అరరె.! ఎంత మాట అనేస్తిరి.? నేరం నిరూపితం కాకుండానే అనవసరమైన ఆరోపణలు చేయడమేంటి.? అంటూ మంత్రి రోజా ‘సుద్ద పూస కబుర్లు’ చెబుతున్నారు. ఏంటో, ఈ రాజకీయం.! ఒకప్పుడు మెగాస్టార్ చిరంజీవి, ప్రజారాజ్యం పార్టీని స్థాపించిన సమయంలో రోజా, ఆ మెగాస్టార్ చిరంజీవి నిర్వహిస్తోన్న బ్లడ్ మరియు ఐ బ్యాంక్ మీద చేసిన ఆరోపణలు అన్నీ ఇన్నీ కావు. చిరంజీవి టిక్కెట్లు అమ్ముకున్నారట, చిరంజీవి మహిళలకు గౌరవమివ్వరట. ఇలా రోజా చేసిన ఆరోపణలు, వెకిలి వ్యాఖ్యలు.. అన్నీ ఇన్నీ కావు.
ఎప్పుడైతే, చిరంజీవి రాజకీయాలకు దూరమయ్యారో.. ‘అబ్బో, చిరంజీవి మహానుభావుడు.. గొప్ప వ్యక్తి..’ అంటూ కొనియాడటం మొదలు పెట్టారు. అంతేనా, మంత్రి పదవి వచ్చాక, మెగాస్టార్ చిరంజీవి ఆశీస్సులు కూడా తీసుకున్నారు రోజా.
రాజకీయాల్లో ఆరోపణలు ఎలా వుంటాయ్.? ఆరోపణలు ఎందుకు చేస్తారు.? అన్నదానికి నిలువెత్తు నిదర్శనం సినీ నటి, వైసీపీ నేత మంత్రి రోజా. టీడీపీలో వున్నప్పుడు వైఎస్ రాజశేఖర్ రెడ్డి పంచె కట్టు మీద విమర్శలు చేసిన రోజా, ఇప్పుడేమో రాజశేఖర్ రెడ్డిని దేవుడిగా అభివర్ణిస్తున్నారు. అదే రాజకీయమంటే.!
వైసీపీ ఎంపీ గోరంట్ల మాధవ్, ఓ నగ్న వీడియోలో అడ్డంగా దొరికిపోతే, ఆయన్ని వెనకేసుకొస్తున్నారు రోజా. ‘ఆ వీడియో నిజమైనదో, కాదో తెలియకుండానే ఆరోపణలు చేసెయ్యడమా.?’ అంటూ రోజా మండిపడిపోయారు. మరి, ‘చంద్రబాబు దత్త పుత్రుడు పవన్ కళ్యాణ్..’ అని రోజా ఎలా విమర్శించగలుగుతున్నారు.? కాస్తయినా సెన్స్ వుండాలి కదా.? అని నెటిజనం ప్రశ్నిస్తున్నారు.
అంత బాహాటంగా, నగ్నంగా దొరికిపోయాక కూడా గోరంట్ల మాధవ్ బుకాయిస్తున్నారు.. ఆయన్ని వైసీపీ మహిళా నేతలూ సమర్థిస్తున్నారు. ఇలా వుంది వైసీపీ రాజ్యాంగం.! ఇతరుల మీద అయితే, అడ్డగోలు విమర్శలు.. కేసులు, వేధింపులు. సొంత పార్టీ నేతలు ఎంతటి వికారాలకు పాల్పడినా, సమ్మగా వుంటోంది వైసీపీకి.
390045 266993I like this web blog really much so considerably superb information . 430098
246721 963758I agree with most of your points, but a few need to have to be discussed further, I will hold a small talk with my partners and perhaps I will look for you some suggestion soon. 969809
987917 44451Excellently written post, doubts all bloggers offered the identical content since you, the internet has to be far far better place. Please stay the very best! 386146