ముఖ్యమంత్రి వైఎస్ జగన్ మోహన్రెడ్డి, ప్రతిపక్షం తెలుగుదేశం పార్టీపై ‘సిట్’ అస్త్రాన్ని ప్రయోగిస్తున్నారు. చంద్రబాబు హయాంలో అక్రమాలు చోటు చేసుకున్నాయని పదే పదే ఆరోపిస్తోన్న వైఎస్సార్సీపీ, ఆ ఆరోపణల్ని మరింత ముందుకు తీసుకెళ్ళే క్రమంలో, అదికారికంగా ప్రభుత్వం తరఫున ‘సిట్’ ఏర్పాటు చేసింది. ఈ ‘స్పెషల్ ఇన్వెస్టిగేటివ్ టీవ్ు’కి విశేష అధికారాల్ని కూడా కట్టబెట్టడం గమనార్హం.
చంద్రబాబు హయాంలో అవినీతికి సంబంధించి ఈ ‘సిట్’ విచారణ జరుపుతుంది. ఎవర్నయినా విచారణకు పిలిచే అధికారం ఈ ‘సిట్’కి వుంటుందట. అంటే, ఇక్కడ మేటర్ క్లియర్.. సరాసరి ప్రతిపక్ష నేత నారా చంద్రబాబునాయుడిని కూడా ఈ ‘సిట్’ విచారణకు పిలిచే అవకాశముంది.. ఆయన మీద అనుమానమొస్తే. ఇందులో అనుమానం కొత్తగా రావడానికేముంది.? అసలు ప్రభుత్వ ఉద్దేశ్యమే అది.
మరోపక్క, ఈ ‘సిట్’ అర్థం పర్థంలేని వ్యవహారమని అంటూనే, రాజకీయ కక్ష సాధింపు చర్యలకు ‘సిట్’ని ఏర్పాటు చేశారంటూ టీడీపీ నేతలు గుస్సా అవుతున్నారు. ఏ ప్రభుత్వం అధికారంలో వుంటే ఆ ప్రభుత్వానికి అనుకూలంగా ‘సిట్’ నివేదికలు వుంటాయని గతంలో చాలా సంఘటనలు నిరూపించాయి. ఒకవేళ ప్రభుత్వానికి ‘సిట్’ నివేదికలు నచ్చకపోతే, అవి తొక్కిపెట్టబడ్తాయని కూడా గతంలో నిరూపితమయ్యింది. ఆ లెక్కన, ఇప్పుడు ఏర్పాటయిన ‘సిట్’, ప్రభుత్వంలో వున్న వైఎస్సార్సీపీ అభిప్రాయాలకు అనుగుణంగా పనిచేస్తుందన్నది నిర్వివాదాంశం.
అమరావతిలో అక్రమాలకు సంబంధించి గతంలో విచారణ షురూ అయ్యింది. ఏకంగా, ఈడీ రంగంలోకి దిగిందంటూ వైసీపీ ప్రచారం చేసింది. వైసీపీ అనుకూల మీడియాలో కథనాలు విచ్చలవిడిగా కన్పించాయి. కానీ, చివరికి ఏం జరిగింది.? మళ్ళీ కొత్తగా ‘సిట్’ ఏర్పాటవుతోంది. దేశంలోనే అత్యంత ప్రతిష్టాత్మకమైన దర్యాప్తు సంస్థ సీబీఐ విషయంలోనే ‘పంజరంలోని చిలుక’ అనే విమర్శలున్నాయి. అలాంటిది, ‘సిట్’ గురించి, అందులో సీరియస్నెస్ గురించీ అంత సీరియస్గా ఆందోళన చెందే పరిస్థితి రాజకీయ పార్టీలకు వుంటుందా.? అన్నదే సర్వత్రా జరుగుతోన్న చర్చ.
9690 534879hi and thanks for the actual weblog post ive lately been looking regarding this specific advice on-line for sum hours these days as a result thanks 923837