Hyper Adi: మెగా-అల్లు ఫ్యామిలీపై నెట్టంట జరుగుతున్న చర్చపై కమెడియన్ హైపర్ ఆది (Hyper Adi) స్పందించారు. శివం భజే సినిమా ప్రమోషన్లో పాల్గొన్న ఆది అల్లు అర్జున్ గురించి మాట్లాడారు. ప్రస్తుతం ఇందుకు సంబంధించిన వీడియో నెట్టింట వైరల్ అవుతోంది.
‘సోషల్ మీడియాలో కొందరు కావాలనే అల్లు అర్జున్ ను ట్రోల్ చేస్తున్నారు. ఇది సరైంది కాదు. అల్లు అర్జున్ జాతీయ ఉత్తమ నటుడు అవార్డు గెలుచుకున్నారు. ఆయన్ను గౌరవించాలి. ఉద్దేశపూర్వకంగానే ఆయనపై ట్రోలింగ్ జరుగుతోంది. మెగా ఫ్యామిలీ అంతా ఒకటే. వారంతా కలిసే ఉంటారు. థంబ్ నెయిల్స్ పెట్టి కామెంట్ చేస్తున్నారు. ఇకపై అలాంటివి చేయకూడదని కోరుతున్నా. ఇటువంటి ట్రోలింగ్స్ ఆపేయాలని మనస్ఫూర్తిగా కోరుకుంటున్నా’నని అన్నారు.
ఏపీ ఎన్నికల సందర్భంగా కుటుంబంలోని వ్యక్తి అయిన పవన్ కల్యాణ్ కు కాకుండా నంద్యాలలో తన స్నేహితుడైన వైసీపీ అభ్యర్ధికి అల్లు అర్జున్ ప్రచారానికి వెళ్లడంతో ఆయనపై తీవ్రంగా విమర్శలు వచ్చాయి. ఈ నేపథ్యంలోనే హైపర్ ఆది స్పందించి ఉంటారని నెటిజన్లు కామెంట్స్ చేస్తున్నారు.
#AlluArjun గారి మీద ట్రోలింగ్ ఇకపై ఐనా ఆపేయాలి. ఒక నేషనల్ అవార్డు విన్నర్ గురించి ఇలా మాట్లాడటం కరెక్ట్ కాదు. – #HyperAdhi pic.twitter.com/MQ45fx4wkB
— Rajesh Manne (@rajeshmanne1) July 23, 2024