సంపూర్ణ మద్య నిషేధం అనేది తెలుగు నాట సాధ్యమయ్యే పని కాదు. గతంలో స్వర్గీయ ఎన్టీఆర్, ఉమ్మడి ఆంధ్రప్రదేశ్లో మద్య నిషేధం కోసం ప్రయత్నించారు.. అమలు చేశారు కూడా. కానీ, అది సత్పÛలితాలివ్వలేదు. కల్తీ మద్యం రాష్ట్రంలో ఏరులై పారింది. ఈ క్రమంలో చాలా దారుణాలు చోటు చేసుకున్నాయి. అయితే, గొప్ప ఆలోచనను కొందరు పక్కదారి పట్టించారనే విమర్శలు లేకపోలేదు అప్పటి మద్య నిషేదంపై.
ఇక, ఇప్పుడు వైఎస్ జగన్ ప్రభుత్వం మద్య నిషేధం.. అంటూ పబ్లిసిటీ స్టంట్స్ షురూ చేసింది. రేటు పెంచితే, మద్యం మానేస్తారా ఎవరైనా.? అన్న కనీస ఇంగితం లేకుండా ప్రభుత్వం చేస్తున్న పబ్లిసిటీ స్టంట్స్ అందర్నీ విస్మయానికి గురిచేస్తున్నాయి. కనీ వినీ ఎరుగని రీతిలో రాష్ట్రంలో నాటు సారా గుప్పుమంటోందంటే దానిక్కారణమేంటి.? సాక్షాత్తూ అసెంబ్లీ స్పీకర్, నాటు సారా తయారీపై ‘వాస్తవ పరిస్థితుల్ని’ కుండబద్దలుగొట్టేసిన వైనాన్ని ఎలా విస్మరించగలం.? మద్యం దుకాణాల సంఖ్య తగ్గించేస్తున్నాం.. ఇది మద్య నిషేదంలో కీలకమైన ముందడుగు.. అని ప్రభుత్వం చెబుతోంది.
మద్యం ధరలు పెంచి, ఖజానాని నింపుకున్నప్పుడూ ఇదే మాట. అసలేం జరుగుతోంది రాష్ట్రంలో.! కరోనా విజృంభిస్తున్న వేళ, మద్యం షాపుల్ని తెరిచిన ప్రభుత్వం మద్య నిషేధం గురించి మాట్లాడితే ఎలా.? రాష్ట్ర ప్రభుత్వం అవలంబిస్తున్న చర్యలతో పొరుగు రాష్ట్రాల్లోంచి మద్యం, ఆంధ్రప్రదేశ్లోకి అక్రమంగా దూసుకొస్తోంది. అలా, పొరుగు రాష్ట్రాల ఖజానా నింపడంలో రాష్ట్రానికి చెందిన మందు బాబులు తమవంతు పాత్ర పోషిఉ్తన్నారని అనుకోవాలేమో. మద్య నిషేధం.. అంటే ఎకాఎకిన ఒకేసారి జరిగిపోవాలి.
కరోనా వైరస్ ఈ విషయంలో రాష్ట్ర ప్రభుత్వానికి అవకాశం కల్పించింది కూడా. అవకాశాన్ని సద్వినియోగం చేసుకోవడం చేతకాక, ఇప్పుడీ పబ్లిసిటీ స్టంట్స్.. అంటే మద్య నిషేధం.. అన్న మాటని జగన్ ప్రభుత్వం చెబుతుండడంపైనే అనుమానాలు కలుగుతున్నాయి. పొరుగు రాష్ట్రాలకు మేలు చేయాలన్న ఆలోచన తప్ప, మద్య నిషేధం విషయంలో జగన్ ప్రభుత్వానికి చిత్తశుద్ధి వున్నట్లు కన్పించడంలేదు.
542719 713364Hey there. I want to to inquire somethingis this a wordpress weblog as we are thinking about shifting over to WP. Also did you make this theme on your own? Thanks. 768329
433290 282611Its exceptional as your other articles : D, regards for posting . 267354