ఏంటి పుష్ప-2కు జాన్వీకపూర్ నో చెప్పిందా.. అంటే అవును నో చెప్పింది. దానికి కారణం కూడా జూనియర్ ఎన్టీఆర్ బ్లాక్ బస్టర్ మూవీ దేవర సినిమానే. వాస్తవానికి దేవర సినిమా మీద జాన్వీ ఎన్నో ఆశలు పెట్టుకుంది. దేవర మూవీతోనే ఆమె తొలిసారి సౌత్ ఇండియాలోకి ఎంట్రీ ఇచ్చింది. ఈ సినిమా తన కెరీర్ ను మార్చేస్తుందని.. తన తల్లి రాణించినట్టే తనకు కూడా రాణించేలా అవకాశాలు తెచ్చిపెడుతుందని ఆమె ఆశించింది. సినిమా అయితే పెద్ద హిట్ అయింది. కానీ ఇందులో జాన్వీ పాత్రకు పెద్దగా ఇంపార్టెన్స్ అయితే లేదు.
కేవలం పాటల కోసమే ఆమెను తీసుకున్నారా అనిపిస్తోంది. ఈ సినిమా రిజల్ట్ ను చూసిన తర్వాత ఆమె వద్దకు పుష్ప-2 మూవీ టీమ్ వెళ్లింది. ఎందుకంటే పుష్ప-2లో ఓ ఐటెం సాంగ్ కోసం ఆమెను సంప్రదించిందంట మూవీ టీమ్. కానీ జాన్వీ మాత్రం సున్నితంగా తిరస్కరించింది. ఎందుకంటే దేవర సినిమాలో తనను చూసినోళ్లకు ఆమెను కేవలం పాటల కోసమే తీసుకున్నారని అనిపించక మానదు. ఇక ఇప్పుడు పుష్ప-2లో కూడా ఐటెం సాంగ్ చేస్తే తాను కేవలం పాటలకు బ్రాండ్ అంబాసిడర్ అవుతాను తప్ప.. పాత్రలకు కాదనే భావన అందరిలో ఏర్పడుతుంది అనే భయంతో ఆమె ఈ ఆఫర్ ను వద్దని చెప్పింది.
అది తన అవకాశాల మీద దెబ్బ పడేలా చేస్తుందనే ఉద్దేశంతో జాన్వీ వద్దని చెప్పిందంట. పుష్ప-1లో సమంత ఐటెం సాంగ్ చేస్తే ఎంత పెద్ద హిట్ అయిందో చెప్పక్కర్లేదు. ఇప్పుడు పుష్ప-2లో కూడా ఐటెం సాంగ్ కోసం చాలామంది ఎదురు చూస్తున్నారు. ఈ సాంగ్ కోసం టీమ్ ఇప్పటికే త్రిప్తిని కూడా ఆలోచిస్తోంది. కానీ ఆమెకు డ్యాన్స్ అంతగా రాదని పక్కకు పెట్టిందంట. మరి ఎవరిని తీసుకుంటారనేది చూడాలి.