మాస్ మహారాజా రవితేజ నటించిన లాస్ట్ నాలుగు సినిమాలు దారుణమైన డిజాస్టర్లుగా నిలిచిన సంగతి తెల్సిందే. ఎన్నో ఆశలు పెట్టుకున్న డిస్కో రాజా భారీ అంచనాల మధ్య విడుదలై ప్రేక్షకులను ఇంప్రెస్ చేయడంలో ఘోరంగా విఫలమైంది. దీంతో రవితేజ మార్కెట్ పూర్తిగా డౌన్ అయిపోయింది. అయితే రవితేజ మాత్రం సినిమాల విషయంలో ఎక్కడా స్పీడ్ తగ్గించట్లేదు. తన దూకుడును కొనసాగిస్తున్నాడు.
ఇటీవలే షూటింగ్ మొదలుపెట్టిన తన నెక్స్ట్ సినిమా క్రాక్ సినిమా టీజర్ మహాశివరాత్రి సందర్భంగా ఈరోజు విడుదలైంది. ఈ మధ్యనే షూటింగ్ మొదలుపెట్టిన సినిమాకు అప్పుడే టీజర్ వదలడం అంటే మాములు విషయం కాదు. క్రాక్ సినిమా నిజ జీవిత సంఘటనల ఆధారంగా తెరకెక్కిస్తున్న సంగతి ఇప్పటికే మేకర్స్ ప్రకటించిన విషయం తెల్సిందే. ఇందులో రవితేజ పోలీస్ ఆఫీసర్ పాత్రలో నటిస్తుండగా ఒంగోలులో సీరియల్ మర్డర్ ల బ్యాక్ డ్రాప్ లో సినిమాను తీస్తున్నట్లు అర్ధమవుతోంది.
క్రాక్ టీజర్ లో రవితేజ ఆకట్టుకుంటాడు. అతని లుక్ కానీ, డైలాగ్ డెలివరీ కానీ ఇంప్రెస్ చేస్తాయి. అలాగే టీజర్ లో చాలా కాన్ఫిడెంట్ గా కనిపించాడు. సముద్రఖని ఈ సినిమాలో విలన్ పాత్ర పోషిస్తున్నాడు. వరలక్ష్మి శరత్ కుమార్ కీలక పాత్ర పోషిస్తోంది. శృతి హాసన్ కథానాయిక. టీజర్ లో సినిమాటోగ్రాఫి మెయిన్ హైలైట్ గా కనిపిస్తోంది. అలాగే ఎస్ ఎస్ థమన్ బ్యాక్ గ్రౌండ్ మ్యూజిక్ కూడా ఆకట్టుకుంటుంది. గోపీచంద్ మలినేని దర్శకత్వం వహిస్తున్న ఈ సినిమాను ఠాగూర్ మధు నిర్మిస్తున్నాడు. మే 8న ఈ చిత్రం విడుదల. కాబోతోంది మరి ఈ సినిమాతోనైనా రవితేజ కంబ్యాక్ ఇస్తాడేమో చూడాలి.
28327 506111This internet web site is my aspiration, quite outstanding design and Perfect articles. 496047