సూపర్ స్టార్ కృష్ణ వారసుడిగా తెలుగు సినిమాల్లో అడుగుపెట్టిన మహేశ్ తండ్రి వారసత్వం నిలబెట్టారు. బాలనటుడిగా సినిమాల్లోకి ఎంట్రీ ఇచ్చినా నటనలో తానెంత చిచ్చరపిడుగో ఆనాడే నిరూపించారు. తండ్రితోనే కాకుండా సోలో హీరోగానూ నటించి మెప్పించారు. అశేషమైన సూపర్ స్టార్ కృష్ణ అభిమానులకు భవిష్యత్ ఆశాదీపంలా కనిపించారు. చదువు కోసం దశాబ్దం సినిమాలకు దూరమైనా తిరిగి యంగ్ అండ్ ఎనర్జిటిక్ హీరోగా ఎంట్రీ ఇచ్చి సత్తా చాటారు. 1999లో ప్రిన్స్ మహేశ్ గా హీరోగా ఎంట్రీ ఇచ్చి.. ఆనతి కాలంలోనే సూపర్ స్టార్ మహేశ్ గా స్టార్ స్టేటస్ పొందారు. తన నటనలోని పదును సొంతంగా ఫ్యాన్స్ తెచ్చిపెడితే.. చార్మింగ్ లుక్స్ అమ్మాయిల కలల రాకుమారుడిగా పేరు తెచ్చింది. ఆగష్టు 9 మహేశ్ జన్మదినం సందర్భంగా అభిమానులు పండుగ చేసుకుంటున్నారు.
కొత్త తరహా కథలతోనే..
తండ్రి కృష్ణ సినిమాల్లో ప్రయోగాలు చేసినట్టే మహేశ్ కూడా ప్రయోగాలు చేశారు. బాబీ, నాని, 1నేనొక్కడినే సినిమాలతో తెలుగులో వినూత్న ప్రయోగాలు చేశారు. అయితే.. ఇవేమీ మహేశ్ కు సక్సెస్ ఇవ్వలేదు. దీంతో మహేశ్ రెగ్యులర్ కమర్షియల్ సినిమాలు చేసి సక్సెస్ అందుకున్నారు. తెలుగు సినిమాలకు యూఎస్ మార్కెట్ పెరగడం మహేశ్ సినిమాలతోనే ప్రారంభమైంది. పోకిరిలో మాస్, అతడులో క్లాస్, మురారి, సీతమ్మవాకిట్లో సిరిమల్లె చెట్టులో ఫ్యామిలీ, శ్రీమంతుడులో ఊరిని దత్తత తీసుకోవడం, భరత్ అను నేనులో పొలిటికల్.. ఇలా వివిధ జోనర్ సినిమాలు చేయడం మహేశ్ స్పెషాలిటీ. కెరీర్లో రీమేక్స్ జోలికి వెళ్లకపోవడం మహేశ్ ప్రత్యేకత. ఒకచోట చెప్పిన కథనే మళ్లీ చేయడం తనకు నచ్చదని కొత్త కథలే చేస్తానని అంటారు. సినిమా తర్వాత సినిమా చేస్తూ ఫ్యాన్స్ ను ఖుషీ చేస్తూంటారు మహేశ్.
మహేశ్ ప్రత్యేకత అదే..
మహేశ్ తన కెరీర్ కు ఎంత ఇంపార్టెన్స్ ఇస్తారో ఫ్యామిలీకి అంతే సమయం కేటాయిస్తారు. సినిమా పూర్తయ్యాక ఫ్యామిలీతో వెకేషన్ కు వెళ్లి భార్య, కుమారుడు, కుమార్తెతో ఫ్యామిలీ టైమ్ స్పెండ్ చేస్తారు. మహేశ్ సేవా కార్యక్రమాల్లో కూడా ముందుంటారు. గుండె సంబంధిత సమస్యలతో బాధపడే పేద కుటుంబాల్లోని చిన్నారులకు ఉచితంగా ఆపరేషన్లు చేయిస్తూ తన పెద్ద మనసు చాటుకుంటారు. ఇవి మహేశ్ ను ఫ్యాన్స్, సినీ ప్రేక్షకుల్లో కూడా ప్రత్యేకంగా ఉంచుతుంది. నేడు మహేశ్ పుట్టినరోజు సందర్భంగా తెలుగు రాష్ట్రాల్లోని 135 స్క్రీన్స్ లో ‘పోకిరి’ సినిమాను ఫ్యాన్స్ స్వచ్ఛందంగా ప్రదర్శిస్తున్నారు. ఈ షోస్ ద్వారా వచ్చే మొత్తాన్ని మహేశ్ చేస్తున్న స్వచ్ఛంధ కార్యక్రమాలకే విరాళంగా ఇవ్వనున్నారు. మహేశ్ కెరీర్ మరింత దిగ్విజయంగా ఉండాలని కోరుకుంటూ ఆయనకు బర్త్ డే విశెష్ చెప్తోంది ‘తెలుగు బులెటిన్’.
558952 887667I like this post, enjoyed this one regards for posting . 266296
144655 11260The leading source for trustworthy and timely health and medical news and data. 474627
213717 459003A person essentially lend a hand to make significantly articles I may state. That is the really first time I frequented your web site page and up to now? I amazed with the research you created to create this certain publish incredible. Great activity! 133318
134023 391869Quite instructive and great bodily structure of subject matter, now thats user pleasant (:. 674039