“కామ అండ్ ది డిజిటల్ సూత్రాస్” సినిమా ట్రైలర్ హైదరాబాద్ ఫిల్మ్ చాంబర్లో విడుదలైంది. సుమలీల సినిమా బ్యానర్పై ఎన్ హెచ్ ప్రసాద్ నిర్మిస్తూ, స్వయంగా దర్శకత్వం వహించిన ఈ చిత్రం డిసెంబర్ 12న శ్రీ లక్ష్మి పిక్చర్స్ ద్వారా గ్రాండ్ థియేట్రికల్ రిలీజ్ కానుంది. కమర్షియల్ ఎలిమెంట్స్తో పాటు మానవ సంబంధాలు, సోషల్ ఇష్యూస్, ఆధునిక సమాజంలో చోటుచేసుకుంటున్న వాస్తవ సంఘటనలతో కూడిన ఈ మూవీపై ఇప్పటికే మంచి ఆసక్తి నెలకొంది.
ట్రైలర్ లాంచ్ ఈవెంట్లో మాట్లాడిన డీవోపీ శివశంకర వరప్రసాద్ ఈ చిత్రంపై పనిచేయడం తనకు మంచి అనుభవమని చెప్పారు. తక్కువ రిసోర్సెస్తోనూ విజువల్లీ క్వాలిటీ తగ్గకుండా సినిమా తీశామని పేర్కొన్నారు. నటుడు దినేష్ ఈ సినిమా తనకు నటుడిగా మరింత గుర్తింపు తెస్తుందనే నమ్మకాన్ని వ్యక్తపరిచారు. దర్శకుడిగా ప్రసాద్తో ఇది తన రెండో చిత్రమైతే, కథలో తన పాత్ర చాలా ఇంపార్టెంట్గా నిలుస్తుందని అన్నారు.
నటి చంద్రకళా చిత్రం స్క్రిప్ట్ చదివినప్పుడు తాను చేయగలనో లేదో అనిపించినా, సినీ ప్యాషన్ కారణంగా ఛాలెంజ్గా స్వీకరించి నటించానని తెలిపారు. ఈ సినిమాలో మనందరం రోజూ చూస్తున్న సోషల్ సమస్యలు, అలాగే ప్రేక్షకులు థియేటర్లో కోరుకునే ఎంటర్టైన్మెంట్ రెండూ ఉన్నాయని చెప్పారు. నటుడు జోగారావు చిన్న సినిమాలు విజయం సాధిస్తేనే కొత్త నటీనటులు, టెక్నీషియన్స్కు అవకాశాలు వస్తాయని, ఈ సినిమాకు కూడా మంచి గుర్తింపు వస్తుందనే ఆశాభావం వ్యక్తం చేశారు. బుగత సత్యనారాయణ నేటి సమాజంలో జరిగే సంఘటనలను నిజ జీవితానికి దగ్గరగా ఈ చిత్రం చూపిస్తోందని, చిన్న సినిమాలు వరుసగా సక్సెస్ అవుతున్న తరుణంలో ఈ మూవీ కూడా ప్రేక్షకుల ఆదరణ పొందుతుందన్నారు.
దర్శక-నిర్మాత ఎన్ హెచ్ ప్రసాద్ మాట్లాడుతూ సినిమాను శృంగారం, మానవ కోరికలు వంటి ఇతివృత్తాలపై ఆధారంగా రూపొందించినా ఎక్కడా అసభ్యత లేకుండా క్లాసీగా తీసినట్టు తెలిపారు. చిన్న సినిమాలకు సెన్సార్లో ఎదురయ్యే అసమానతలను ప్రస్తావిస్తూ, తాను సినిమాను పొయెటిక్ టచ్తో రూపొందించానని చెప్పారు. కాళిదాసు ‘మేఘదూతం’, జయదేవుడి ‘గీత గోవిందం’ వంటి సాహిత్య రచనల నుంచి కొన్ని భాగాలు చిత్రంలో ఉపయోగించామని వివరించారు. బడ్జెట్ చిన్నదైనా, కంటెంట్ మరియు క్వాలిటీ విషయంలో మాత్రం ప్రేక్షకుల ప్రశంసలు తప్పకుండా వస్తాయని పేర్కొన్నారు.
డిస్ట్రిబ్యూటర్ బాపిరాజు మాట్లాడుతూ సమాజంలో బయట ఉన్న మృగాళ్లను శిక్షిస్తున్నా, ఇంట్లో ఉన్న వాటిని గుర్తించలేకపోతున్నాం అనే ఆలోచన చుట్టూ ఈ సినిమా బలమైన సందేశాన్ని ఇస్తుందని అన్నారు. డిసెంబర్ 12న థియేట్రికల్ రిలీజ్ను విస్తృతంగా ప్లాన్ చేస్తున్నామని, సినిమా ఎక్కువ మంది ప్రేక్షకులకు చేరేలా చర్యలు తీసుకుంటున్నామని వెల్లడించారు.
సోషల్ థీమ్, కమర్షియల్ ఎంటర్టైన్మెంట్, పొయెటిక్ ప్రెజెంటేషన్— కలిపి రూపొందిన “కామ అండ్ ది డిజిటల్ సూత్రాస్” డిసెంబర్ 12న థియేటర్లలో ప్రేక్షకుల ముందుకు రానుంది.