ఫేక్ న్యూస్ని చంపేయాల్సిందే.. వేరే మార్గమే లేదు. ఎందుకంటే, కరోనా వైరస్ కంటే ప్రమాదకరమీ ఫేక్ న్యూస్. ఈ విషయాన్నే రౌడీ హీరో విజయ్ దేవరకొండ తనదైన స్టయిల్లో చెప్పాడు. ఓ మూడు నాలుగు వెబ్సైట్లు, పనిగట్టుకుని తనపై దుష్ప్రచారానికి దిగాయంటూ, అందునా ఓ వెబ్సైట్ గురించి సవివరంగా పేర్కొంటూ ఓ వీడియో విడుదల చేశాడు రౌడీ హీరో.
‘ఈ తరహా చిల్లర రాతల గురించి మాట్లాడటం టైమ్ వేస్ట్. కానీ, తప్పుడు వార్తలతో తప్పుడు సంకేతాలు వెళతాయి. అందుకే స్పందించాల్సి వచ్చింది. డొనేషన్స్ ఇవ్వాలా.? వద్దా.? అన్నది నా ఇష్టం. నేను ఎప్పుడు చేయాలి.? ఎలా చెయ్యాలి.? అన్నది నాకు తెలుసు..’ అంటూ విజయ్ దేవరకొండ తీవ్రస్థాయిలో సదరు వెబ్సైట్పై విరుచుకుపడ్డాడు.
‘మా సినిమా ఇండస్ట్రీ మీద పడి మీరు బతుకుతున్నారు. మా మీద తప్పుడు వార్తలు రాస్తారు. మళ్ళీ మా సినిమాలకు సంబంధించిన ప్రకటనల ద్వారా వచ్చే ఆదాయంతో బతుకుతారు. మా వ్యక్తిగత జీవితాల్లోకి తొంగి చూసి, అడ్డమైన రాతలూ రాస్తారు..’ అని గట్టిగానే ఓ వెబ్సైట్పై విరుచుకుపడ్డాడు విజయ్ దేవరకొండ.
విజయ్ ఇలా స్పందించడానికి బలమైన కారణమే వుంది. ‘ది దేవరకొండ ఫౌండేషన్’ పేరుతో, విజయ్ దేవరకొండ టీమ్ , కుటుంబానికి వెయ్యి రూపాయల చొప్పున వీలైనంత ఎక్కువమందికి సాయం చేసేందుకు ముందుకొచ్చింది కరోనా వైరస్ నేపథ్యంలో. ఆ దిశగా అత్యంత సమర్థవంతంగా దేవరకొండ టీమ్ పనిచేస్తోంది కూడా.
అయితే, ‘ఒక సిటీలో కొంత భాగం చేస్తే సరిపోతుంది.. రెండు రాష్ట్రాల్లోనూ ఎందుకు చేయడం.? పబ్లిసిటీ కోసమా.?’ అని సదరు వెబ్సైట్ అమాయకంగా ప్రశ్నించింది. ‘ఈ సందర్భంలో నా తాహతుకు మించి సాయం చేయడానికి నేను సిద్ధం. నేను చేస్తున్నదీ అదే. ఈ క్రమంలో సాటి మిడిల్ క్లాస్ ఫ్యామిలీస్ కూడా ఎంతో కొంత సాయం చేయడానికి ముందుకొస్తున్నాయి. 2 వేల మందికి కాదు, 2 వేల కుటుంబాలు లక్ష్యంగా పెట్టుకున్నాం. అంతకు మించి చేయడానికి ప్రణాళికలు రచించుకుంటున్నాం.. మీరు వేస్తున్న చిల్లర వేషాల వల్ల, కొందరికైనా అనుమానాలు కలిగితే, కొన్ని కుటుంబాలైనా సాయానికి దూరమవుతాయి. అదీ నా ఆవేదన’ అని అన్నాడు విజయ్.
కరోనా క్రైసిస్ నేపథ్యంలో తెలుగు సినీ పరిశ్రమ ఓ ఫండ్ ఏర్పాటు చేసింది.. కరోనా క్రైసిస్ ఛారిటీ పేరుతో, సినీ కార్మికులకు నిత్యావసర వస్తువులను అందిస్తున్నారు. మెగాస్టార్ చిరంజీవి నేతృత్వంలో నడుస్తోందిది. ఈ విషయాన్నీ విజయ్ ప్రస్తావిస్తూ, ‘నేను టాలీవుడ్కి సమాంతరంగా ఇంకో వ్యవస్థను నడుపుతున్నానంటూ తప్పుడు వార్తలు ఆ వెబ్సైట్ ప్రచారంలోకి తెచ్చింది. కానీ, తెలుగు సినీ పరిశ్రమలో నేనూ ఓ భాగం. మా చిరంజీవిగారు స్థాపించారు కరోనా క్రైసిస్ ఛారిటీ. మేం కూడా దాన్ని స్పూర్తిగా తీసుకున్నాం..’ అని విజయ్ వివరించాడు.
దాదాపు 20 నిమిషాల నిడివిగల వీడియోలో, విజయ్ ప్రస్తుత వెబ్ మీడియా పోకడలపై విమర్శలు చేస్తూనే, ‘జెన్యూన్గా చాలా వెబ్సైట్లు పనిచేస్తున్నాయి. అందులో చాలామంది పనిచేస్తున్నారు. వారందరికీ క్షమాపణ చెబుతున్నాను.. వారెవర్నీ కించపర్చే ఉద్దేశ్యం నాకు లేదు..’ అని విజయ్ పేర్కొనడం గమనార్హం.
‘రివ్యూల పేరుతో బ్లాక్మెయిల్కి పాల్పడుతున్నారు. ఆ ముగ్గురు నలుగురు కలిసి సిండికేట్గా మారి, సినిమాల్ని చంపేస్తున్నారు..’ అని విజయ్ దేవరకొండ సంచలన ఆరోపణలు చేశాడు. విజయ్ దేవరకొండని ‘రౌడీ’గా అభివర్ణిస్తారు ఆయన అభిమానులు.. ఇక్కడ రౌడీ.. అంటే, అందులో రౌడీయిజం వేరు. అది అతని ఆటిట్యూడ్.. ముక్కుసూటితనం. కిల్ ఫేక్ న్యూస్ విషయంలో విజయ్ దేవరకొండ ‘రౌడీ’యిజానికి హేట్సాఫ్ చెప్పాల్సిందే.
అదే సమయంలో, విజయ్ దేవరకొండ తలపెట్టిన మహాయజ్నం ‘మిడిల్ క్లాస్ ఫండ్’ మరింత ఎక్కువమందికి ఉపశమనం అందించాలని ఆశిద్దాం.
823982 856030I conceive this web site has really wonderful indited content material posts . 191400
410806 153567Where else may just anyone get that kind of info in such an ideal way of writing? 10485
378307 958833Good job on this write-up! I truly like how you presented your facts and how you produced it intriguing and simple to realize. Thank you. 794733
159789 176706Locating the right Immigration Solicitor […]below youll discover the link to some sites that we feel you should visit[…] 524721