జూనియర్ ఎన్టీఆర్- హృతిక్ రోషన్ కలిసి నటించిన వార్2 టీజర్ మే20న విడుదలైంది. ఎన్టీఆర్ బర్త్ డే కానుకగా వచ్చిన ఈ టీజర్ భారీ రెస్పాన్స్ దక్కించుకుంది. అయితే తాజాగా మూవీ టీజర్ కు వచ్చిన రెస్పాన్స్ పై జూనియర్ ఎన్టీఆర్ స్పందించారు. ‘వార్2 టీజర్ పై మీరు చూపించిన ప్రేమను చూస్తే చాలా సంతోషంగా అనిపించింది. ప్రజలు, అభిమానుల నుంచి ఇంత ప్రేమ, ప్రశంసలు చూస్తుంటే నటుడిగా నాకు సంతోషం కలుగుతోంది. ఇది నిజంగా ఒక వరంలాగే అనిపిస్తోంది. దేశ వ్యాప్తంగా ఈ మూవీకి మంచి రెస్పాన్స్ వస్తోంది. ఇంత గొప్ప అభిమానం దక్కినందుకు నేను అదృష్టవంతుడిని అనిపిస్తోంది.
YRF స్పై యూనివర్స్ చిత్రంలో నన్ను పూర్తిగా కొత్తగా చూపించారు. ఈ మూవీ షూటింగ్ జరిగినన్ని రోజులు చాలా సరదాగా అనిపించింది. మూవీ టీమ్ నుంచి అద్భుతమైన సపోర్ట్ దొరికింది. ఈ మూవీని చూసేందుకు మీరు ఎంతగా ఎదురు చూస్తున్నారో.. మీతో పాటు థియేటర్ లో చూసేందుకు నేను కూడా అంతే ఎదురు చూస్తున్నాను. థియేటర్ లో కూడా మీ నుంచి ఇలాంటి ప్రేమ దొరికితే ఇంకా ఎక్కువ సంతోషిస్తాను. ఈ మూవీ మీ అందరికీ కొత్త సినిమాటిక్ ఎక్స్ పీరియన్స్ ఇస్తుందనే నమ్మకం ఉంది. టీజర్ తోనే ఇంతటి రెస్పాన్స్ ఈ మూవీకి దక్కింది. మున్ముందు మరింతగా ప్రేక్షకులను ఎంగేజ్ చేస్తుందనే నమ్మకం ఉంది’ అంటూ తెలిపాడు ఎన్టీఆర్.