విశాఖపట్నం గురించి మాట్లాడుకోవాల్సి వస్తే, అది అందమైన నగరం అని అంతా చెబుతుంటారు. అది నిజం కూడా. పొడవైన తీరం విశాఖ సొంతం. అందమైన కొండలు, ఎర్రమట్టి దిబ్బలు.. ఇలా విశాఖ ప్రత్యేకతల గురించి ఎంత చెప్పుకున్నా తక్కువే. కానీ, ఆ విశాఖ ఘనతల్లో ‘కాలుష్యం’ కూడా ఒకటి.
విశాఖ పోర్ట్ సహా, విశాఖలో కొలువుదీరిన పరిశ్రమల నుంచి వచ్చే కాలుష్యం.. విశాఖ నగరంపై ఎప్పటికప్పుడు పంజా విసురుతూనే వుంది. కాలుష్యం నుంచి తమను కాపాడాలంటూ విశాఖ ప్రజలు ఎన్నో ఏళ్ళుగా ప్రభుత్వాలకు మొరపెట్టుకుంటున్నారు. కానీ, కాలుష్యం నుంచి విశాఖను బయటపడేసేందుకు ఏ ప్రభుత్వమూ ప్రయత్నించిన దాఖలాల్లేవు.
పైగా, నిబంధనలకు నీళ్ళొదిలి ప్రమాదకరమైన రసాయన కర్మాగారాల్ని నిర్వహించడం సర్వసాధారణమైపోయింది విశాఖలో. రాజకీయ ఒత్తిళ్ళే దీనికి ప్రధాన కారణం. తాజాగా విశాఖలో ఎల్జీ పాలిమర్స్ అనే పరిశ్రమ నుంచి విష వాయువులు వెలువడ్డాయి. వందల మంది ఈ విష వాయువుల ప్రభావానికి గురయ్యారు.
వందల సంఖ్యలో కాదు, వేల సంఖ్యలో బాధితులు వుంటారనే ప్రచారం జరుగుతోంది. ‘విశాఖలో పరిశ్రమల కాలుష్యంపై ప్రజా ప్రతినిథులకు మొరపెట్టుకుంటున్నా ఎవరూ పట్టించుకోవడంలేదు. రాజకీయ నిర్లక్ష్యమే ఇప్పుడు మా ప్రాణాల్ని హరించేస్తోంది..’ అంటూ బాధితులు కన్నీరు మున్నీరవుతున్నారు.
విశాఖపట్నంను ఐటీ క్యాపిటల్గా మార్చుతామని చంద్రబాబు హయాంలో నానా హంగామా నడిచింది. కానీ, విశాఖలో అభివృద్ధి శూన్యం. ఇప్పుడు విశాఖని ఎగ్జిక్యూటివ్ క్యాపిటల్ అంటున్నారు. దురదృష్టం.. విశాఖ ఇప్పుడు విషం చిమ్మే పరిశ్రమలకు క్యాపిటల్గా మారింది. దేశమంతా ఇప్పుడు విశాఖ గురించే చర్చించుకుంటోంది. పాలకులు విశాఖపట్నంకి బోల్డంత పేరు తీసుకొస్తున్నారు.. అది ‘చెడ్డ పేరు’ కావడమే బాధాకరం.
808708 705307wonderful . Thanks for informations . Ill be back. Thanks once more 261903
565430 898209Immer etliche Firmen bentzen heutzutage Interimmanagement als innovatives und ergnzendes Gertschaft i. Spanne der Unternehmensfhrung. Denn hiermit wird Kenntnisstand leistungsfhig, bedarfsgerecht und schnell ins Unternehmen geholt. 742291