Baharla Ha Madhumas: ప్రస్తుత సోషల్ మీడియా యుగంలో ఎప్పుడేది ట్రెండ్ అవుతుందో తెలీదు. కానీ.. సరైన సినిమా పాటలు, సిగ్నేచర్ స్టెప్స్, డైలాగ్స్ ఉంటే మాత్రం ఆకాశమే హద్దుగా వైరల్ అయిపోతుంది. ఆర్ఆర్ఆర్ లో రామ్ చరణ్ (Ram Charan), ఎన్టీఆర్ (Jr Ntr) సిగ్నేచర్ స్టెప్స్, సారంగదరియా పాట, పుష్పలో శ్రీవల్లీ పాట రీల్స్, వీడియోతో ఎంతగా దేశవ్యాప్తంగా ట్రెండ్ అయ్యాయో తెలిసిందే. ఇప్పుడీ కోవలోనే ఓ మరాఠీ పాట సంచలనాలు నమోదు చేస్తోంది.
కేదార్ షిండే దర్శకత్వంలో తెరకెక్కిన ‘మహారాష్ట్ర షాహిర్’ సినిమాలో ‘బహర్లా హ మధుమాస్’ (Baharla Ha Madhumas) అనే పాట సోషల్ మీడియాను షేక్ చేస్తోంది. యూట్యూబ్, ఇన్ స్టా రీల్స్ లో ఈ పాటలోని సిగ్నేచర్ స్టెప్పే ఇప్పుడు లేటెస్ట్ సెన్సేషన్. చిన్నా, పెద్దా, యువత సిగ్నేచర్ స్టెప్ తో హోరెత్తించేస్తున్నారు. సోషల్ మీడియా ఓపెన్ చేస్తే రీల్స్ ఈపాట రీల్స్ దే హడావిడి. అంకుష్ చౌదరి, సనా కేదార్ నటించిన ఈ సినిమా ఏప్రిల్ 28న విడుదలై విజయం సాధించింది.