుగా చిన్నారులు లీనమైపోయారు.
తర్వాత చిరంజీవి ఏ సినిమా చేసినా అభిమానంలో వారి పాత్ర ప్రముఖ పాత్ర పోషించింది. మృగరాజు, డాడీ, అంజి, జై చిరంజీవి సినిమాల్లో కూడా చిన్నారుల చుట్టూ కథ, సెంటిమెంట్ అంశాలతో నేటి తరం చిన్నారులనూ ఆకట్టుకున్నారు. చిరంజీవిపై అభిమానమే ఆయాన కుటుంబ హీరోలకు మెగా ఫ్యాన్స్ పెట్టని కోట అయ్యారు. చిన్నారుల అభిమానమే చిరంజీవికి ‘శ్రీరామరక్ష’గా నిలిచిందని చెప్పాలి.
60099 556258I discovered your blog site on google and check just a few of your early posts. Proceed to maintain up the exceptional operate. I just extra up your RSS feed to my MSN Details Reader. Seeking forward to reading more from you in a even though! 144974
95444 114830But wanna admit that this really is quite beneficial , Thanks for taking your time to write this. 54356
472409 676505Some genuinely fascinating data, nicely written and typically user genial . 83151