ప్రమాదానికి గురై నడవలేని స్థితిలో ఉన్న తండ్రిని సైకిల్ పై కూర్చోబెట్టుకుని ఏకంగా 1200 కిలోమీటర్లు ప్రయాణించిన 15 ఏళ్ల బీహార్ బాలికపై అమెరికా అధ్యక్షుడు డోనాల్డ్ ట్రంప్ కుమార్తె ఇవాంకా ట్రంప్ ప్రశంసలు కురిపించారు. భారతీయ ప్రజల ప్రేమ, ఓర్పునకు ఇదో అందమైన ఫీట్ అని ఆమె అభివర్ణించారు. ఆ బాలిక సాహసాన్ని ఇవాంకా ప్రశంసించగా.. నెటిజన్లు మాత్రం ఇది ప్రభుత్వ వైఫల్యమని నిప్పులు చెరిగారు. జమ్మూకాశ్మీర్ మాజీ సీఎం ఒమర్ అబ్దుల్లా నుంచి సాధారణ ప్రజల వరకు పలువురు కేంద్ర ప్రభుత్వంపై మండిపడ్డారు. ఇంతకీ విషయం ఏమిటంటే.. కరోనా మహమ్మారి కారణంగా దేశంలో విధించిన లాక్ డౌన్ కోట్లాది మంది వలస కార్మికుల పాలిట విలన్ గా మారిన సంగతి తెలిసిందే.
ఉన్నచోట పనిలేక, అక్కడే పస్తులుండలేక మూటా ముల్లె సద్దుకుని కాలినడకన వందల కిలోమీటర్లు నడుచుకుంటూ ఊరు బాట పట్టారు. అలాగే బీహార్ లోని దర్బంగాకు చెందిన మోహన్ పాశ్వాన్ గుర్గావ్ లో రిక్షా కార్మికుడిగా పని చేస్తున్నాడు. లాక్ డౌన్ ముందు జరిగిన ఓ ప్రమాదంలో గాయపడి ఇంటికే పరిమితమయ్యాడు. ఈ లోగా లాక్ డౌన్ రావడంతో అటు ఆదాయం లేక, ఇటు అక్కడే ఉండలేక సతమతమయ్యాడు. పోనీ ఇంటికెళ్లిపోదామంటే ఎలాంటి రవాణా వసతీ లేదు. మిగిలిన వలస కార్మికుల్లా నడిచే పరిస్థితి కూడా లేదు. దీంతో ఆయన కుమార్తె 15 ఏళ్ల జ్యోతి కుమారి సైకిల్ పై తండ్రిని తీసుకుని ఇంటికెళ్దామని నిర్ణయించుకుంది. కొంతమంది అలాంటి సాహసం వద్దని చెప్పినా ఆమె వినలేదు. తండ్రిని సైకిల్ పై వెనకాల కూర్చోబెట్టుకుని ఈనెల 10న గుర్గావ్ లో బయలుదేరింది. కొన్నిచోట్ల ట్రక్ డ్రైవర్ల లిప్ట్ తీసుకుని మొత్తమ్మీద ఏడు రోజుల్లో దాదాపు 1200 కిలోమీటర్ల దూరం ప్రయాణించి ఈనెల 16న సొంతూరు చేరారు. ప్రస్తుతం క్వారంటైన్ సెంటర్లో ఉన్నారు.
అయితే, ఈ విషయంలో సోషల్ మీడియాలో వైరల్ గా మారడంతో ఇవాంకా ట్రంప్ జ్యోతిపై ప్రశంసలు కురిపించారు. మరోవైపు జ్యోతి తెగువకు ఫిదా అయిన భారత సైక్లింగ్ ఫెడరేషన్ ఆమెకు మంచి అవకాశం ఇచ్చింది. వచ్చే నెలలో ఢిల్లీలో జరిగే ట్రయల్స్ లో పాల్గొనమని ఆహ్వానించింది. ఆమె ప్రయాణ ఖర్చులను కూడా తామే భరిస్తామని స్పష్టంచేసింది. ఆ ట్రయల్స్ లో గెలిస్తే, జ్యోతిని జాతీయ సైక్లింగ్ అకాడమీలో చేర్చుకుని శిక్షణ ఇవ్వనున్నట్టు ప్రకటించింది.
650080 124443A really informationrmative post and lots of genuinely honest and forthright comments made! This definitely got me thinking a whole lot about this issue so cheers a good deal for dropping! 368208