మెగాస్టార్ చిరంజీవి హీరోగా నటిస్తున్న భారీ బడ్జెట్ చిత్రం సైరా వచ్చే నెల 2న విడుదల కానుంది. లేటెస్ట్ గా సెన్సార్ కార్యక్రమాలు పూర్తీ చేసుకున్న ఈ సినిమా యూ /ఏ సర్టిఫికెట్ పొందింది. ఉయ్యాలవాడ నరసింహ రెడ్డి కథతో తెరకెక్కిన ఈ సినిమా పై ఇప్పటికే భారీ అంచనాలు నెలకొన్నాయి. ఈ సినిమా తరువాత మెగాస్టార్ తదుపరి చిత్రాన్ని కొరటాల శివతో చేయడానికి సిద్దమయిన సంగతి తెలిసిందే.
ఇప్పటికే స్క్రిప్ట్ తో పాటు ప్రీ ప్రొడక్షన్ పనులు పూర్తీ చేసిన కొరటాల శివ ఈ సినిమాను దసరా రోజున పూజ కార్యక్రమాలతో ప్రారంభించేందుకు రెడీ అయ్యాడు. రైతు నేపథ్యంలో తెరకెక్కే కథ ఇదని తెలిసింది. అయితే ఈ సినిమాలో మెగాస్టార్ సరసన హీరోయిన్ ఎవరన్న విషయం పై ఇప్పటికే సర్వత్రా ఆసక్తి నెలకొంది. ఇప్పటికే దర్శకుడు కొరటాల శివ పలువురు హీరోయిన్స్ ని పరిశీలించారు .. అందులో నయనతార, తమన్నా, కాజల్ ల పేర్ల తో పాటు అటు బాలీవుడ్ హీరోయిన్స్ ఐశ్వర్య రాయ్, సోనాక్షి సిన్హా ల పేర్లు వినిపించాయి.
ఎక్కువగా నయనతార మరోసారి మెగాస్టార్ తో జోడి కడుతుందని వార్తలు వచ్చాయి. ఇప్పటికే ఆమె చిరంజీవితో కలిసి సైరా లో నటించింది. తాజా సమాచారం ప్రకారం ఈ సినిమాలో హీరోయిన్ ని ఫైనల్ చేశారట ? ఇంతకీ ఎవరా హీరోయిన్ ఏమా కథ అంటే ? ఆ హీరోయిన్ ఎవరో కాదు టాలీవుడ్ చందమామ కాజల్ ? ఇదివరకే మెగాస్టార్ రీ ఎంట్రీ మూవీ ఖైదీ నంబర్ 150లో మెగాస్టార్ తో జోడి కట్టిన కాజల్ ఇప్పుడు మరోసారి మెగాస్టార్ సరసన హీరోయిన్ గా ఎంపిక చేశారట. హీరోయిన్ విషయంలో అటు తిప్పి .. ఇటు తిప్పి .. బంతి మళ్ళీ కాజల్ భరీలోనే పడింది. సో త్వరలోనే ఈ సినిమాకు సంబందించిన అధికారిక ప్రకటన రానుంది.