హాలీవుడ్ దర్శక దిగ్గజం జేమ్స్ కామెరూన్.. మన టాలీవుడ్ దర్శకధీరుడు రాజమౌళిని ప్రశంసిస్తూ ఓపెన్ ఆఫర్ ఇచ్చారు. భవిష్యత్తులో హాలీవుడ్ లో సినిమా తీసే ఉద్దేశం ఉంటే తనను కలవాలని.. కలిసి మాట్లాడుదాం అని అన్నారు. వీరిద్దరి మధ్య జరిగిన సంభాషణకు సంబంధించిన వీడియోను ఆర్ఆర్ఆర్ టీమ్ సోషల్ మీడియాలో షేర్ చేసింది. ఎన్నో అద్భుతమైన చిత్రాలు తెరకెక్కించిన జేమ్స్ కామెరూన్ ఓ భారతీయ దర్శకుడికి ఆఫర్ ఇవ్వడంతో.. ఇది భారతీయులకు గర్వకారణమని సినీ ప్రేక్షకులు, నెటిజన్లు సంతోషం వ్యక్తం చేస్తున్నారు.
ఇటివల వీరిద్దరూ అమెరికాలో జరిగిన ఓ కార్యక్రమంలో కలిసిన సంగతి తెలిసిందే. ఆర్ఆర్ఆర్ సినిమా తనకెంతో నచ్చిందని అన్నారు. కామెరూన్ ఈ సినిమాను రెండుసార్లు చూసినట్టు రాజమౌళితో కామెరూన్ సతీమణి సుజీ కామెరూన్ అన్నారు. ఆర్ఆర్ఆర్ గురించి వారు అంత వివరాణాత్మకంగా చెప్తుంటే రాజమౌళి ఎంతో ఆనందించారు. టెర్మినేటర్, టైటానిక్, అవతార్ సినిమాల నుంచి తానెంతో స్ఫూర్తి పొందినట్టు జేమ్స్ కామెరూన్ తో రాజమౌళి అన్నారు.
"If you ever wanna make a movie over here, let's talk"- #JamesCameron to #SSRajamouli. 🙏🏻🙏🏻
Here’s the longer version of the two legendary directors talking to each other. #RRRMovie pic.twitter.com/q0COMnyyg2
— RRR Movie (@RRRMovie) January 21, 2023