‘జాన్ బీ.. జహాన్ బీ..’ అని ఈ మధ్యనే జాతిని ఉద్దేశించి ప్రధాని నరేంద్ర మోడీ మాట్లాడారు. దానర్థం, లాక్ డౌన్ని ఎత్తివేయడమే.. అని కొందరు అభిప్రాయపడ్డారు. నిజానికి, రెండూ మూడు రోజుల క్రితం నాటి పరిస్థితులు వేరు.. ఇప్పుడు పరిస్థితులు వేరు. దేశంలో కరోనా వైరస్ అదుపులోనే వున్నట్లు కన్పించినా, కేవలం రోజుల వ్యవధిలోనే పరిస్థితి పూర్తిగా అదుపు తప్పేసింది. దాంతో, ‘లాక్డౌన్ సడలింపు’ అన్న ఆలోచనని కేంద్రం పక్కన పెట్టేయాల్సి వచ్చింది.
మే 3 వరకు లాక్డౌన్ కొనసాగుతుంది. అయితే, ఏప్రిల్ 20 తర్వాత అత్యవసర అంశాలకు సంబంధించి కొన్ని వెసులుబాట్లు వుండొచ్చు. నిజానికి, కరోనా వైరస్కి సంబంధించి అసలు సిసలు పరీక్ష ఇప్పుడే మొదలైందని చెప్పొచ్చు. ‘రెండో దశ దాటి, మూడో దశలోకి ఎంటర్ అయ్యాం..’ అని చెప్పడానికి ప్రభుత్వాలు మొహమాటపడుతున్నా, మూడో దశలోకి అడుగుపెట్టేసిన విషయాన్ని కొత్తగా నమోదవుతున్న కేసులు చెప్పకనే చెబుతున్నాయి.
మూడో దశ అంటే ‘కమ్యూనిటీ స్ప్రెడ్’ అన్నమాట. మహారాష్ట్రలో ఇది అత్యంత వేగంగా విస్తరిస్తోంది. తమిళనాడులోనూ దాదాపు ఇదే పరిస్థితి కన్పిస్తోంది. ఢిల్లీ సంగతి సరే సరి. ఆంధ్రప్రదేశ్లోనూ, ఆ మాటకొస్తే తెలంగాణలోనూ ‘కమ్యూనిటీ స్ప్రెడ్’ దిశగా రకరకాల ప్రచారాలు విన్పిస్తున్నాయి. వీటిల్లో నిజమెంత.? అన్నది ఇప్పటికైతే సస్పెన్సే.
ఎందుకంటే ప్రభుత్వాలే అధికారిక సమాచారాన్ని విడుదల చేయాల్సి వుంది. కానీ, గ్రౌండ్ లెవల్లో పరిస్థితి ఇప్పుడిప్పుడే అందరికీ అర్థమవుతోంది. అంటే, ఇప్పుడే దేశం మరింత జాగ్రత్తగా వ్యవహరించాల్సి వుంటుందన్నమాట. ఈ నేపథ్యంలోనే లాక్డౌన్ని కొనసాగించాల్సి వచ్చిందని అర్థం చేసుకోవాల్సి వుంటుంది.
సరే, అదనంగా మరో 19 రోజులు లాక్డౌన్కి దేశం సిద్ధమయిపోతుంది. కానీ, ఇప్పటికే ఆర్థిక వ్యవస్థ చితికిపోయిందని ప్రధాని నరేంద్ర మోడీ చెబుతున్నారు. మరి, మరో 19 రోజులు ఎలా.? ‘ఉద్యోగాలు తీసేయొద్దు..’ అని యాజమాన్యాలకు ప్రధాని విజ్ఞప్తి చేస్తున్నారు. కానీ, ఇప్పటికే ‘తీసివేతలు’ షురూ అయ్యాయి. వేతనాల్లో కోతలూ కన్పిస్తున్నాయి.
పేదల్ని ఆదుకునేందుకు మోడీ సర్కార్ ముందుకు రావడాన్ని అభినందించాల్సిందే. కానీ, మిడిల్ క్లాస్ పరిస్థితేంటి.? ఈ పరీక్షని మధ్యతరగతి భారతం తట్టుకునేదెలా.? అసలు దేశం ఈ కరోనా సంక్షోభం నుంచి బయటపడేదెలా.? మే 3 నాటికి పరిస్థితులు అదుపులోకి రాకపోతే, కేసీఆర్ ముందే చెప్పినట్లు జూన్ 3 వరకూ లాక్డౌన్ కొనసాగక తప్పదా.? ఏమో, వేచి చూడాల్సిందే.
963205 35361Its like you read my mind! You appear to know a lot about this, like you wrote the book in it or something. I believe that you could do with a few pics to drive the message home a bit, but other than that, this really is great blog. A great read. Ill definitely be back. 44978
991118 507783I like this web web site its a master peace ! Glad I detected this on google . 519321