విజయ్ దేవరకొండ హీరోగా పూరి జగన్నాథ్ దర్శకత్వంలో తెరకెక్కిన చిత్రం లైగర్. ఈ సినిమా భారీ బజ్ మధ్య ఈరోజే విడుదలైంది. మరి ఈ చిత్రం ఎలా ఉందో చూద్దామా.
కథ:
కరీంనగర్ లో పుట్టి పెరిగిన లైగర్ (విజయ్ దేవరకొండ)ను మిక్స్డ్ మార్షల్ ఆర్ట్స్ ఛాంపియన్ చేయాలని కలలు కంటుంది అతని తల్లి బాలమణి (రమ్య కృష్ణ). ఇందులో కొడుకుని ముంబై తీసుకెళ్తుంది. అక్కడ లైగర్ కు తానియా (అనన్య పాండే) పరిచయమై తన గోల్ నుండి పక్కకు వెళ్తుంది దృష్టి. ఈ నేపథ్యంలో లైగర్ మళ్ళీ తన లక్ష్యంపై దృష్టి ఎలా పెట్టాడు. అంతర్జాతీయ స్థాయిలో రాణించడానికి ఏం చేసాడు? అంతర్జాతీయంగా లైగర్ కు ఎదురైన సవాళ్లు ఏంటి అనేది సినిమా కథ.
నటీనటులు:
ఈ చిత్రం కోసం విజయ్ చేయాల్సిందంతా చేసాడు. తన ఫిజిక్ ను పూర్తిగా మార్చుకున్నాడు. ఒక బాక్సర్ ఎలా ఉండాలో అలాగే ఉన్నాడు. యాక్షన్ సీన్స్ లో అదరగొట్టాడు. ఇక నత్తి విషయం ప్రేక్షకులను కచ్చితంగా చిరాకు పెడుతుంది. మొదట్లో కొంచెం కొత్తగా అనిపించినా రాను రాను విసుగు తెప్పిస్తుంది. ఇక డ్యాన్స్ ల పరంగానూ విజయ్ కొత్తగా ట్రై చేసాడు కానీ ఇంకా ఫ్లెక్సిబిలిటీ రావాల్సి ఉంది.
అనన్య పాండే చిత్రానికి పెద్దగా ఉపయోగపడింది లేదు. సాధారణంగానే హీరోయిన్స్ ట్రాక్ ను పేలవంగా రాసే పూరి ఈసారి మరింత దిగజారుడు హీరోయిన్ పాత్రను రాయడం విశేషం. రమ్య కృష్ణ పాత్ర కూడా అంతే. మొదట్లో ఆసక్తికరంగా, పాజిటివ్ ఫీల్ తెప్పిస్తుంది. కానీ సెకండ్ హాఫ్ లో ఆమె ఎందుకు అలా అరుస్తుందో ప్రేక్షకులకు అర్ధమే కాదు.
విషు రెడ్డి పర్వాలేదు. కోచ్ గా రోనిత్ రాయ్ డీసెంట్. గెటప్ శ్రీను నవ్వించడానికి ప్రయత్నించాడు.
సాంకేతిక వర్గం:
పూరి సినిమాలంటే స్టోరీ పెద్దగా ఆశించం. స్క్రీన్ ప్లే తోనే మ్యాజిక్ చేస్తాడు పూరి. గత చాలా ఏళ్లుగా ఫామ్ కోల్పోయి ఇస్మార్ట్ శంకర్ తో తిరిగి ఫామ్ అందుకున్నట్లు కనిపించిన పూరి అది వన్ టైమ్ వండర్ మాత్రమేనని లైగర్ తో ప్రూవ్ చేసాడు. ఈ సినిమా కచ్చితంగా పూరి వీక్ వర్క్స్ లో ఒకటిగా నిలుస్తుంది. నిర్మాణ విలువలకు ఢోకా లేదు. అవసరానికి మించి చాలా చోట్ల ఖర్చుపెట్టారు. అంత భారీ ఖర్చుతో మైక్ టైసన్ ను ఈ చిత్రంలోకి తీసుకురావడమెందుకో, దానివల్ల ఒరిగిందేంటో అర్ధం కాదు.
చాలా మంది సంగీత దర్శకులు కలిసి ఇచ్చిన పాటలు అంత ఇంప్రెసివ్ గా అనిపించవు. సునీల్ కశ్యప్ బ్యాక్ గ్రౌండ్ స్కోర్ కూడా ఓకే. సినిమాటోగ్రఫీ డీసెంట్ గా సాగింది. ఎడిటింగ్ కు ఇంకా పని చెప్పొచ్చు అనిపించింది.
పాజిటివ్ పాయింట్స్:
- విజయ్ దేవరకొండ
- తల్లి-కొడుకు సన్నివేశాలు
- రమ్యకృష్ణ
నెగటివ్ పాయింట్స్:
- స్క్రీన్ ప్లే
- దర్శకత్వం
- ఎంఎంఏ సన్నివేశాలు
- పాటలు
చివరిగా:
లైగర్ పూరి కాంపౌండ్ నుండి వచ్చిన ఒక కాస్ట్లీ అటెంప్ట్. దాన్ని పూర్తి స్థాయిలో దుర్వినియోగం చేసాడు పూరి జగన్నాథ్. భారీ ఖర్చు పెట్టి ప్యాన్ ఇండియా అంటూ హంగూ ఆర్భాటాలు చేసి కథ, స్క్రీన్ ప్లే వంటి బేసిక్ విషయాలను గాలికి వదిలేసాడు. విజయ్ దేవరకొండ పెర్ఫార్మన్స్ ను పక్కనపెడితే సోల్ లేని ఈ చిత్రాన్ని భరించడం కష్టమే.
తెలుగు బులెటిన్ రేటింగ్: 1.5/5
243454 20184Cheers for this excellent. I was wondering in case you were thining of writing related posts to this 1. .Keep up the great articles! 908454