హైద్రాబాద్ మెట్రో ప్రాజెక్టుకి సంబంధించి మరో లైన్ నేటి నుంచి అందుబాటులోకి వచ్చింది. కొత్త రూట్ రాకతో, మొత్తంగా మూడు ప్రధాన రూట్లలో మెట్రో రైళ్ళు నగరవాసులకు పూర్తి స్థాయిలో సేవలు అందించడానికి మార్గం సుగమం అయ్యింది. తెలంగాణ ముఖ్యమంత్రి కేసీఆర్, కొత్త లైన్లో మెట్రో రైలుకి పచ్చజెండా ఊపారు.. అదే రైల్లో ప్రయాణించారు కూడా. సరిగ్గా అదే సమయంలో, ఆంధ్రప్రదేశ్లో ‘మెట్రో ప్రాజెక్టు’కి సంబంధించి కీలకమైన పరిణామం చోటు చేసుకుంది. అదే విశాఖ మెట్రో ప్రాజెక్టుకి డీపీఆర్ రూపకల్పన చేయాలని అధికారుల్ని ప్రభుత్వం ఆదేశించడం.
ఈ ప్రాజెక్టు కోసం కొటేషన్లు పిలవాలని అమరావతి మెట్రో రైల్ ఎండీని ప్రభుత్వం ఆదేశించడం ద్వారా విశాఖ మెట్రో ప్రాజెక్టులో కదలిక వచ్చిందని అనుకోవచ్చు. గతంలో.. అంటే, చంద్రబాబు హయాంలో విశాఖ మెట్రో ప్రాజెక్టుకి బీజం పడింది. విశాఖతోపాటు విజయవాడ మెట్రోరైల్ ప్రాజెక్టునీ అప్పట్లో చంద్రబాబు ప్రభుత్వం ప్రతిపాదించింది. అమరావతి మెట్రో రైల్ పేరుతో విజయవాడ నుంచి అమరావతి వరకూ మెట్రో రైలు ప్రాజెక్టుని చేపట్టాలన్నది చంద్రబాబు సర్కార్ చేసిన ఆలోచన. అయితే, దానికి నానా రకాల ఇబ్బందులూ తలెత్తాయి. కేంద్రం రకరకాల కొర్రీలు పెట్టింది. చివరికి విజయవాడ మెట్రో దాదాపుగా అటకెక్కేసింది.
రాజధానిని అమరావతి నుంచి విశాఖకు తరలించనున్న వైఎస్ జగన్ సర్కార్, విశాఖ మెట్రో ప్రాజెక్టుపై ఫోకస్ పెట్టింది. నిజానికి మెట్రో ప్రాజెక్టు అంటే అంత సులువైన వ్యవహారం కాదు. వేల కోట్లు ఖర్చయ్యే ప్రాజెక్టు అది. దీనికోసం భూ సమీకరణ మరో పెద్ద సమస్య. విశాఖ లాంటి నగరంలో ఈ ప్రాజెక్టు మరీ కష్టమైన వ్యవహారమన్నది విశ్లేషకుల అభిప్రాయం. పైగా, అక్కడ మెట్రో రైలుని ఎంతమంది ఆదరిస్తారన్నది ఇంకో సమస్య.
హైద్రాబాద్లోనే మెట్రో రైలు విషయమై చాలా అనుమానాలున్నాయి. అన్నట్టు, ఏకంగా 79.9 కిలోమీటర్ల మేర మెట్రో రైలుని విశాఖలో ప్రతిపాదిస్తున్నారు. దానికి తోడు, 60 కిలోమీటర్ల మేర ట్రావ్ు సర్వీసులు కూడానట. చూస్తోంటే, ఇదేదో పబ్లిసిటీ స్టంట్ అన్పించకమానదు. మెట్రో లాంటి ప్రాజెక్టుల పట్ల కేంద్రం సానుకూలంగా స్పందించాలి. కానీ, రాష్ట్రం విషయంలో కేంద్రం చూపిస్తున్న సవతి ప్రేమ దృష్ట్యా.. విశాఖ మెట్రో సాధ్యమయ్యే పనేనా.?
313775 348711This really is a extremely exciting post, Im searching for this know how. So you realize I established your internet web site when I was searching for internet sites like my own, so please appear at my internet website someday and post me a opinion to let me know how you feel. 325782