శర్వానంద్ కు ఈమద్య కాలంలో సక్సెస్ లు లేవు.. ఇక సిద్దార్థ ఈమద్య కాలంలో తెలుగు లో సినిమాలే నటించలేదు. అలాంటి వీరిద్దరితో ఆర్ ఎక్స్ 100 వంటి సినిమాతో అయిదేళ్ల క్రితం సక్సెస్ దక్కించుకున్న అజయ్ భూపతి ఈ సినిమాను తెరకెక్కించాడు. మరి ఈ సినిమా ఎలా ఉంది అనేది ఈ రివ్యూలో చూద్దాం.
కథ :
అర్జున్(శర్వానంద్) మరియు విజయ్(సిద్దార్థ్) లు మంచి స్నేహితులు. మహా(అధితి) తో విజయ్ ప్రేమలో ఉంటారు. కొన్ని అనూహ్య పరిణామాల వల్ల విజయ్ నాలుగు ఏళ్ల పాటు అందరికి దూరంగా ఉండాల్సి వస్తుంది. ఆ సమయంలో విజయ్ ఎక్కడ ఉన్నది ఎవరికి తెలియదు. నాలుగు సంవత్సరాల తర్వాత తిరిగి వచ్చిన విజయ్ ఎదుర్కొన్న పరిణామాలు ఏంటీ.. అసలు విజయ్ ఊరు వదిలి వెళ్లడానికి గల కారణాలు ఏంటీ.. స్నేహితులు శత్రువులుగా ఎందుకు మారారు అనేది కథ.
నటన :
శర్వానంద్ మరియు సిద్దార్థ్ లు ఇద్దరు కూడా అద్బుతంగా నటించారు. వారిద్దరు కనిపించకుండా అర్జున్ మరియు విజయ్ లు కనిపించారు. వారు పోటీ పడి నటించారు. నటించడానికి చాలా స్కోప్ ఉన్న పాత్రలు వారికి దక్కాయి. ఆ అవకాశంను వారు సరిగ్గా ఉపయోగించుకున్నారు. సినిమాకు వారిద్దరు కూడా ప్రథాన ఆకర్షణగా నిలిచారు. ఇక హీరోయిన్స్ గా నటించిన అథితి రావు హైదరి మరియు అను ఎమాన్యూల్ లు కూడా ఆకట్టుకున్నారు. ముఖ్యంగా అథితి ఆకట్టుకునే నటనతో మెప్పించింది. కథ మొత్తం కూడా ఆమె చుట్టు తిరుగుతూ ఉంటుంది. ఆమె తన పాత్రకు పూర్తి న్యాయం చేసింది. ఇతర పాత్రల్లో కనిపించిన రావు రమేష్ మరియు జగపతి బాబు కూడా అద్బుతంగా నటించి మెప్పించారు.
సాంకేతిక నిపుణులు :
దర్శకుడు అజయ్ భూపతి తాను చెప్పాలనుకున్న కథను ఎంపిక చేసిన పాత్రలతో అద్బుతంగా చెప్పాడు. అతడు కథలోని పాత్రలను మలచిన తీరు కూడా చాలా బాగుంది. సినిమా మొదటి సగం చాలా బాగా వచ్చింది. ఇంటర్వెల్ ఇంట్రెస్టింగ్ పాయింట్ తో ఇవ్వడంతో సినిమాపై మరింత ఆసక్తి పెరిగింది. కాని సెకండ్ హాఫ్ పై మాత్రం అజయ్ ఇంకాస్త బెటర్ గా వర్క్ చేయాల్సి ఉండేది. ఫస్ట్ హాఫ్ సాగినట్లుగా సెకండ్ హాఫ్ సాగినట్లయితే సినిమా మరో లెవల్ లో ఉండేది. బ్యాక్ గ్రౌండ్ స్కోర్ ఆకట్టుకునే విధంగా ఉంది. సన్నివేశాల స్థాయిని పెంచేలా బ్యాక్ గ్రౌండ్ స్కోర్ ఉంది. పాటల విషయంలో గొప్పగా చెప్పుకోవడానికి లేదు. సినిమాటోగ్రఫీ బాగుంది. కొన్ని విజువల్స్ ను చాలా నాచురల్ గా ఆకట్టుకునే విధంగా చూపించడంలో సక్సెస్ అయ్యారు. ఎడిటింగ్ లో చిన్న చిన్న లోపాలు మనహా అంతా బాగానే ఉంది.
ప్లస్ పాయింట్స్ :
- పాత్రలను ప్రజెంట్ చేసిన తీరు,
- బ్యాక్ గ్రౌండ్ స్కోర్ మరియు సినిమాటోగ్రపీ,
మైనస్ పాయింట్స్ :
- సెకండ్ హాఫ్,
- స్క్రీన్ ప్లే,
విశ్లేషణ : దర్శకుడు స్క్రిప్ట్ పై దాదాపుగా రెండున్నర మూడు సంవత్సరాలు వర్క్ చేసినట్లుగా చెప్పుకొచ్చాడు. అందుకు తగ్గట్లుగానే ఫస్ట్ హాఫ్ వచ్చింది. హీరోలు ఇద్దరు మరియు రావు రమేష్ మరియు జగపతిబాబుల పాత్రలు ఇంకా అథితి రావు పాత్రలను అతడు చూపించిన తీరు అద్బుతం అనడంలో సందేహం లేదు. కాని సెకండ్ హాఫ్ విషయంలో అతడు పూర్తిగా పట్టు కోల్పోయాడు అనిపించింది. మొత్తంగా సినిమా ఆకట్టుకుంది. సినిమా చూడదగ్గదిగా ఉంది.
తెలుగు బులెటిన్ రేటింగ్: 2.75/5
206399 199998I saw two other comparable posts although yours was the most beneficial so a lot 649721
252109 30663I located your weblog web site on google and check a couple of of your early posts. Proceed to sustain up the superb operate. I just additional up your RSS feed to my MSN Details Reader. In search of forward to reading extra from you later on! 230309