కూతురికోసం కేసీఆర్ నయా ప్లాన్..

ప్రాంతీయ పార్టీల్లో వారసత్వ రాజకీయాలు సహజం. పార్టీలో సొంత వ్యక్తులను నియమించుకోవడానికి ఎక్కువగా ఆసక్తి చూపిస్తుంటారు. ఒకపార్టీ రాష్ట్రంలో పాతుకుపోయింది అంటే మరో పార్టీ ఎదగడం చాలా కష్టం. దానికి ఉదాహరణ తెలుగుదేశం పార్టీ. 1982 నుంచి 2019 వరకు ఆ పార్టీ తన ప్రభావాన్ని చూపించింది. 2019 ఎన్నికల్లో ఓటమిపాలైన వచ్చే ఎన్నికల నాటికి పుంజుకుంటుందని అనుకోవచ్చు. తెలుగుదేశం పార్టీ ఎలాంటి ప్రభావం చూపిందో ఇప్పుడు తెలంగాణలో తెరాస పార్టీ కూడా అటువంటి ప్రభావాన్ని చూపుతున్నది.

2014లో తెరాస పార్టీ మొదటిసారి తెలంగాణలో అధికారంలోకి వచ్చింది. అధికారంలోకి వచ్చిన తరువాత రాష్ట్రంలో ప్రతి ప్రాంతంలో విస్తరించడం మొదలుపెట్టింది. అన్ని రకాల ఎన్నికల్లో విజయం సాధించడం మొదలుపెట్టిన తెరాస పార్టీకి ఇప్పుడు ఎదురులేకుండా పోయింది. ఎన్నికలు ఏవైనా సరే విజయం తెరాస పార్టీదే. ఇప్పటికే కేసీఆర్ కుటుంబం నుంచి ముగ్గురు రాజకీయాల్లో చురుగ్గా ఉన్నారు. కేసీఆర్ ముఖ్యమంత్రి కాగా, కేటీఆర్, హరీష్ రావులు మంత్రులుగా ఉన్నారు.

2014 ఎన్నికల్లో తెరాస పార్టీ నుంచి నిజామాబాద్ పార్లమెంట్ నియోజక వర్గం నుంచి పోటీ చేసి విజయం సాధించింది. కానీ, 2019 ఎన్నికల్లోకి వచ్చే సరికి ఆమె ఓటమిపాలైంది. అప్పటి నుంచి క్రియాశీల రాజకీయాలకు దూరంగా ఉంటూ వస్తున్నది కవిత. కవితను రాజ్యసభకు పంపించాలని చూస్తున్నా, అందుకు కేసీఆర్ ఒప్పుకోవడం లేదని తెలుస్తోంది. ఎందుకంటే రాజ్యసభకు పంపడం వలన పెద్దగా ఉపయోగం ఉండదు. అందుకే రాజ్యసభకు కాకుండా ఈ ఏడాది చివర్లో ఆమెను రాష్ట్రరాజకీయాల్లోకి తీసుకొచ్చి మంత్రి పదవి ఇస్తారని అంటున్నారు.

ఈ ఏడాది చివరి వరకు కేటీఆర్ ను ముఖ్యమంత్రిగా చేసేందుకు ఏర్పాట్లు జరుగుతున్నాయి. కేటీఆర్ ముఖ్యమంత్రి అయితే, కవితను ఆ మంత్రి వర్గంలో కీలకమైన పదవిని అప్పగిస్తారని తెలుస్తోంది. ప్రస్తుతం దీనికి సంబంధించిన వార్తలు సోషల్ మీడియాలో ట్రెండ్ అవుతున్నాయి.