సోనూసూద్ నివాసంలో ఆదాయపు పన్ను సోదాలు

ముంబైలోని ప్రముఖ సినీ నటుడు సోనూసూద్ నివాసం, లఖ్ నవూ ప్రాంతాల్లో ఆదాయపు పన్ను విభాగం సోదాలు నిర్వహించింది. ముంబై, లఖనవూలోని ఆయన కంపెనీలో ఈ సోదాలు జరిగినట్టు తెలుస్తోంది. దీంతో ఈ విషయం సంచలనం రేపుతోంది. దీనిపై సంబంధిత వర్గాలు మీడియాకు తెలిపాయి. ఆదాయపు పన్నుకు సంబంధించి అవకతవకలు వచ్చాయన్న ఆరోపణలతో ఈ సోదాలు జరిపినట్టు తెలుస్తోంది. దీంతో ఆయన రాజకీయ ప్రవేశం మరోసారి తెరపైకి వచ్చి ఆయన్ను ప్రశ్నించగా.. ప్రజాసేవ చేయాలంటే రాజకీయాలు ఒక్కడే దారి కాదు అని అన్నారు.

మరోవైపు ఢిల్లీ ప్రభుత్వం ఆధ్వర్యంలోని ‘దేశ్ కే మెంటర్స్’ కార్యక్రమానికి సోనూసూద్ ను బ్రాండ్ అంబాసిడర్ గా ఇటివలే నియమించింది. ఈ కార్యక్రమంలో భాగంగా పాఠశాల విద్యార్ధులకు మార్గనిర్దేశం చేయనున్నారు. సోనూసూద్ ను బ్రాండ్ అంబాసిడర్ గా నియమించిన కొన్ని రోజులకే ఈ సోదాలు జరగడం రాజకీయంగా కూడా చర్చనీయాంశమైంది. సోదాలపై సోనూసూద్ స్పష్టతనివ్వాల్సి ఉంది.