తమిళంతో పాటు తెలుగులోనూ సూపర్ క్రేజ్ అండ్ స్టార్డం ఉన్న హీరో కార్తీ. ఖైదీ సినిమాతో తెలుగులో తన మార్కెట్ సత్తా ఎంతో చూపించిన కార్తీ చేసిన మరో యాక్షన్ ఫామిలీ ఎంటర్టైనర్ ‘సుల్తాన్’. గోల్డెన్ బ్యూటీ రష్మిక మందన్న హీరోయిన్ గా నటించిన ఈ సినిమాకి ‘రెమో’ ఫేమ్ భాఖ్యరాజ్ డైరెక్టర్. ట్రైలర్ తో ఆసక్తిని పెంచేసిన ‘సుల్తాన్’ సినిమా ఎలా ఉందొ ఇప్పుడు చూద్దాం.
కథ:
రోబోటిక్ ఇంజనీరింగ్ లో తన స్టడీస్ పూర్తి చేసుకున్న సుల్తాన్(కార్తీ) తన ఊరెళ్ళి, తన ఫాదర్(నెపోలియన్) కి చెప్పి జపాన్ వెళ్లి సొంత కంపెనీ పెట్టాలనుకుంటాడు. కార్తీ ఫాదర్ అవసరాన్ని బట్టి కొన్ని డీలింగ్స్ చేస్తుంటాడు. అందుకోసం తన దగ్గర 94 మందితో ఓకే సైన్యం ఉంటుంది. సుల్తాన్ అంటే వాళ్లందరికీ చాలా ఇష్టం మరియు గౌరవం. సుల్తాన్ సరదాగా కొద్ది రోజులు ఇంట్లో ఉండి వెళదాం అని వచ్చిన టైంలో తండ్రి చనిపోవడంతో తన ముందు రెండు టార్గెట్స్ ఉంటాయి. అందులో మొదటిది ఆ 94 మందికి ఏమీ జరగనివ్వనని సుల్తాన్ తండ్రికి మాట ఇవ్వడం, మరొకటి అమరావతి ప్రజలని పట్టి పీడిస్తున్న సేతుపతి(రామచంద్ర రాజు) నుంచి వ్యవసాయ భూముల్ని తిరిగి ప్రజలకి ఇప్పిస్తానని సుల్తాన్ తండ్రి మాటివ్వడం. ఈ రెండు పనులను నిర్వర్తించడం కోసం సుల్తాన్ చేసిన పనులేమిటి? ఎలాంటి అవరోధాల్ని ఎదుర్కున్నాడు? చివరికి తండ్రి ఇచ్చిన మాటని నిలబెట్టాడా లేదా? అన్నదే కథ.
తెరమీద స్టార్స్..
కార్తీ మరోసారి తన ఎనర్జిటిక్ పెర్ఫార్మన్స్ తో సుల్తాన్ పాత్రలో సూపర్బ్ నటనని కనబరిచాడు. కార్తీ ప్రీ రిలీజ్ ఈవెంట్ లో చెప్పినట్టు, కామెడీ, రొమాన్స్, ఎమోషనల్ సీన్స్ మరియు అదిరిపోయే యాక్షన్ ఇలా అన్ని ఎమోషన్స్ ని అద్భుతంగా పలికించాడు. స్పెషల్ గా ఇంటర్వల్ మరియు సెకండాఫ్ లో కనిపించే యాక్షన్ అవతార్ మాస్ ఆడియన్స్ చేత ఈలలు వేయిస్తుంది. రష్మిక మందన్న పల్లెటూరి అమ్మాయిగా, మాస్ లుక్స్, యాటిట్యూడ్ ఉన్న పాత్రలో యువతని ఆకట్టుకుంటుంది. కార్తీ – రష్మిక లవ్ ట్రాక్ కి యువత కచ్చితంగా బాగా కనెక్ట్ అవుతారు. ముఖ్య పాత్రలు చేసిన నెపోలియన్, లాల్ లు తమ నటనతో సినిమాకి బలాన్ని చేకూర్చారు. రామచంద్ర రాజు మరోసారి నెగటివ్ షేడ్స్ లో హీరోకి టఫ్ కాంపిటీషన్ ఇచ్చాడు.
తెర వెనుక టాలెంట్..
