ఆంధ్రప్రదేశ్ లో త్వరలో స్థానిక సమరానికి తెర లేవనుంది. జగన్ తొమ్మిది నెలల పాలనకు ఈ ఎన్నికలను రిఫరెండంగా భావిస్తున్నారు. మొన్నటి ఎన్నికల్లో ఘోర పరాజయం మూటగట్టుకున్న తెలుగుదేశం పార్టీ స్థానిక సంస్థల ఎన్నికల్లో సత్తా చాటడం ద్వారా పార్టీని బలోపేతం చేసుకోవాలనే తలంపుతో ఉంది. జనసేన సైతం క్షేత్రస్థాయిలో బలపడటానికి ఈ ఎన్నికలను వినియోగించుకోవాలని యోచిస్తోంది.
ఇలాంటి పరిస్థితుల నేపథ్యంలో స్థానిక ఎన్నికల్లో ఎట్టి పరిస్థితుల్లోనూ విజయం సాధించాలని అధికార వైఎస్సార్ సీపీ పావులు కదుపుతోంది. ఈ విషయంలో తెలంగాణ సీఎం కేసీఆర్ బాటలోనేనే ఏపీ సీఎం జగన్ పయనిస్తున్నారు. ఒక్క లోక్ సభ మినహా మిగిలిన అన్ని ఎన్నికల్లోనూ తిరుగులేని విజయం సాధించిన కేసీఆర్.. స్థానిక సంస్థల ఎన్నికల్లో అనుసరించిన విధానాన్నే తాను కూడా అవలంభించాలని జగన్ నిర్ణయించినట్టు తెలుస్తోంది. స్థానిక సంస్థల ఎన్నికల్లో విజయం సాధించే బాధ్యతను మంత్రులు, ఎమ్మెల్యేలకే కేసీఆర్ అప్పగించారు. ఎన్నికల్లో వారి పనితీరును బట్టే భవిష్యత్తులో పదవులు ఉంటాయని స్పష్టంచేశారు.
దీంతో వారంతా అత్యంత పకడ్బందీగా వ్యవహరించారు. మరోవైపు టీఆర్ఎస్ వర్కింగ్ ప్రెసిడెంట్ కేటీఆర్ సైతం ఎప్పటికప్పుడు పార్టీ నేతలతో సమావేశమవుతూ తగిన సూచనలు, సలహాలు ఇచ్చారు. దీంతో గులాబీ పార్టీ తిరుగులేని విజయం నమోదు చేసింది.
తాజాగా జగన్ సైతం స్థానిక సంస్థల ఎన్నికల బాధ్యతలను మంత్రులు, ఎమ్మెల్యేలకే అప్పగించారు. ఆ ఎన్నికల్లో విజయం సాధించే బాధ్యత వారిపైనే పెట్టారు. అభ్యర్థుల ఎంపిక దగ్గర నుంచి ఎన్నికల్లో విజయం సాధించే వరకు అన్ని అంశాలూ వారే చూసుకోవాలి. దీంతో అధికార పార్టీ నేతల్లో అప్పుడే టెన్షన్ మొదలైంది. అసలే మంత్రుల మెడపై రెండున్నరేళ్ల నిబంధన వేలాడుతోంది.
ఇప్పుడు మంత్రులుగా ఉన్నవారి పనితీరును రెండున్నరేళ్ల తర్వాత సమీక్షించి 70 నుంచి 80 శాతం మందిని మార్చి కొత్తవారికి అవకాశమిస్తానని జగన్ గతంలోనే ప్రకటించారు. ఈ నేపథ్యంలో స్థానిక సంస్థల ఎన్నికల ఫలితాలు పలువురు మంత్రుల భవితవ్యంపై ప్రభావం చూపించే అవకాశం ఉంది. దీంతో పలువురు అమాత్యులు అప్పుడే రంగంలోకి దిగిపోయి గెలుపు గుర్రాల కోసం అన్వేషిస్తున్నారు.
మరోవైపు ఎమ్మెల్యేలు సైతం తమకు అప్పగించిన బాధ్యతలను విజయవంతంగా నెరవేర్చడం ద్వారా మంత్రి పదవి రేసులో ఉండాలని యోచిస్తున్నారు. మొత్తానికి కేసీఆర్ ఫార్ములా ఏపీలో బాగానే వర్కవుట్ అయ్యేలా కనిపిస్తోంది.
768281 748085The planet are truly secret by having temperate garden which are usually beautiful, rrncluding a jungle that is surely certainly profligate featuring so a lot of systems by way of example the game courses, golf method and in addition private pools. Hotel reviews 77323