పుల్వామా తరహా కుట్రను భగ్నం చేసిన భద్రతా దళాలు

భారత భద్రతా దళాలపై 2019లో ఉగ్రవాదులు చేసిన పుల్వామా ఎటాక్ అంత తేలిగ్గా మరచిపోయేది కాదు. 40మంది భారత జవాన్లను పొట్టనపెట్టుకున్న ముష్కరులు అదే తరహాలో మరో భారీ కుట్రకు ప్రయత్నించారు. దీనిని పసిగట్టిన భారత భద్రతాదళాలు ఆ బాంబును నిర్వీర్యం చేశారు. ఈ ఆపరేషన్ ను పుల్వామా పోలీసులు, సీఆర్పీఎఫ్, ఆర్మీ కలిసి ఈ ఆపరేషన్ లో పాల్గొన్నారు.

ఎల్ఈడీ బాంబును అమర్చిన కారుతో ఓ ఉగ్రవాది ఆ పరిసరాల్లో సంచరిస్తున్నట్టు పుల్వామా పోలీసులకు సమాచారం అందింది. దీంతో అప్రమత్తమైన పోలీసులు, సీఆర్పీఎఫ్, ఆర్మీ.. రంగంలోకి దిగి భారీగా తనిఖీలు చేపట్టాయి. కారు కోసం విస్తృత గాలింపులు జరుపుతున్న పోలీసులకు బుధవారం రాత్రి ఓ చోట కారు ఆచూకి కనుగొన్నారు. వెంటనే ఆ కారుపై కాల్పులు జరిపారు. కారులోని వ్యక్తి తప్పించుకుని పారిపోయాడు. కారును తనిఖీ చేయగా వెనుక భారీగా పేలుడు పదార్ధాలు అమర్చినట్టు గుర్తించారు.

వెంటనే బాంబు స్క్వాడ్ ను పిలిపించారు. కారులో ఉన్న పేలుడు పదార్ధాలను నిర్వీర్యం చేయడం కంటే వాహనాన్ని పేల్చేయాలని నిర్ణయించారు. దీంతో కారును అక్కడే పేల్చేశారు. ఆ సమయంలో అక్కడి పరిసర ప్రాంతాల్లోని ప్రజలను ముందుగానే ఖాళీ చేయించారు. కారున పేల్చే దృశ్యాన్ని డ్రోన్ కెమెరాలో పోలీసులు రికార్డు చేశారు. ప్రస్తుతం ఆ వీడియో ఇంటర్నెట్ లో వైరల్ అవుతోంది.

BIG: A major terror attack of a vehicle borne IED blast was averted by the timely input and action by Pulwama Police, CRPF and Army, IGP Kashmir Vijay Kumar tells me. Watch the drone footage of how the Bomb Disposal Squad exploded the vehicle after evacuating the area. 👇 pic.twitter.com/9Rq9H83qsF

— Aditya Raj Kaul (@AdityaRajKaul) May 28, 2020