టీడీపీ సీనియర్ నేత, మాజీ మంత్రి, 13 జిల్లాల ఆంధ్రప్రదేశ్ తొలి అసెంబ్లీ స్పీకర్, దివంగత కోడెల శివప్రసాద్ జయంతి నేడు. ఈ నేపథ్యంలో తెలుగుదేశం పార్టీ శ్రేణులు ఆయనకు ఘన నివాళి అర్పించాయి. ఆయన సేవల్ని గుర్తు చేసుకున్నాయి. ఇదిలా వుంటే, కోడెల శివప్రసాద్ బలవన్మరణానికి పాల్పడి నెలలు గడుస్తున్నా ఇప్పటికీ, ఆయన ఎందుకు ఆత్మహత్య చేసుకున్నారో ఇప్పటికీ వెల్లడి కాలేదు. కోడెల శివప్రసాద్ మీద ‘దొంగ’ అనే ముద్ర వేసింది వైఎస్ జగన్ మోహన్రెడ్డి ప్రభుత్వం. ఉమ్మడి ఆంధ్రప్రదేశ్ విడిపోయాక, ఆంధ్రప్రదేశ్ అసెంబ్లీ సమావేశాలు కొన్నాళ్ళు హైద్రాబాద్లోనే జరిగాయి. ఆ తర్వాత అమరావతికి అసెంబ్లీ తరలి వెళ్ళే క్రమంలో అసెంబ్లీ ఫర్నిచర్ కొంత, అప్పటి స్పీకర్ కోడెల శివప్రసాద్ ఇంటికి వెళ్ళడమే వివాదానికి కారణం.
అది అప్పటి తన క్యాంప్ ఆఫీస్కి వెళ్ళింది తప్ప, ఇంటికి కాదంటూ వాదించారు కోడెల శివప్రసాద్. ఫర్నిచర్ని తీసుకెళ్ళాల్సిందిగా ప్రభుత్వానికి లేఖ రాసినా పట్టించుకోలేదని వాపోయారాయన. ఫర్నిచర్ వద్దనుకుంటే, దానికి సంబంధించిన మొత్తాన్ని చెల్లిస్తానని కూడా అన్నారు. అయినాగానీ వివాదం చల్లారలేదు. మరోపక్క, సొంత పార్టీలో కోడెల పట్ల వ్యతిరేకత పెరిగింది. నిజానికి, ఎన్నికలకు ముందే టీడీపీలో కోడెల వ్యతిరేక వర్గం తన సత్తా చాటింది. ఈ క్రమంలోనే ఆయనకు టిక్కెట్ ఇవ్వడానికీ తొలుత టీడీపీ అధినేత చంద్రబాబు నిరాకరించారు. కుటుంబ సభ్యులు, కోడెల పేరు చెప్పి అడ్డగోలు వసూళ్ళకు పాల్పడ్డారనే విమర్శల సంగతి సరే సరి. ఇలా కోడెలపై ముప్పేటదాడి జరిగిన మాట వాస్తవం. సొంత పార్టీ నుంచీ, రాజకీయ ప్రత్యర్థుల నుంచీ వెల్లువెత్తిన సవాళ్ళను ఆయన అధిగమించలేకపోయారు. కోడెల మరణం తర్వాత, ఆయన చుట్టూ టీడీపీ ఎంత రాజకీయం చేసిందో, చేస్తోందో చూస్తున్నాం.
ఈ పాపంలో వైసీపీకి కూడా ఎంతో కొంత భాగం వుందన్నది నిర్వివాదాంశం. ‘దొంగ.. దొంగ..’ అంటూ వైసీపీ నేతలు, కోడెలపై చేసిన విమర్శలు ఆయన్ని మానసికంగా కుంగదీశాయి. తన, పర.. అన్న తేడా లేకుండా అందరూ తనను దోషిని చేయడాన్ని కోడెల జీర్ణించుకోలేకపోయారు. అలా ఆయన బలవన్మరణానికి పాల్పడ్డారు. అయితే, స్వతహాగా ‘మొండిఘటం’ అయిన కోడెల ఎందుకు ఆత్మహత్య చేసుకున్నారన్నది ఇప్పటికీ మిస్టరీనే.
504408 484359Some genuinely nice and utilitarian information on this site, as effectively I believe the style has got excellent functions. 105721
152995 833029Some really nice and utilitarian details on this web website , also I believe the style and style holds very good functions. 921542