మాచెర్ల నియోజకవర్గం రివ్యూ

నితిన్, కృతి శెట్టి ప్రధాన పాత్రల్లో నటించిన చిత్రం మాచెర్ల నియోజకవర్గం. ఎడిటర్ గా పేరు తెచ్చుకున్న ఎస్ ఆర్ శేఖర్ ఈ చిత్రాన్ని డైరెక్ట్ చేసాడు. మరి ఈరోజే విడుదలైన ఈ సినిమా ఎలా ఉందో చూద్దామా.

కథ:

కొన్ని వందల సినిమాల్లో చూసిన రొటీన్ స్టోరీనే ఎంచుకున్నాడు మన కొత్త దర్శకుడు. హీరో సిద్ధార్థ్ రెడ్డి (నితిన్) అంటే పడిచచ్చే పోయే మినిస్టర్ కూతురు (క్యాథెరిన్), కానీ హీరో ఆమెను ఇష్టపడడు. తాను కోరుకునే లక్షణాలు ఉన్న అమ్మాయి కోసం ఎదురుచూస్తుంటాడు. సరిగ్గా అప్పుడే స్వాతి (కృతి శెట్టి)ను చూసి ఇష్టపడతాడు. ఈలోగా సివిల్స్ రాసేసి టాపర్ అయిపోయి పోస్టింగ్ కోసం చూస్తుంటాడు.

సడెన్ ట్విస్ట్ లాగా స్వాతి ఉన్నపళంగా మాచెర్ల వెళ్ళిపోతుంది. మన హీరోకి కూడా కలెక్టర్ గా మాచెర్లలోనే పోస్టింగ్ పడుతుంది. అక్కడ రాజప్ప అనే ఎమ్మెల్యే ఆ నియోజకవర్గాన్ని తన గుప్పిట్లోకి తీసుకుని అరాచకాలు సృష్టిస్తూ ఉంటాడు. సరిగ్గా రాజప్పను తగులుకుని ఆ నియోజకవర్గంలో తొలిసారి ఎలెక్షన్స్ కూడా నిర్వహిస్తానని సవాల్ చేస్తాడు మన రెడ్డి. ఇక అక్కడి నుండి ఏం జరిగింది అనేది అసలు కథ.

నటీ నటుల పెర్ఫార్మన్స్:

నితిన్ ఈ సినిమాలో కొంచెం మ్యాచుర్డ్ గా కనిపించాడు. అవుట్ అండ్ అవుట్ మాస్ రోల్ ను చేసాడు. తనవరకూ 100 శాతం ఎఫర్ట్ పెట్టాడు. అయితే భారీ డైలాగులు చెప్పే చోట్ల అంతగా సూట్ అవ్వలేదు అనిపిస్తుంది. ఏదేమైనా నితిన్ ఈ సినిమాలో తనవరకూ ఇంప్రెస్ చేస్తాడు.

ఇక హీరోయిన్లుగా చేసిన కృతి శెట్టి, క్యాథెరిన్ లకు పెద్దగా స్కోప్ లేదు. స్టోరీతో కృతికి కొంతైనా లింక్ ఉంది. ఆమె పర్వాలేదు. చూడటానికి బాగుంది. క్యాథెరిన్ కేవలం ఫస్ట్ హాఫ్ కే పరిమితమైంది.

విలన్ గా సముద్రఖని తనకు అలవాటైన రీతిలో చేసుకుంటూ వెళ్ళిపోయాడు. తను కూడా ఇంప్రెస్ చేస్తాడు. ఇగో నిండిపోయిన వ్యక్తిగా వెన్నెల కిషోర్ కామెడీ బాగానే ఉంది.

ఇక బ్రహ్మాజీ, శ్యామల తదితరులు తమ పరిధి మేరకు నటించి మెప్పించారు.

సాంకేతిక నిపుణులు:

మహతి స్వర సాగర్ ఈ చిత్రానికి సంగీతం అందించాడు. పాటలు పెద్దగా ఇంప్రెస్ చేయవు. బ్యాక్ గ్రౌండ్ మ్యూజిక్ పరంగా ఆకట్టుకుంటాడు. అయితే కొన్ని చోట్ల మరీ లౌడ్ అయిపోయింది బ్యాక్ గ్రౌండ్ స్కోర్. ప్రసాద్ మురెళ్ళ మాస్ కమర్షియల్ సినిమాకు తగ్గట్లుగా తన ఔట్పుట్ అందించాడు. నిర్మాణ విలువలు రిచ్ గా ఉన్నాయి.

ఎడిటర్ గా కావాల్సినంత అనుభవం ఉన్న రాజశేఖర్ రెడ్డి, కథ విషయంలో పూర్తిగా తడబడ్డాడు. మరీ రొటీన్ కథను ఎత్తుకున్నాడు. స్క్రీన్ ప్లే కూడా రొటీన్ గా ఉంది. ఉదాహరణకు చెప్పుకోవాలంటే ఒక్కటంటే ఒక్క సీన్ కూడా కమర్షియల్ గా హై ఇవ్వదు. అలాగే ఫ్రెష్ నెస్ కూడా లేదు.

పాజిటివ్ పాయింట్స్:

• వెన్నెల కిషోర్
• పాటలు

నెగటివ్ పాయింట్స్:

• యాక్షన్ సన్నివేశాలు
• రొటీన్ స్క్రీన్ ప్లే
• కథ లేకపోవడం
• రన్ టైమ్

విశ్లేషణ:

మొదటి సీన్ నుండీ ఏ మాత్రం ఫ్రెష్ నెస్ లేకుండా కొన్ని వందల సినిమాల్లో చూసిన సన్నివేశాలు ఒకటి తర్వాత ఒకటిగా వచ్చి వెళ్ళిపోతూ ఉంటాయి. సాంకేతికంగా అన్ని అంశాల్లో ఫెయిల్ అయిన మాచెర్లను భరించడం కష్టమే.

తెలుగు బులెటిన్ రేటింగ్: 1.5/5