మే వరకు లాక్ డౌన్ ఉంటే.. తెలుగు రాష్ట్రాల పరిస్థితి ఏంటి?

తెలుగు రాష్ట్రాలలో ప్రస్తుతం లాక్ డౌన్ జరుగుతున్నది. ఈ లాక్ డౌన్ వలన ప్రజలు నానా ఇబ్బందులు పడుతున్నారు. లాక్ డౌన్ చేయడం వలన రోజుకు తెలుగు రాష్ట్రాలలో కోట్లాది రూపాయల నష్టం వస్తున్నది. ముఖ్యంగా ఆంధ్రప్రదేశ్ కు కేవలం రెవిన్యూ డిపార్ట్మెంట్ నుంచి వచ్చే డబ్బుపైనే ఆధారపడి నడుస్తున్నది. ఇప్పుడు ఆ ఆదాయం కూడా ఆంధ్రప్రదేశ్ కు లేకపోవడంతో ఏపీ ఆర్ధిక పరిస్థితి మరింత దిగజరిపోయే ప్రమాదం ఉన్నది.

పైగా రాష్ట్రం అప్పుల్లో కూరుకుపోయి ఉంది. ఎలాగోలా ఉన్న నిధులను వినియోగించుకుంటూ, నెట్టుకొస్తున్న ఆంధ్రప్రదేశ్ ప్రభుత్వానికి ఇది పెద్ద దెబ్బగా మారబోతున్నట్టు స్పష్టంగా అర్ధం అవుతున్నది. ఆంధ్రప్రదేశ్ ప్రభుత్వం చాలా టార్గెట్ పెట్టుకున్నది. వచ్చే ఏడాది జూన్ నెల వరకు పోలవరం ప్రాజెక్ట్ ను కంప్లీట్ చేయాలని అనుకుంది.

ఈ సమయంలో అది సాధ్యం కాకపోవచ్చు. మే నెలాఖరు వరకు లాక్ డౌన్ చేస్తే, ఆ తరువాత ఆంధ్రప్రదేశ్ ఆర్ధికంగా కాస్త నిలబడటానికి కనీసం ఆరు నెలలు పడుతుంది. ఆ తరువాత నుంచి పనులు వేగంగా మొదలు పెట్టినప్పటికి కూడా కనీసం రెండేళ్ళు పైగా పట్టే అవకాశం ఉంటుంది. ఈ విషయంలో ఆంధ్రప్రదేశ్ కంటే తెలంగాణ కాస్త బెటర్ అని చెప్పవచ్చు.

తెలంగాణలో నిధులకు పెద్దగా కొరత లేదు. ఇటీవలే బడ్జెట్ ను ప్రవేశపెట్టారు. హైదరాబాద్ నుంచి ఎక్కువ ఆదాయం లభిస్తుంది. మూడు నెలల లాక్ డౌన్ తరువాత కూడా తెలంగాణ కొలుకోవడానికి చాలా తక్కువ సమయం పడుతుందని చెప్పవచ్చు. ఆబ్కారీ నుంచి తెలంగాణకు ఎక్కువ ఆదాయం ఉంటుంది కాబట్టి పెద్దగా ఇబ్బంది పడాల్సిన అవసరం ఉండదు. తెలుగు రాష్ట్రాలలో జూన్ నుంచి ఆంధ్రప్రదేశ్ మాత్రం గడ్డు పరిస్థితులను ఎదుర్కోబోతున్నట్టు ఆర్ధిక నిపుణులు హెచ్చరిస్తున్నారు. మరి దీనికి జగన్ ప్రభుత్వం ఎలా ఫేస్ చేస్తుందో చూడాలి.