ఆయనో బూతులు మంత్రి. నోరు తెరిస్తే బూతులు తప్ప ఇంకేమీ రావు. ప్రతిపక్ష నేత నారా చంద్రబాబునాయుడిపైనా, ఆయన తనయుడు నారా లోకేష్ మీదా బూతులతో విరుచుకుపడటం ఆయనకు వెన్నతో పెట్టిన విద్య. వైసీపీలో చాలామంది నేతలది ఇదే తీరు అయినా, ఆ మంత్రిగారి తీరు మరీ మరీ ప్రత్యేకం. చంద్రబాబు సామాజిక వర్గానికే చెందిన మంత్రి ఆయన. కేవలం బూతులు తిట్టేందుకే ఆయనకు మంత్రి పదవిని కట్టబెట్టారా.? అన్న అనుమానాలు కలుగుతున్నాయి చాలామందికి. ఆయనెవరో కాదు మంత్రి కొడాలి శ్రీ వెంకటేశ్వరరావు అలియాస్ కొడాలి నాని.
సరే, టీడీపీ నేతలు బూతులు మాట్లాడటంలేదా.? అంటే, అది వేరే చర్చ. అధికారంలో వున్నోళ్ళకి సంయమనం వుండాలి.. అంతకు మించిన బాధ్యతతో వ్యవహరించాలి. సభ్య సమాజం తమ గురించి ఏమనుకుంటుందోనన్న కనీసపాటి ‘సోయ’ వుండాలి. అడ్డగోలు బూతులు, అత్యంత జుగుప్సాకరమైన వ్యాఖ్యలు. చీటికీ మాటికీ మీడియా కెమెరాలు, మైకులు ఆయన వద్దకు పరుగులు పెట్టేది, ఆయన తిట్టే తిట్ల కోసమే. అవి మీడియా ప్రతినిథులకు మరీ అంత వినసొంపుగా వుంటాయా.? ఏమో మరి, సోకాల్డ్ మీడియా ప్రతినిథులకే తెలియాలి.
జర్నలిజం అంటే అర్థమే మారిపోయింది. బూతు ఎక్కడుందో అక్కడికే జర్నలిజం పరుగులు.. అన్నట్టు మారిపోయింది పరిస్థితి. ఒకప్పుడు అభ్యంతరకర పదాల విషయంలో ‘బీప్’ వుండేది. సోషల్ మీడియా నుంచి పోటీ తట్టుకోవడం కోసం తెలుగు మీడియా ‘బీప్’ని దాదాపు మర్చిపోయింది. ఎవరన్నా బూతులు తిడితే, వాటిని యధాతథంగా ప్రసారం చేసేస్తున్నాయి. ఇంకేముంది, రాజకీయ నాయకులు కూడా రెచ్చిపోతున్నారు.. తమ బూతులు ట్రెండింగ్లోకి వస్తుండడంతో.
చిత్రమేంటంటే మహిళా జర్నలిస్టుల్ని ఈ బూతు నేతల దగ్గరకు పంపి ఇంటర్వ్యులు చేయిస్తున్నాయి ఆయా మీడియా సంస్థలు. అయినాగానీ, నాయకులు తమ బూతులు మానడంలేదు. నేతలు మారడంలేదు కాబట్టి, కనీసం మహిళా జర్నలిస్టుల్ని అలాంటి ఇంటర్వ్యులకూ దూరంగా వుంచుతున్నారా.? అంటే అదీ లేదాయె.
నాయకుల బూతులే, వారికి రాజకీయ భవిష్యత్తునిస్తాయ్.. అనే వాదన క్రమంగా బలపడిపోతోంది. అందుకే, ఒకర్ని మించి ఇంకొకరు బూతులతో విరుచుకుపడుతున్నారు. సోషల్ మీడియాలో అభ్యంతకర వార్తలపై కేసులు నమోదు చేస్తున్న పోలీసులు, మీడియాలో నిత్యం కనిపిస్తున్న బూతులపై మాత్రం చర్యలు తీసుకోకపోవడం శోచనీయం.
265541 761714I located your weblog internet site on google and check a couple of of your early posts. Proceed to sustain up the really excellent operate. I just extra up your RSS feed to my MSN News Reader. Looking for ahead to reading extra from you later on! 430949
426872 481405The luxury proposed may well be incomparable; citizens are never fail to seeking for bags can be a Native goals. The concept numerous insert goals uniquely to push diversity with visibility during the travel and leisure arena. Hotels Discounts 795089
923482 467816A thoughtful insight and ideas I will use on my blog. Youve clearly spent a great deal of time on this. Thank you! 450508