యంగ్ హీరో రామ్ పోతినేని, తన తాజా చిత్రం ‘ఇస్మార్ట్ శంకర్’ షూటింగ్ సందర్భంగా పబ్లిక్లో స్మోక్ చేసినందుకుగాను పోలీసులకు 200 రూపాయల జరీమానా కట్టాల్సి వచ్చింది. పబ్లిక్లో స్మోకింగ్ చేయడంపై పోలీసులు ఉక్కుపాదం మోపుతోన్న సంగతి తెల్సిందే. మరి, రామ్ ఎందుకలా చేశాడు? అంటే, దానికి భలే కవరింగ్ ఇచ్చాడు ఈ ఇస్మార్ట్ రామ్.
‘అది షూటింగ్ సమయంలో స్మోక్ చేస్తుండగా జరిగిన విషయం. షూటింగ్ బ్రేక్లో కాదు..’ అంటూ రామ్ తనదైన స్టయిల్లో సోషల్ మీడియాలో క్లారిటీ ఇచ్చాడు. ‘నా టైము, పబ్లిక్ టైము వేస్ట్ చెయ్యడం ఇష్టం లేక రెస్పాండ్ గాలే.. షూట్ల కాల్చిన తమ్మి.. బ్రేక్ల కాద్.. టైటిల్ సాంగ్ల చూస్తావ్గా స్టెప్పు.. ఫిర్ భి లా కి ఇజ్జత్ ఇచ్చి ఫైన్ కట్టినమ్. గిప్పఉడు నువ్వు కూడా నా లెక్క లైట్ తీసుక్కో పనిచేస్కో – ఉస్తాద్ ఇస్మార్ట్ శంకర్’ అంటూ రామ్ పోతినేని ట్విట్టర్లో పక్కా హైదరాబాదీ స్టయిల్ వివరణ ఇచ్చాడు.
Naa time-u.. Public time-u waste cheyadam ishtam leka respond gaale…
“Shot la kalchina thammi..Break la kaad..Title song la chustaavga stepu?..phir bhi law ki izzat ichi fine kattinam..?
Gippudu nuvvu kuda naa lekka..#LiteTheskoPaniChusko ?”
-Ustaad #iSmartShankar
— RAm POthineni (@ramsayz) June 25, 2019
పోలీసులు, షూటింగ్ బ్రేక్లో రామ్ స్మోకింగ్ చేశాడంటూ మీడియాలో కథనాలు గుప్పుమన్నాయి. హీరో రామ్ మాత్రం.. అదంతా ఉత్తదేనంటున్నాడు. ఏది నిజం.? పోలీసులే సమాధానం చెప్పాలేమో. అయినా షూటింగ్ సందర్భంగా స్మోక్ చేస్తే, పోలీసులు ఫైన్ విధిస్తారా.? అనే ప్రశ్న కూడా విన్పిస్తోంది.
ఏదిఏమైనా, ఈ వివాదం ‘ఇస్మార్ట్ శంకర్’ సినిమాకి పబ్లిసిటీ పరంగా భలేగా కలిసొచ్చింది. వరల్డ్ కప్ సెమీ ఫైనల్స్ పోటీల కారణంగా ‘ఇస్మార్ట్ శంకర్’ సినిమా విడుదలను వాయిదా వేస్తున్నట్లు ఇటీవలే అధికారికంగా ప్రకటించారు చిత్ర దర్శక నిర్మాతలు. మరీ ఎక్కువ టైమ్ కాదు, జస్ట్ ఆరు రోజులు మాత్రమే. ఇంతలోనే ఈ వివాదం, సినిమాకి పబ్లిసిటీ పరంగా భలే ఊపు తీసుకొచ్చిందని నిస్సందేహంగా చెప్పొచ్చు.
పూరి జగన్నాథ్ దర్శకత్వంలో రూపొందుతోన్న ఈ ‘ఇస్మార్ట్ శంకర్’లో రామ్ సరసన నిధి అగర్వాల్, నభా నటేష్ హీరోయిన్లుగా నటిస్తున్నారు. పూరి జగన్నాథ్, ఛార్మి సంయుక్తంగా ఈ చిత్రాన్ని నిర్మిస్తున్న విషయం విదితమే.