రాజకీయాల్లో విమర్శలు సహజం. ఈ మధ్య రాజకీయాల్లో బూతులు సర్వసాధారణమైపోయాయి. మంత్రి కొడాలి నాని, టీడీపీ అధినేత చంద్రబాబుని బూతులు తిడుతున్నారు.. అలాగని, టీడీపీ నేతలు.. వైసీపీ అధినేత వైఎస్ జగన్ మోహన్ రెడ్డి ఇంటి మీదకు దాడికి వెళ్ళారా.? ఇకపై వెళ్ళక తప్పదేమో.. అన్న చర్చ టీడీపీ వర్గాల్లో జరుగుతోంది.
ఎందుకంటే, టీడీపీ సీనియర్ నేత అయ్యన్నపాత్రుడు, వైసీపీ అధినేత వైఎస్ జగన్ మోహన్ రెడ్డి మీద అవాకులు చెవాకులు పేలారంటే, వైసీపీ ఎమ్మెల్యే జోగి రమేష్.. టీడీపీ అధినేత చంద్రబాబు ఇంటి వద్ద ధర్నాకి దిగారు. అసలు రాష్ట్రంలో కరోనా ఆంక్షలు వుంటే, వైసీపీ నేతలు ఎలా ఈ ఆందోళన కార్యక్రమాలు చేపట్టారట.?
నారా లోకేష్, గుంటూరు జిల్లా నర్సరావుపేట వెళ్ళేందుకు కొన్నాళ్ళ క్రితం సమాయత్తమైతే, ‘కోవిడ్ ఆంక్షల నేపథ్యంలో మీ పర్యటనకు అనుమతి లేదు..’ అంటూ లోకేష్కి తేల్చి చెప్పిన పోలీసులు, చిత్రంగా జోగి రమేష్.. ఏకంగా ప్రతిపక్ష నేత చంద్రబాబు ఇంటి ముందు ధర్నాకి దిగేంత వరకు సైలెంటుగా వున్నారు. దీన్నే టీడీపీ భాషలో అయితే, ‘రాజారెడ్డి రాజ్యాంగం’ అంటాన్నది తెలుగు తమ్ముళ్ళ వాదన.
చంద్రబాబు మీద హత్యాయత్నమంటూ జోగి రమేష్పై తీవ్రస్థాయిలో విమర్శలు చేస్తున్నారు తెలుగు తమ్ముళ్ళు. ఇరు పక్షాల మధ్య కాస్సేపు యుద్ధ వాతావరణం నెలకొంది. రాళ్ళ దాడి.. కర్రలతో దాడి.. అహో.. రణరంగమైపోయిందక్కడ. ఎలాగైతేనేం, పోలీసులు చివరికి పరిస్తితిని అదుపులోకి తెచ్చారు. అసలంటూ, ఈ పరిస్థితి రావడానికి కారణం పోలీసు వైఫల్యం. ఇందులో ఇంకో మాటకు తావు లేదు.
శాంతియుత ధర్నా చేయడానికి తాము వెళితే, టీడీపీ నేతలే దాడికి దిగారనీ, చంద్రబాబు కనుసన్నల్లోనే ఈ దాడి జరిగిందనీ జోగి రమేష్ గుస్సా అవుతున్నారు. చంద్రబాబుని అరెస్ట్ చేయాలన్నది జోగి రమేష్ డిమాండ్. మొత్తానికి, రాష్ట్రంలో అత్యద్భుతమైన పాలన నడుస్తోంది.
అధికార పార్టీ ఎమ్మెల్యే, ప్రతిపక్ష నేత ఇంటిపై దాడికి అనుచరులతో కలిసి వెళ్ళడమేంటి.? అన్న విమర్శ టీడీపీ నుంచి వినిపిస్తున్న దరిమిలా.. ఈ మొత్తం వ్యవహారంపై పోలీసు శాఖ ఎలా స్పందిస్తుంది.? ఇలాంటి ధర్నాల్ని విపక్షాలు కూడా, ముఖ్యమంత్రి ఇంటి వద్ద చేయడానికి ఏపీ పోలీస్ అనుమతిస్తుందా.? వేచి చూడాల్సిందే.
70600 394821I adore your wordpress web template, wherever would you download it from? 401429
615552 302055A persons Are usually Weight loss is undoubtedly a practical and flexible an eating plan method manufactured for those that suffer that want to weight loss and therefore ultimately conserve a much more culture. weight loss 483953