స్టార్ సినిమాల రీ రిలీజ్ హంగామా ఫ్యాన్స్ కి సూపర్ కిక్ ఇస్తున్నాయి. స్టార్స్ అంతా కూడా పాన్ ఇండియా సినిమాలతో బిజీగా ఉంటే ఈ గ్యాప్ లో ఒకప్పటి వారి సినిమాలను రీ రిలీజ్ చేస్తూ ఆడియన్స్ ఎంటర్టైన్ అయ్యేలా చేస్తున్నారు. ఐతే ఒకప్పుడు సూపర్ హిట్టైన సినిమాలే కాదు భారీ అంచనాలతో వచ్చి వాటిని అందుకోలేకపోయిన సినిమాలను కూడా రీ రిలీజ్ చేస్తున్నారు.
ఈమధ్యనే రామ్ చరణ్ ఆరెంజ్ సినిమాను రీ రిలీజ్ చేశారు. ఆ సినిమా అప్పుడు హిట్ కొట్టలేదు కానీ రీ రిలీజ్ టైంలో సినిమా చూసిన ఫ్యాన్స్ సూపర్ అనేశారు. ఇదే క్రమంలో ఒకప్పుడు ఆశించిన స్థాయి సక్సెస్ అందుకోలేని మరో సినిమా రీ రిలీజ్ అయ్యింది. మాస్ మహారాజ్ రవితేజ హీరోగా నటించిన నా ఆటోగ్రాఫ్ సినిమా నేడు రీ రిలీజ్ అయ్యింది.
2004 లో వచ్చిన నా ఆటోగ్రాఫ్ సినిమా అప్పుడు ప్రేక్షకులకు పెద్దగా రుచించలేదు. ఎస్ గోపాల్ రెడ్డి డైరెక్ట్ చేసిన ఈ సినిమాను సాయి గణేష్ ప్రొడక్షన్స్ లో బెల్లంకొండ సురేష్ నిర్మించారు. నా ఆటోగ్రాఫ్ తమిళ సినిమా ఆటోగ్రాఫ్ ను రీమేక్ చేశారు. చెరణ్ దర్శక నిర్మాతగా తానే లీడ్ రోల్ లో నటించిన ఆటోగ్రాఫ్ సూపర్ హిట్ కాగా దాన్నే తెలుగులో రవితేజతో నా ఆటోగ్రాఫ్ గా తెరకెక్కించారు. ఐతే మాస్ రాజా రవితేజకు ఉన్న మాస్ ఇమేజ్ కి ఈ కథ సూట్ అవ్వలేదు.
ఐతే లేటెస్ట్ గా నా ఆటోగ్రాఫ్ రీ రిలీజ్ తో మాస్ రాజా ఫ్యాన్స్ సూపర్ ఎంజాయ్ చేస్తున్నారు. థియేటర్ లో సినిమాలోని ప్రతి మూమెంట్ ని ఎంజాయ్ చేస్తున్నారు. ప్రస్తుతం నా ఆటోగ్రాఫ్ సినిమా రీ రిలీజ్ థియేటర్లు అన్నీ కూడా మాస్ రాజా ఫ్యాన్స్ తో పాటు నా ఆటోగ్రాఫ్ సినిమా అభిమానులతో సందడి సందడిగా మారాయి.