ఏపీలో రాష్ట్ర ఎన్నికల కమిషనర్ (ఎస్ఈసీ)కి, ప్రభుత్వ పెద్దలకు మధ్య ఎడతెగని పోరు జరుగుతున్న సంగతి తెలిసిందే. స్థానిక సంస్థల ఎన్నికలనే వాయిదా వేయడంతో మొదలైన ఈ రగడ.. అనంతరం ఎస్ఈసీ నిమ్మగడ్డ రమేశ్ కుమార్ కేంద్ర హోంశాఖకు లేఖ రాయడంతో మరింత ముదిరిపోయింది. తొలుత ఆ లేఖ ఎవరు రాసిందనే అంశంపై సందిగ్ధం రాగా.. ఎస్ఈసీ సైతం తాను ఈ లేఖ రాయలేదని చెప్పినట్టు వార్తలొచ్చాయి. కానీ కేంద్ర హోంశాఖకు ఆ లేఖ అందడం.. రమేశ్ కు భద్రత పెంచడం వంటివి జరిగాయి.
ఈ నేపథ్యంలో ఆ లేఖ మీడియాకు ఎలా లీకైందనే అంశంపై సర్కారు దర్యాప్తు జరిపిస్తోంది. మొత్తానికి ఎస్ఈసీ వల్ల తమకు ఇబ్బందులు తప్పవని భావిస్తున్న సర్కారు పెద్దలు.. ఆయనకు ఎలా చెక్ చెప్పాలనే అంశంపై మేధోమథనం జరిపారు. రూల్స్ పై అపార అవగాహన ఉన్న మాజీ సీఎస్ రమాకాంత్ రెడ్డి తో సీఎం జగన్ సంప్రదింపులు జరిపారు.
ఇంకా నిమ్మగడ్డ పదవీకాలం ఏడాది పైగా ఉన్న నేపథ్యంలో ఆయన్ను తొలగించే అవకాశాలను పరిశీలించినట్టు సమాచారం. అయితే, అంత సులభం కాదనే నిర్ణయానికి వచ్చినట్టు తెలుస్తోంది. హైకోర్టు జడ్జితో సమానమైన అవకాశాలు కలిగిన ఎస్ఈసీని అభిశంసించాలంటే అసెంబ్లీలో మూడింట రెండొంతుల మెజార్టీతో తీర్మానాన్ని ఆమోదించాల్సి ఉంటుంది. శాసనసభలో ఇది సులభంగానే ఆమోదం పొందే అవకాశం ఉన్నప్పటికీ, మండలి దగ్గరకు వచ్చేసరికి మళ్లీ మొదటికి వస్తుంది.
మండలి రద్దు అంశం పార్లమెంటులో పెండింగ్ లో ఉన్నందున అప్పటివరకు అది పనిచేస్తున్నట్టే లెక్క. అందువల్ల అభిశంసన అనేది ప్రస్తుతానికి కుదరకపోవచ్చు. ఈ నేపథ్యంలో మాజీ ఎన్నికల కమిషనర్ టీఎన్ శేషన్ విషయంలో మాజీ ప్రధాని పీవీ నరసింహారావు అనుసరించిన మార్గమే ఇప్పుడు కూడా సరైనదని సర్కారు పెద్దలు నిర్ణయానికి వచ్చినట్టు చెబుతున్నారు.
అప్పట్లో శేషన్ చాలా నిక్కచ్చిగా పనిచేశారు. తాను ఏది చెబితే అదే జరిగేది. ఇది పీవీకి తలనొప్పిగా మారింది. అయితే, ఆయన మైనార్టీ ప్రభుత్వం కావడంతో శేషన్ ను అభిశంసించడం వీలుపడలేదు. దీంతో శేషన్ అధికారాలకు కత్తెర వేయడం కోసం కేంద్ర ఎన్నికల సంఘంలో మరో ఇద్దరు కమిషనర్లను నియమించారు. ఇకపై ఎలాంటి నిర్ణయమైనా మెజార్టీ అభిప్రాయం మేరకే తీసుకోవాలని స్పష్టంచేయడంతో శేషన్ అధికారాలకు కత్తెర పడినట్టయింది.
ప్రస్తుతం ఏపీలో ఎస్ఈసీ రమేశ్ విషయంలో కూడా ఇలాగే ముందుకెళ్లాలని జగన్ యోచిస్తున్నట్టు తెలుస్తోంది. రాష్ట్ర ఎన్నికల సంఘంలో మరో ఇద్దరు కమిషనర్లను నియమించాలని భావిస్తున్నారు. అప్పుడు ముగ్గురిలో ఇద్దరు ఎటువైపు మొగ్గితే అదే నిర్ణయం అమలవుతుంది. దీంతో ప్రభుత్వం అనుకున్నదే చేసుకునే వీలుంటుంది. త్వరలోనే దీనికి సంబంధించిన కార్యాచరణ మొదలయ్యే అవకాశం ఉందని సమాచారం.
242160 997495camping have been the best activity that we can have during the summer, i love to roast marshmallows on a campfire` 664856
223404 278294Every e-mail you send should have your signature with the link to your internet web site or weblog. That normally brings in some visitors. 791953