Chiranjeevi: మెగాస్టార్ చిరంజీవి త్వరలో ఓ మెగా కార్యక్రమానికి శ్రీకారం చుట్టబోతున్నారా..? అంటే ఔననే సమాధానమే వస్తోంది. దశాబ్దాలుగా భారీ ఫ్యాన్ బేస్ తోపాటు ఫ్యామిలీ ఆడియన్స్ ప్రేమాభిమానాలు ఆయన సొంతం. జనరేషన్ మారినా మెగాస్టార్ ఇమేజ్ ఏమాత్రం తగ్గలేదంటే అన్ని వర్గాల్లో ఆయన సంపాదించుకున్న క్రేజ్ ఇందుకు నిదర్శనం. ఇప్పుడు Gen Z ని కూడా తన సినిమాలతో అలరిస్తూ పాత-కొత్త తరాలకు వారధిలా నిలుస్తున్నారు. ఈక్రమంలో ఫ్యాన్స్, ప్రేక్షకులతోపాటు Gen Z ని ఆకట్టుకునేందుకు త్వరలో ఓ ‘పోడ్ క్యాస్ట్’ కార్యక్రమంతో అలరించేందుకు సిద్ధమవుతున్నారని తెలుస్తోంది.
ఈ పోడ్ క్యాస్ట్ ద్వారా చిరంజీవి తన జీవితానుభవాలు, సినీ ప్రయాణం, ఫ్యాన్స్, ప్రేక్షకాదరణ, సినిమాలు, ఫ్యామిలీ తదితర వివరాలను పంచుకుంటారని తెలుస్తోంది. ఇప్పటికీ ఎందరో ప్రముఖులు ‘చిరంజీవి తమకు ఆదర్శమని.. ఆయన్ను ఇన్ స్పిరేషన్ గా తీసుకునే సినిమాల్లోకి వచ్చా’మని చెప్తారు. ఇందుకు కారణాలు కూడా ఆయన పోడ్ క్యాస్ట్ లో పంచుకుంటారని.. భవిష్యత్ తరాలకు ఉపయోగపడేలా తన జీవితపు సక్సెస్ విషయాలను కూడా పంచుకుంటారని తెలుస్తోంది. దీనిని దర్శకుడు, రచయిత బీ.వీ.ఎస్.రవి పర్యవేక్షణలో తెరకెక్కుతుందని తెలుస్తోంది.
నిజానికి చిరంజీవికి ఈ ఆలోచన ఉందని ఆయన కుమార్తె సుస్మిత గతంలోనే చెప్పినప్పటికీ ఎప్పటినుంచో క్లారిటీ లేదు. ఇప్పుడు దీనిపై ప్రీ-ప్రొడక్షన్ జరుగుతోందని, త్వరలోనే ఈ కార్యక్రమ వివరాలను వెల్లడిస్తారని తెలుస్తోంది. దేశవ్యాప్తంగా సెన్సేషన్ క్రియేట్ చేసేలా ‘చిరంజీవి పోడ్ క్యాస్ట్’ ను తీర్చిదిద్దేలా ప్లాన్ చేస్తున్నారని తెలుస్తోంది. దీనిపై పూర్తి వివరాలు వెల్లడికావాల్సి ఉంది. కార్యక్రమం ప్రారంభమైతే మెగా క్రేజ్ నెక్స్ట్ లెవల్లో ఉంటుందని ఫ్యాన్స్ సంతోషంలో ఉన్నారు. బీ.వీ.ఎస్.రవి ప్రస్తుతం చిరంజీవి సినిమాకు రచయితగా పని చేస్తున్నట్టు సమాచారం.