కుబేర మూవీ చాలా స్పెషల్ గా ఉంటుందని.. అందరూ ఎంజాయ్ చేస్తారని హీరోలు నాగార్జున, ధనుష్ అన్నారు. ధనుష్, కింగ్ నాగార్జున, రష్మిక మందన్న కాంబోలో వస్తున్న పాన్ ఇండియా మూవీ కుబేర. శేఖర్ కమ్ముల డైరెక్ట్ చేస్తున్న ఈ సినిమాను శేఖర్ కమ్ముల అమిగోస్ క్రియేషన్స్ ప్రైవేట్ లిమిటెడ్తో కలిసి SVCLLPపై సునీల్ నారంగ్, పుస్కుర్ రామ్ మోహన్ రావు నిర్మిస్తున్నారు. ఇప్పటికే రిలీజ్ చేసిన ప్రమోషన్ కంటెంట్ కు మంచి రెస్పాన్స్ దక్కుతోంది. జూన్ 20న సినిమా రిలీజ్ కాబోతోంది. ఈ సందర్భంగా మూవీలోని ‘పీ పీ డుమ్ డుమ్’ పాటని ముంబయిలో గ్రాండ్ గా లాంచ్ చేశారు.
సాంగ్ లాంచ్ ఈవెంట్ లో హీరో ధనుష్ మాట్లాడుతూ.. ‘నేను ఇప్పటి వరకు చేయని పాత్రను ఈ మూవీలో చేశాను. సినిమా అద్భుతంగా వచ్చింది. ప్రతి ఒక్కరికీ నచ్చుతుంది. ఈ సినిమాను మేం ఛాలెంజింగ్ గా చేశాం అని అందరూ అనుకుంటున్నారు. కానీ అది నిజం కాదు. మేం చాలా సరదాగా చేసేశాం. ఇందులో నేను బెగ్గర్ పాత్ర చేశాను. దాని కోసం పెద్దగా రీసెర్చ్ చేయలేదు. శేఖర్ గారు ఎలా చెప్తే అలా చేసేశాను. ఆయన చాలా మంచి వ్యక్తి. అందరితో మంచి రిలేషన్ మెయింటేన్ చేస్తారు. నాగార్జున గారితో పనిచేయడం చాలా సంతోషంగా ఉంది. ఇందులో నేను రష్మిక ఓ డంప్యార్డ్లో దాదాపు 7 గంటలపాటు షూటింగ్లో పాల్గొన్నాం. అంత సేపు ఉన్నా అక్కడ ఆమెకు ఎలాంటి వాసన రాలేదని చెప్పింది. ఆమెకు ఏమైందో నాకు తెలియదు (నవ్వుతూ). ఈ మూవీతో నాకు ఎన్నో అనుబంధాలు ఏర్పడ్డాయి. మంచి వారితో పరిచయాలు పెరిగాయి. మూవీ అందరికీ నచ్చుతుంది’ అంటూ చెప్పుకొచ్చారు.
‘హీరో నాగార్జున మాట్లాడుతూ.. ‘ముంబైతో నాకు మంచి అనుబంధం ఉంది. శివ, క్రిమినల్ మూవీల నుంచే నన్ను ఇక్కడి వాళ్లు ఆదరిస్తున్నారు. కుబేర సినిమా నాకు చాలా స్పెషల్. శేఖర్ కమ్ముల గారి సినిమాలు అంటే చాలా ఇష్టం. ఆయనతో పనిచేయాలని 15 ఏళ్లుగా అనుకుంటున్నాను. ఇన్నాళ్లకు కుదిరింది. ఆయన మనసు చాలా ప్యూర్ గా ఉంటుంది. అందరితో కలిసిపోతారు. కరెక్ట్ టైమ్ లో నా దగ్గరకు వచ్చి కథ చెప్పారు. వెంటనే ఓకే చేశాను. మూవీ చాలా బాగా నచ్చింది నాకు. జిమ్ సర్బ్ తో కలిసి పనిచేయడం మంచి ఎక్స్పీరియన్స్. తెలుగు చాలా చక్కగా మాట్లాడారు. రష్మిక పవర్ హౌస్ ఆఫ్ టాలెంట్. ఆమె చేసిన మూవీలన్నీ బ్లాక్ బస్టర్ అవుతున్నాయి. ధనుష్ అద్భుతమైన నటుడు. ఈ మూవీలో చాలా బాగా నటించాడు. అతనిలో కలిసి పనిచేయడం సంతోషంగా ఉంది. మూవీని అందరూ కలిసి ఎంజాయ్ చేస్తారనే నమ్మకం ఉంది’ అంటూ చెప్పాడు.
హీరోయిన్ రష్మిక మాట్లాడుతూ.. ‘నేను చేసిన స్పెషల్ సినిమాల్లో ఇది కూడా ఒకటి. శేఖర్ గారితో పనిచేయడం చాలా మంచి అనుభవం నేర్పించింది. నా క్యారెక్టర్ అందరినీ మెస్మరైజ్ చేస్తుంది. నాకు పర్ఫార్మెన్స్ చేయడానికి మంచి పాత్ర దొరికింది. నాగార్జున సర్, ధనుష్ గారితో పనిచేయాలని ఎప్పటి నుంచో ఉండేది. ఇప్పుడు కుదిరింది. ఈ కుబేరలో చేసిన రోల్ ఎప్పటికీ ప్రేక్షకులకు గుర్తుండి పోతుంది’ అంటూ చెప్పారు.