ఒకవేళ భారతంలో కౌరవుల వైపు న్యాయం ఉండి, కృష్ణుడు కౌరవుల పక్షాన నిలిస్తే ఎలా ఉంటుంది అనే ఆలోచనతో తీసుకున్న ఈ మూవీ స్టోరీ పాయింట్ సూపర్బ్ గా అనిపిస్తుంది. కానీ ఏపూర్తి కథగా తీసుకున్నప్పుడు మన రెగ్యులర్ మాస్ మసాలా ఫిలిమ్స్ లానే అనిపిస్తుంది. రెగ్యులర్ సినిమా అయినా కమర్షియల్ అంశాలు, మాస్ ఆడియన్స్ ఈలలు కొట్టే సీన్స్ పడితే సినిమా నచ్చేస్తుంది. ఆ విషయంలో డైరెక్టర్ సక్సెస్ అయ్యాడు. కథనం ఊహాజనితంగా అనిపిస్తున్నా, కాస్త డల్ అవుతున్న ప్రతిసారి ఏదో ఒక మోమెంట్ తో హై ఫీలింగ్ ఇస్తుంటారు. దాంతో ఆడియన్స్ కనెక్ట్ అవుతుంటారు. డైరెక్టర్ గా ఓ పక్కా మాస్ ఎంటర్టైనర్ ప్రేక్షకులకి చూపించడంలో సక్సెస్ అయ్యాడు. కానీ కథ ఇంకాస్త బెటర్ గా రాసుకుంటే నెక్స్ట్ లెవల్ సినిమా తీయగలడు.
సత్యన్ సూర్యన్ విజువల్స్ సింప్లీ సూపర్బ్ అని చెప్పాలి. ఫ్రేమ్ లో అంతమంది ఆర్టిస్టులని ఒకేసారి చూపించడంలో, సినిమా మూడ్ ని విజువల్స్ లో చూపించడంలో ది బెస్ట్ అనిపించుకున్నాడు. వివేక్ – మర్విన్ పాటలు తెలుగు డబ్ అవ్వడం వలన పెద్దగా చెప్పుకునే స్థాయిలో అయితే లేవు. కానీ యువన్ శంకర్ రాజా బ్యాక్ గ్రౌండ్ మ్యూజిక్ మాత్రం నెక్స్ట్ లెవల్ అని చెప్పాలి. రూబెన్ ఎడిటింగ్ ఓకే ఓకే అనిపిస్తుంది. ఆర్ట్ వర్క్ కూడా బాగుంది. డ్రీమ్ వారియర్ పిక్చర్స్ నిర్మాణ విలువలు ఫెంటాస్టిక్ అని చెప్పచ్చు.
విజిల్ మోమెంట్స్:
– ఫస్ట్ హాఫ్
– యాక్షన్ ఎపిసోడ్స్
– ఇంటర్వెల్ బ్లాక్
– కార్తీ అండ్ గ్యాంగ్ మధ్య జరిగే ఎమోషనల్ సీన్స్
– విజువల్స్ అండ్ నేపధ్య సంగీతం
బోరింగ్ మోమెంట్స్:
– స్ట్రాంగ్ కథ లేకపోవడం
– రెగ్యులర్ అనిపించే సెకండాఫ్
– బలంగా లేని విలనిజం
– బెటర్ గా ఉండాల్సిన లవ్ స్టోరీ
విశ్లేషణ:
కార్తీ అండ్ టీం మొదటి నుంచీ చెప్పినట్టు ‘సుల్తాన్’ ఒక మాస్ మసాలా మూవీ. వాళ్ళు ఎవరినైతే టార్గెట్ చేసి తీశారో వాళ్ళకి మాస్ సినిమా బాగా నచ్చుతుంది. రొటీన్ కథ, ఊహాజనిత కథనం ఉన్నా ఆడియన్స్ కి కావాల్సిన హై మోమెంట్స్ మరియు యాక్షన్ ఎపిసోడ్స్ ఆకట్టుకోవడంతో హ్యాపీగా సినిమా ఒకసారి చూడచ్చు అనే ఫీలింగ్ కలుగుతుంది. కార్తీ అభిమానులతో పాటు మాస్ కి నచ్చే సినిమా ‘సుల్తాన్’ .
చూడాలా? వద్దా?: మాస్ మసాలా మూవీ చూడాలనుకునే వారు హ్యాపీగా చూడచ్చు.
తెలుగుబులెటిన్.కామ్ రేటింగ్ : 2.75/5
772221 422372Billiard is really a game which is mostly played by the high class men and women 259147
616969 84819when i was a kid, i enjoy to receive an assortment of birthday presents like teddy bears and mechanical toys, 253691
305013 176549You created various great points there. I did a search on the topic and found most people will have the same opinion together with your blog. 661369
24225 371239Whoah this blog is magnificent i actually like reading your articles. Keep up the excellent paintings! You realize, lots of persons are searching round for this info, you could aid them greatly. 123631