అప్పుడెప్పుడో జరిగిన ‘మూవీ ఆర్టిస్ట్స్ అసోసియేషన్’ ఎన్నికల సమయంలో ట్రోలింగ్ చోటు చేసుకుంటే, దానికి సంబంధించి ఇప్పుడు చట్టపరమైన చర్యలంటూ సినీ నటుడు, ‘మా’ అధ్యక్షుడు, నిర్మాత మంచు విష్ణు సంచలన వ్యాఖ్యలు చేయడాన్ని ఎలా అర్థం చేసుకోవాలి.? అన్నదానిపై సినీ వర్గాల్లోనే భిన్న వాదనలు వినిపిస్తున్నాయి.
‘మా’ ఎన్నికల సమయంలో మెగాస్టార్ చిరంజీవిని మంచు విష్ణు అండ్ టీమ్ ఏ స్థాయిలో టార్గెట్ చేసిందో చూశాం. ఆ ఎన్నికల్లో చిరంజీవి పోటీ చేయలేదు, ఎవరికీ మద్దతిస్తున్నట్లు చిరంజీవి చెప్పలేదు. చిరంజీవి ఆశీస్సులు ప్రకాష్ రాజ్కి వున్నాయని నాగబాబు మాత్రమే చెప్పారు.
‘నన్ను పోటీలోంచి తప్పుకోమని చిరంజీవిగారు చెప్పారు..’ అంటూ విష్ణు రచ్చ చేశాడు. చిరంజీవి అస్సలు ఆ విషయాన్ని పట్టించుకోలేదు. ‘మా’ ఎన్నికల సమయంలో ఎంత రాజకీయం నడిచిందో చూశాం. పోలింగ్ సమయంలో చిన్నపాటి కొట్లాట కూడా జరిగింది. ‘మా’ అధ్యక్షుడిగా మంచు విష్ణు గెలవడం వల్ల, సినీ పరిశ్రమకు అదనంగా ఒరిగిందేంటి.? అంటే, ప్చ్.. ఏమీ లేదనే చెప్పాలి.
‘నేను గెలిస్తే, నా సొంత డబ్బులతో మూవీ ఆర్టిస్ట్స్ అసోసియేషన్కి సొంత భవనం కట్టిస్తాను..’ అంటూ అప్పట్లో ప్రకటించిన మంచు విష్ణు, ఇంతవరకు ఆ భవనం గురించి మాట్లాడటంలేదు.
తన తాజా సినిమా ‘జిన్నా’ ప్రచారం కోసం, ‘మా’ ఎన్నికల సమయంలో జరిగిన ట్రోలింగ్ వ్యవహారాన్ని ఇప్పుడు తెరపైకి తెచ్చినట్లున్నాడు. ఇక్కడా ఓ ప్రముఖ నటుడు.. అంటూ, మంచు విష్ణు.. తన పాత విధానాన్నే అనుసరిస్తూ, పబ్లిసిటీ స్టంట్లను తెరపైకి తీసుకురావడం గమనార్హం.
ఓ ప్రముఖ నటుడికి జూబ్లీహిల్స్ ప్రాంతంలో 21 మంది ఉద్యోగులతో సాఫ్ట్వేర్ కంపెనీ వుందట. ఆ కంపెనీ ఐపీ అడ్రస్ తమకు దొరికిందట.. పోలీసులకు ఫిర్యాదు చేసి, వారి సంగతి తేల్చుతానంటున్నాడు మంచు విష్ణు. సినీ నటుడు ప్రకాష్ రాజ్ మీద ‘ప్రాంతీయ విద్వేషం రెచ్చగొట్టే వ్యాఖ్యలు’ సహా.. ‘మా’ ఎన్నికల సమయంలో చాలా వ్యవహారాలు నడిచాయి. అవన్నీ విష్ణు టీమ్ నుంచే జరిగాయ్. అవన్నీ గతం.. అని అంతా మర్చిపోయారు.
మళ్ళీ ఇప్పుడు, ఆనాటి ట్రోల్స్ వ్యవహారాన్ని తెరపైకి తెచ్చి, మళ్ళీ ప్రముఖ నటుడు.. సాఫ్ట్వేర్ కంపెనీ.. అంటూ మంచు విష్ణు చేసిన ఈ రచ్చ ‘జిన్నా’ సినిమా విడుదల వరకూ వుంటుందా.? ఆ తర్వాత కూడా కొనసాగుతుందా.? వేచి చూడాల్సిందే.
965453 951100I truly enjoy examining on this web site , it has great content . 284936
166674 116003Wow, remarkable weblog structure! How long have you been running a blog for? you made running a weblog appear effortless. The complete appear of your web site is magnificent, neatly as the content material! 906692