స్మశానంలో జరిగిన పెళ్లి.. తరలి వచ్చిన ఊరు జనాలు

పంజాబ్ లోని అమృత్‌ సర్‌ జిల్లాలో మోహకాంపుర గ్రామంలో ఒక వృద్ధురాలు తన మనవరాలు తో కలిసి స్మశాన వాటికలో జీవనాన్ని సాగిస్తుంది. ఇల్లు లేక పోవడంతో స్మశానంలోనే నివాసాన్ని ఏర్పరచుకొని మనవరాలుతో వృద్ధురాలు జీవనం సాగించడం చూస్తున్న స్థానికులు ఆమెకు సహాయం చేయాలని భావించారు.

అందుకే పెళ్లి వయసు వచ్చిన ఆ వృద్ధురాలి మనవరాలుని తమ ఇంటి అమ్మాయిగా భావించి ఆ ఊరు వారంతా కూడా డబ్బు సహాయం అందించి పెళ్లి చేశారు. పెళ్లి కి ఎక్కడో పందిరి వేయకుండా స్మశానం లోనే పందిరి వేశారు. పెళ్లి వేడుకకు గ్రామస్తులు పెద్ద ఎత్తున తరలి రావడంతో స్థానికంగా స్మశానంలో జరిగిన పెళ్లి గురించి చర్చ జరిగింది.

స్మశానం లోపల ఒక చిన్న గదిలో ఉంటున్న వృద్ధురాలు మరియు ఆమె మనవరాలుకి సహాయం చేసినందుకు తామంతా గర్విస్తున్నామంటూ గ్రామస్తులు చెబుతున్నారు. ఇక ముందు తమ పిల్లలకు కూడా ఇలా స్మశాన వాటికలో పెళ్లి చేసేందుకు ఎలాంటి అభ్యంతరం లేదని గ్రామస్తులు కొందరు చెప్పుకొచ్చారు.